ಛತ್ತೀಸ್ಗಢ್: ದಂಪತಿಗಳ ನಡುವೆ ಜಗಳ ಸರ್ವೆಸಾಮಾನ್ಯ. ಇಂದು ಕಿತ್ತಾಡಿ ನಾಳೆ ಒಂದಾಗುವ ಜೋಡಿಗಳ ಮಧ್ಯೆ ಇಲ್ಲೊಂದು ಜೋಡಿ ಪ್ರಾಣವನ್ನೇ ಕಳೆದುಕೊಂಡಿದೆ.
ಆಶಾ ಬಾಯಿ ಮೃತ ಮಹಿಳೆ. ಆರೋಪಿ ಪತಿ ಹೆಸರು ಶಂಕರ್ ರಾಮ್. ಛತ್ತೀಸ್ಗಢ್ನ ಜಶ್ಪುರ್ ಜಿಲ್ಲೆಯಲ್ಲಿ ಪತಿ ತನ್ನ ಪತ್ನಿಯನ್ನು ಹತ್ಯೆಗೈದಿದ್ದಾನೆ. ಲೈಂಗಿಕ ಕ್ರಿಯೆಗೆ ಬರುವಂತೆ ಆಕೆಯನ್ನು ಕೇಳಿದ್ದಕ್ಕೆ, ಅವಳು ಒಪ್ಪಲಿಲ್ಲ ಎಂಬ ಕಾರಣಕ್ಕೆ ಕೊಂದಿದ್ದಾನೆ.
ಇದನ್ನೂ ಓದಿ: 77 ವರ್ಷದ ಬಳಿಕ ಗ್ರಾಮಕ್ಕೆ ಭೇಟಿ ಕೊಟ್ಟ 98 ವರ್ಷದ ವೃದ್ಧ!; ಮುಂದೆ ಆಗಿದ್ದೇನು?
ದಂಪತಿ ರಾತ್ರಿ ಕಂಠಪೂರ್ತಿ ಮದ್ಯಪಾನ ಮಾಡಿದ ಬಳಿಕ ನಿದ್ದೆ ಮಾಡಲು ರೂಮ್ಗೆ ಹೋಗಿದ್ದಾರೆ. ಆಗ ಶಂಕರ್ ರಾಮ್ ತನ್ನ ಪತ್ನಿಯನ್ನು ಲೈಂಗಿಕ ಕ್ರಿಯೆಗೆ ಒತ್ತಾಯ ಮಾಡಿದ್ದಾನೆ. ಆದರೆ ಆಶಾ ಬಾಯಿ ಒಪ್ಪಲಿಲ್ಲ. ಈ ವೇಳೆ ಇಬ್ಬರ ನಡುವೆ ಜಗಳವಾಗಿದೆ. ಕುಡಿದ ಅಮಲು, ಕೋಪದಲ್ಲಿದ್ದ ಆಶಾ ಬಾಯಿ ಹೋಗಿ ಬಾವಿಗೆ ಹಾರಿದ್ದಾಳೆ.
ಪತಿ ರಾಮ್ ಆಶಾಳನ್ನು ಬಾವಿಯಿಂದ ಮೇಲೆತ್ತಿ ಕರೆದುಕೊಂಡು ಬಂದು ಮತ್ತೆ ಲೈಂಗಿಕ ಕ್ರಿಯೆಗಾಗಿ ಜಗಳ ತೆಗೆದಿದ್ದಾನೆ. ಶಂಕರ್ ರಾಮ್ ಆಕೆಯ ಖಾಸಗಿ ಭಾಗದ ಮೇಲೆಯೇ ಹಲ್ಲೆ ಮಾಡಿ, ಕೊಂದಿದ್ದಾನೆ. ವಿಷಯ ತಿಳಿದು ಸ್ಥಳಕ್ಕೆ ಬಂದ ಪೊಲೀಸ್ ಸಿಬ್ಬಂದಿ ಶಂಕರ್ನನ್ನು ಅರೆಸ್ಟ್ ಮಾಡಿದ್ದಾರೆ.