ಮುಂಬೈ: ಮಹಾರಾಷ್ಟ್ರದ ರಾಯಘಢ ಜಿಲ್ಲೆಯಲ್ಲಿ ಖಾಲಾಪುರದಲ್ಲಿರುವ ಎನ್ಡಿ ಸ್ಟುಡಿಯೋಸ್ನಲ್ಲಿ ಬೆಂಕಿ ಅವಘಡವಾಗಿದ್ದು, ಇದರಲ್ಲಿ ಜೋಧಾ ಅಕ್ಬರ್ ಚಿತ್ರದ ಸೆಟ್ಗಳು ಸುಟ್ಟು ಕರಕಲಾಗಿವೆ. ಮಿಕ್ಕಂತೆ, ಯಾವುದೇ ಸಾವು-ನೋವು ವರದಿಯಾಗಿಲ್ಲ.
ಇದನ್ನೂ ಓದಿ: ಪ್ರೀತಿಗಾಗಿ ನಾರ್ವೆವರೆಗೂ ಸೈಕಲ್ ಓಡಿಸ್ತಾರಾ ಶಾರೂಖ್ ಖಾನ್?
ಹೃತಿಕ್ ರೋಶನ್ ಮತ್ತು ಐಶ್ವರ್ಯ ರೈ ಅಭಿನಯದ ಜೋಧಾ ಅಕ್ಬರ್ ಚಿತ್ರ ಬಿಡುಗಡೆಯಾಗಿದ್ದು 2008ರಲ್ಲಿ. ಆ ಚಿತ್ರಕ್ಕೆ ಹಾಕಲಾದ ಸೆಟ್ಗಳು ಇನ್ನೂ ಇವೆಯಾ ಎಂದು ಆಶ್ಚರ್ಯವಾಗಬಹುದು. ಆದರೆ,ಇದು ನಿಜ.
ಜೋಧಾ ಅಕ್ಬರ್ ಚಿತ್ರಕ್ಕಾಗಿ ಖ್ಯಾತ ಕಲಾ ನಿರ್ದೇಶಕ ನಿತಿನ್ ಚಂದ್ರಕಾಂತ್ ದೇಸಾಯಿ ತಮ್ಮ ಎನ್ಡಿ ಸ್ಟುಡಿಯೋನಲ್ಲೇ ಹಲವು ಸೆಟ್ಗಳನ್ನು ಹಾಕಿದ್ದರು. ಕೋಟೆ, ಅರಮನೆಯ ಸೆಟ್ಗಳನ್ನು ಈ ಚಿತ್ರಕ್ಕಾಗಿ ಹಾಕಲಾಗಿದ್ದು, ಚಿತ್ರ ಬಿಡುಗಡೆಯಾದರೂ ಹಾಗೆಯೇ ಉಳಿಸಿಕೊಳ್ಳಲಾಗಿತ್ತು. ಈ ಸೆಟ್ಗಳು ಪ್ರವಾಸಿಗರಿಗೆ ದೊಡ್ಡ ಆಕರ್ಷಣೆಯಾಗಿತ್ತು. 13 ವರ್ಷಗಳ ಕಾಲ ರಕ್ಷಿಸಲಾಗಿದ್ದ ಈ ಸೆಟ್ಗಳು ಇದೀಗೆ ಬೆಂಕಿಗೆ ಆಹುತಿಯಾಗಿವೆ.
ಇದನ್ನೂ ಓದಿ: ನಮ್ಮಪ್ಪನನ್ನು ಮೀರಿಸೋಕೆ ಸಾಧ್ಯವಿಲ್ಲ ಎಂದು ಅಭಿಷೇಕ್ ಹೇಳಿದ್ದೇಕೆ?
ಸೆಟ್ಗೆ ಬೆಂಕಿ ಬಿದ್ದಿದೆ ಎಂದು ಸುದ್ದಿ ಹರಡುತ್ತಿದ್ದಂತೆಯೇ, ಫೈರ್ ಇಂಜಿನ್ಗಳನ್ನು ಕರೆಸಿ ಬೆಂಕಿಯನ್ನು ನಂದಿಸುವ ಕೆಲಸ ಮಾಡಲಾಯಿತು. ಒಂದೆರೆಡು ಗಂಟೆಗಳ ಅವಧಿಯಲ್ಲಿ ಬೆಂಕಿಯನ್ನು ನಂದಿಸಲಾದರೂ, ಅಷ್ಟರಲ್ಲಿ ಸೆಟ್ ಬಹುತೇಕ ಸುಟ್ಟುಹೋಗಿದೆ ಎಂದು ಹೇಳಲಾಗಿದೆ.