ನವದೆಹಲಿ: ಸಿರಪ್ ಒಂದರಿಂದ ಮಕ್ಕಳ ಸಾವಿಗೆ ಕಾರಣವಾಗಿದೆ ಎಂಬ ಆರೋಪ ಎದುರಿಸುತ್ತಿರುವ ಭಾರತದ ಈ ಔಷಧ ಕಂಪನಿ ಮತ್ತೆ ಮತ್ತೆ ತಪ್ಪೆಸಗುತ್ತಿದ್ದು, ಇದರ ಬಹಳಷ್ಟು ಮದ್ದು ಕಳಪೆ ಆಗಿದೆ ಎಂದೂ ಹೇಳಲಾಗುತ್ತಿದೆ. ಮಾತ್ರವಲ್ಲ, ಈ ಕುರಿತು ಈಗಾಗಲೇ ಕೆಲವು ರಾಜ್ಯಗಳಲ್ಲಿ ಎಚ್ಚರಿಕೆಯನ್ನು ನೀಡಲಾಗಿದೆ.
ಮೇಡನ್ ಫಾರ್ಮಾಸ್ಯೂಟಿಕಲ್ಸ್ ಕಂಪನಿಯ ಸಿರಪ್ ಕುಡಿದು ಗೇಂಬಿಯಾದಲ್ಲಿ 66 ಮಕ್ಕಳು ಸಾವಿಗೀಡಾಗಿದ್ದ ಹಿನ್ನೆಲೆಯಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯೇ ಎಚ್ಚರಿಕೆ ನೀಡಿತ್ತು. ಇದೀಗ ಈ ಕಂಪನಿ ಇಂಥ ತಪ್ಪುಗಳನ್ನು ಈ ಹಿಂದೆಯೂ ಮಾಡಿದ್ದು, ಭಾರತದಲ್ಲೇ ಕೆಲವು ರಾಜ್ಯಗಳಲ್ಲಿ ಕಳಪೆ ಮದ್ದುಗಳನ್ನು ವಿತರಿಸಿದ್ದು ಈಗ ಬೆಳಕಿಗೆ ಬಂದಿದೆ.
ಮೇಡನ್ ಫಾರ್ಮಾಸ್ಯೂಟಿಕಲ್ಸ್ ಕಂಪನಿಯನ್ನು ವಿಯೆಟ್ನಾಂ 2011ರಲ್ಲೇ ನಿಷೇಧಿಸಿತ್ತು. ಭಾರತದಲ್ಲೂ ಈ ಕಂಪನಿ ಕಳಪೆ ಮದ್ದುಗಳನ್ನು ವಿತರಿಸಿದೆ ಎಂಬುದನ್ನು ಸಾರ್ವಜನಿಕ ಆರೋಗ್ಯ ಕಾರ್ಯಕರ್ತ ದಿನೇಶ್ ಠಾಕೂರ್ ಹೇಳಿದ್ದಾರೆ. ಕೇರಳ, ಗುಜರಾತ್, ಬಿಹಾರಗಳಲ್ಲಿ ಈ ಕಂಪನಿ ಕಳಪೆ ಔಷಧ ನೀಡಿದ್ದು, ಅಧ್ಯಯನದಿಂದ ತಿಳಿದು ಬಂದಿದೆ ಎಂದು ಅವರು ಹೇಳಿದ್ದಾರೆ.
ಮತ್ತೊಂದೆಡೆ, ಮೇಡನ್ ಕಂಪನಿ 1990ರ ನವೆಂಬರ್ನಲ್ಲಿ ಕಾರ್ಯಾರಂಭಿಸಿದ್ದು, ಇದುವರೆಗೆ ಇದರ ಸಿರಪ್ ಬರೀ ಗೇಂಬಿಯಾಗಷ್ಟೇ ರಫ್ತು ಮಾಡಲಾಗಿತ್ತು ಎಂದು ಭಾರತ ಸರ್ಕಾರ ತಿಳಿಸಿದೆ.
ಮೇಡನ್ ಫಾರ್ಮಾಸ್ಯೂಟಿಕಲ್ಸ್ನ ಕಳಪೆ ಔಷಧಗಳ ಪಟ್ಟಿ
- ಬಿಹಾರ-2008: ಎರಿಥ್ರೋಮೈಸಿನ್ ಸ್ಟಿಯರೇಟ್ 125 ಎಂಜಿ ( 4 ಬ್ಯಾಚ್ ಕಳಪೆ ಆಗಿದ್ದವು)
- ಬಿಹಾರ-2011: ಮಿಥೈಲರ್ಗೊಮೆಟ್ರಿನ್ ಟ್ಯಾಬ್ಲೆಟ್ (ನಕಲಿ)
- ವಿಯೆಟ್ನಾಮ್: 2011ರಿಂದ 2013ರವರೆಗೂ ನಿಷೇಧ
- ಗುಜರಾತ್-2013: ಮ್ಯಾಸಿಪ್ರೋ ಟ್ಯಾಬ್ಲೆಟ್ (ಡಿಸೊಲ್ಯುಷನ್ ಇಷ್ಯೂಸ್)
- ಜಮ್ಮು ಮತ್ತು ಕಾಶ್ಮೀರ-2020: ಸಿಪ್ರೊಹೆಪ್ಟಡಿನ್ ಹೈಡ್ರೋಕ್ಲೋರೈಡ್ ಸಿರಪ್ ಐಪಿ (ಕಳಪೆ)
- ಕೇರಳ-2021: ಮೆಟ್ಫಾರ್ಮಿನ್ 1000 ಟ್ಯಾಬ್ಲೆಟ್ (ಡಿಸೊಲ್ಯುಷನ್ ಇಷ್ಯೂಸ್)
- ಕೇರಳ-2021: ಈಸಿಪ್ರಿನ್ (ಐಪಿ ಗುಣಮಟ್ಟಕ್ಕೆ ತಕ್ಕನಾಗಿಲ್ಲ)
- ಕೇರಳ-2021: ಮೆಟ್ಫಾರ್ಮಿನ್ 500 ಟ್ಯಾಬ್ಲೆಟ್ (ಡಿಸೊಲ್ಯುಷನ್ ಇಷ್ಯೂಸ್)
- ಕೇರಳ-2021: ಮೈಕಲ್ ಡಿ ಟ್ಯಾಬ್ಲೆಟ್ (ಕಳಪೆ)
ವಾಹನ ಸವಾರರಿಗೆ ವಿಶೇಷ ಸೂಚನೆ, ನಿಮ್ಮ ಜೀವಕ್ಕೆ ನೀವೇ ಹೊಣೆ: ಆಸ್ಪತ್ರೆಗಾಗಿ ಹೀಗೊಂದು ಹೊಸ ಥರದ ಫಲಕ