ಮಹೇಶ್ ಬಾಬು ಮತ್ತು ರಾಜಮೌಳಿ ಕಾಂಬಿನೇಷನ್ನಲ್ಲಿ ಸಿನಿಮಾ ಮೂಡಿಬರುವುದು ಅಧಿಕೃತವಾಗಿದೆ. ಆದರೆ, ಆ ಸಿನಿಮಾ ಹೇಗಿರಲಿದೆ? ಯಾವ ಶೈಲಿಯ ಕಥೆ ಆಯ್ದುಕೊಳ್ಳಲಿದ್ದಾರೆ ರಾಜಮೌಳಿ ಎಂಬುದು ಸದ್ಯದ ಮಟ್ಟಿಗೆ ನಿಗೂಢ! ಹೀಗಿರುವಾಗಲೇ ಮಹೇಶ್ ಬಾಬು ಅವರ ರಾಮನ ಅವತಾರದ ವಿಭಿನ್ನ ಪೋಸ್ಟರ್ವೊಂದು ಸದ್ಯ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಅಷ್ಟಕ್ಕೂ ಆ ಪೋಸ್ಟರ್ ಅಸಲಿಯಾ ಅಥವಾ ನಕಲಿಯಾ ಎಂಬುದು ಅಭಿಮಾನಿವಲಯದಲ್ಲಿ ಯಕ್ಷಪ್ರಶ್ನೆಯಾಗಿದೆ. ಇತ್ತ ಚಿತ್ರತಂಡದಿಂದಲೂ ಈ ಬಗ್ಗೆ ಯಾವುದೇ ಅಪ್ಡೇಟ್ ಮಾಹಿತಿ ಹೊರಬಿದ್ದಿಲ್ಲ.
ಇದನ್ನೂ ಓದಿ: ಆರ್ಜಿವಿ ಬತ್ತಳಿಕೆಯಿಂದ ಕರೊನಾ ವೈರಸ್ ಸಿನಿಮಾ; ಟ್ರೇಲರ್ ಬಂದೇ ಬಿಟ್ಟಿದೆ ನೋಡಿ!
ಹೌದು, ರಾಮಾಯಣ ಸಿನಿಮಾ ಮಾಡಿದರೆ ಆ ಚಿತ್ರವನ್ನು ರಾಜಮೌಳಿಯೇ ನಿರ್ದೇಶಿಸಬೇಕೆಂದು ಇತ್ತೀಚೆಗಷ್ಟೇ ದೊಡ್ಡ ಮಟ್ಟದ ಅಭಿಯಾನವನ್ನೇ ಶುರುಮಾಡಿದ್ದರು ಅಭಿಮಾನಿಗಳು. ಆ ಬಳಿಕ ಮಹೇಶ್ ಬಾಬು ಸಿನಿಮಾ ಮಾಡುವುದಾಗಿ ಹೇಳಿದರು. ಈ ಕಾಂಬಿನೇಷನ್ನಲ್ಲೇ ರಾಮಾಯಣ ಮೂಡಿಬರಬಹುದು ಎಂಬ ಕುತೂಹಲದಲ್ಲಿ ಇದೀಗ ರಾಮನ ಅವತಾರದ ಫೋಟೋವನ್ನು ಜಾಲತಾಣದಲ್ಲಿ ಹಂಚಿಕೆ ಮಾಡಿದ್ದಾರೆ. ಮೇಲ್ನೋಟಕ್ಕೆ ಇದು ನಕಲಿ ಎಂಬುದು ಈಗಾಗಲೇ ಗೊತ್ತಾಗಿದ್ದು, ಫ್ಯಾನ್ ಮೇಡ್ ಎಂಬ ವಾಟರ್ಮಾರ್ಕ್ ಸಹ ಪೋಸ್ಟರ್ನಲ್ಲಿದೆ. ಇನ್ನು ಈ ಪೋಸ್ಟರ್ ಬಗ್ಗೆ ರಾಜಮೌಳಿಯಾಗಲಿ, ಮಹೇಶ್ ಬಾಬು ಆಗಲಿ ಪ್ರತಿಕ್ರಿಯೆ ನೀಡುವ ಗೋಜಿಗೆ ಹೋಗಿಲ್ಲ.
ಇದನ್ನೂ ಓದಿ: ಪ್ರೇಯಸಿ ನೋಡಲು ಮನವಿ ಮಾಡಿದವನಿಗೆ ಸೋನು ಸೂದ್ ಕೊಟ್ಟ ಉತ್ತರ ಹೀಗಿತ್ತು …
ಈ ಜೋಡಿಯ ಸಿನಿಮಾ ವಿಚಾರಕ್ಕೆ ಬಂದರೆ, ಈವರೆಗೂ ಆ್ಯಕ್ಷನ್ ಅವತಾರದಲ್ಲಿ ಕಾಣಿಸಿಕೊಂಡು, ಫ್ಯಾಮಿಲಿ ಪ್ರೇಕ್ಷಕರಿಗೆ ಇಷ್ಟವಾಗಿದ್ದ ಮಹೇಶ್ ಬಾಬು ಅವರನ್ನು ಹಿಂದೆಂದೂ ಕಾಣಿಸದ ಅವತಾರದಲ್ಲಿ ತೋರಿಸಲು ರಾಜಮೌಳಿ ಪ್ಲ್ಯಾನ್ ಮಾಡಿದ್ದಾರೆ. ಹಲವು ವರ್ಷಗಳ ಹಿಂದೆಯೇ ಮಹೇಶ್ಗಾಗಿ ರಾಜಮೌಳಿ ಕಥೆ ಸಿದ್ಧಪಡಿಸಿದ್ದು, ಇಬ್ಬರೂ ಹಲವು ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿದ್ದರಿಂದ ಒಟ್ಟಿಗೆ ಕೈ ಜೋಡಿಸಲು ಸಮಯ ಕೂಡಿಬಂದಿರಲಿಲ್ಲ. ಈಗ 2021ಕ್ಕೆ ಈ ಜೋಡಿಯ ಸಿನಿಮಾ ಸೆಟ್ಟೇರಲಿದೆ. ಅಂದಹಾಗೆ ದುರ್ಗಾ ಆರ್ಟ್ಸ್ ಬ್ಯಾನರ್ ಈ ಚಿತ್ರಕ್ಕೆ ಬಂಡವಾಳ ಹೂಡಲಿದೆ. (ಏಜೆನ್ಸೀಸ್)
ಅನುಷ್ಕಾಗೆ ಡಿವೋರ್ಸ್ ನೀಡಿ; ಕ್ರಿಕೆಟಿಗ ಕೊಹ್ಲಿಗೆ ಬಿಜೆಪಿ ಎಂಎಲ್ಎಯಿಂದ ಕೋರಿಕೆ!