ಬೆಂಗಳೂರು: ಟೀಸರ್ ಮೂಲಕ ಸದ್ದು ಮಾಡಿದ್ದ ‘ರೋರಿಂಗ್ ಸ್ಟಾರ್’ ಶ್ರೀಮುರಳಿ ‘ಮದಗಜ’ ಸಿನಿಮಾ ಇದೀಗ ಮತ್ತೊಂದು ಹೆಜ್ಜೆ ಮುಂದಿಟ್ಟಿದೆ. ಮೊದಲು ಕನ್ನಡದಲ್ಲಷ್ಟೇ ಸಿನಿಮಾ ಮಾಡುವುದಕ್ಕೆ ಮುಂದಾಗಿದ್ದ ಚಿತ್ರತಂಡ ಇದೀಗ ಬಹುಭಾಷೆಯ ಮೊರೆ ಹೋಗಿದೆ. ಅದರ ಮೊದಲಾರ್ಥವಾಗಿ ಇದೀಗ ತೆಲುಗಿನ ಟೀಸರ್ಗೆ ಸ್ವತಃ ಶ್ರೀಮುರಳಿ ಧ್ವನಿ ನೀಡಿದ್ದಾರೆ.
ಇದನ್ನೂ ಓದಿ: 2021ರ ಮೊದಲ ಚಿತ್ರವಾಗಿ ‘ರಾಜತಂತ್ರ’
ಶ್ರೀಮುರಳಿ ಜನ್ಮದಿನದಂದು ಬಿಡುಗಡೆ ಆಗಿದ್ದ ಟೀಸರ್ಗೆ ಭಾರಿ ಮೆಚ್ಚುಗೆ ಸಿಕ್ಕ ಬೆನ್ನಲ್ಲೇ, ಪರಭಾಷೆಗಳ ನಿರ್ಮಾಪಕರ ಕಣ್ಣು ‘ಮದಗಜ’ ಚಿತ್ರದ ಮೇಲೆ ನೆಟ್ಟಿದೆ. ಅದರಂತೆ ನಾ ಮುಂದೆ ತಾ ಮುಂದೆ ಎಂಬಂತೆ ಚಿತ್ರ ಬಿಡುಗಡೆ ಮಾಡಲು ಮುಂದೆ ಬರುತ್ತಿದ್ದಾರಂತೆ. ಅದರಂತೆ ಇದೀಗ ತೆಲುಗಿನಲ್ಲಿ ರಿಲೀಸ್ ಆಗುವುದು ಅಧಿಕೃತವಾಗಿದ್ದು, ಹೊಸವರ್ಷದ ದಿನ ತೆಲುಗು ಟೀಸರ್ ಬಿಡುಗಡೆ ಆಗಲಿದೆ.
ಈ ಬಗ್ಗೆ ಮಾಹಿತಿ ನೀಡುವ ನಿರ್ದೇಶಕ ಮಹೇಶ್ ಗೌಡ, ‘ಆರಂಭದಲ್ಲಿ ಬಹುಭಾಷೆಯ ಪ್ಲಾನ್ ಇರಲಿಲ್ಲ. ಟೀಸರ್ ಎಲ್ಲ ಭಾಷಿಕರನ್ನು ಇಂಪ್ರೆಸ್ ಮಾಡಿದ ಹಿನ್ನೆಲೆಯಲ್ಲಿ ಕನ್ನಡದ ಜತೆಗೆ ತೆಲುಗು, ತಮಿಳು, ಮಲಯಾಳಂ, ಹಿಂದಿಯಲ್ಲಿಯೂ ಈ ಸಿನಿಮಾ ತೆರೆಕಾಣಲಿದೆ. ಜನವರಿ ನಂತರದಲ್ಲಿ ಇನ್ನುಳಿದ ಮೂರು ಭಾಷೆಗಳ ಟೀಸರ್ ಒಂದೊಂದಾಗಿ ಹೊರಬರಲಿವೆ. ಸದ್ಯ ಜ.1ಕ್ಕೆ ಬಿಡುಗಡೆ ಆಗಲಿರುವ ತೆಲುಗು ಟೀಸರ್ ಮತ್ತು ಸಿನಿಮಾಕ್ಕೆ ಸ್ವತಃ ಶ್ರೀಮುರಳಿ ಅವರೇ ಡಬ್ ಮಾಡಲಿದ್ದಾರೆ’ ಎನ್ನುತ್ತಾರೆ.
ಇದನ್ನೂ ಓದಿ: ಕಿಲಾಡಿ ಜತೆ ಪ್ರಣೀತಾ ಥೈಯಾ ಥಕ; ರವಿತೇಜ ಚಿತ್ರದ ಹಾಡಿನಲ್ಲಿ ಹೆಜ್ಜೆ..
ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಈಗಾಗಲೇ ಶೇ. 80 ಭಾಗದ ಚಿತ್ರೀಕರಣ ಮುಕ್ತಾಯವಾಗಿದ್ದು, ಮೇಕೆದಾಟು, ಬಾಗೇಪಲ್ಲಿ, ಮೈಸೂರಿನಲ್ಲಿ 20 ದಿನಗಳ ಶೂಟಿಂಗ್ ಮುಗಿದರೆ ಸಿನಿಮಾ ಮುಗಿದಂತೆ. ಅದಾದ ಬಳಿಕ ಏಪ್ರಿಲ್ ಕೊನೆಗೆ ಅಥವಾ ಮೇ 1ರ ಕಾರ್ವಿುಕ ದಿನಾಚರಣೆ ನಿಮಿತ್ತ ಚಿತ್ರ ಬಿಡುಗಡೆ ಮಾಡುವುದು ತಂಡದ ಯೋಜನೆ. ಉಮಾಪತಿ ಶ್ರೀನಿವಾಸ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಆಶಿಕಾ ರಂಗನಾಥ್ ನಾಯಕಿಯಾಗಿದ್ದಾರೆ.
ಸಿಡಿದೆದ್ದ ಸ್ಯಾಂಡಲ್ವುಡ್, ಅಭಿಮಾನಿಗಳ ಆಕ್ರೋಶ; ವಿಷ್ಣುವರ್ಧನ್ ಪುತ್ಥಳಿ ಧ್ವಂಸ ಪ್ರಕರಣ ಬಗ್ಗೆ ಚುರುಕಾದ ಪೊಲೀಸರು