ಕಳೆದ ವರ್ಷ ಪ್ರಿಯಾಂಕಾ ಉಪೇಂದ್ರ ಅಭಿನಯದ ‘ದೇವಕಿ’ ಎಂಬ ಚಿತ್ರ ಮಾಡಿದ್ದ ಲೋಹಿತ್, ಆ ನಂತರ ಕಥೆ ಬರೆಯುವುದರಲ್ಲಿ ತೊಡಗಿಸಿಕೊಂಡಿದ್ದಾರೆಂಬ ಸುದ್ದಿ ಇದ್ದೇ ಇತ್ತು. ಆದರೆ, ಅವರ ನಿರ್ದೇಶನದ ಯಾವೊಂದು ಚಿತ್ರ ಸಹ ಸೆಟ್ಟೇರಿರಲಿಲ್ಲ. ಇದೀಗ ಲೋಹಿತ್ ಕೊನೆಗೂ ಒಂದು ಚಿತ್ರವನ್ನು ಅನೌನ್ಸ್ ಮಾಡಿದ್ದಾರೆ.
ಲೋಹಿತ್ ನಿರ್ದೇಶನ ಮಾಡುತ್ತಿರುವ ಚಿತ್ರದ ಹೆಸರೇನು ಗೊತ್ತಾ? ‘ಬ್ರಹ್ಮರಾಕ್ಷಸ’. ಈ ಪದವನ್ನು ಪುರಾಣಗಳಲ್ಲಿ ನೀವು ಕೇಳಿರಬಹುದು. ಈಗ ಬ್ರಹ್ಮರಾಕ್ಷಸನ ವಿಷಯವನ್ನಿಟ್ಟುಕೊಂಡೇ ಅವರೊಂದು ವಿಭಿನ್ನವಾದ ಹಾರರ್ ಚಿತ್ರ ಮಾಡುತ್ತಿದ್ದಾರಂತೆ.
ಇದನ್ನೂ ಓದಿ: ಅನುದಾನ ಕೊಡದಿದ್ದರೆ ಸಿಎಂ ಮನೆ ಮುಂದೆ ಉಪವಾಸ ಸತ್ಯಾಗ್ರಹ …
ಈ ಕುರಿತು ‘ವಿಜಯವಾಣಿ’ಯೊಂದಿಗೆ ಮಾತನಾಡಿರುವ ಅವರು, ‘ಸಾಮಾನ್ಯವಾಗಿ ಹಾರರ್ ಚಿತ್ರಗಳೆಂದರೆ, ಅಲ್ಲಿ ದೆವ್ವ, ಸೇಡು ಇರುತ್ತವೆ. ಆದರೆ, ಇದೇ ಮೊದಲ ಬಾರಿಗೆ ಪುರಾಣವನ್ನಾಧರಿಸಿ ಒಂದು ಹಾರರ್ ಚಿತ್ರ ಮಾಡುತ್ತಿದ್ದೇವೆ. ಈ ತರಹದ ಚಿತ್ರಗಳು ಇದುವರೆಗೂ ಬಂದಿಲ್ಲ. ಬ್ರಹ್ಮರಾಕ್ಷಸ ಎಂದರೆ ಅವನನ್ನು ಸಂಹಾರ ಮಾಡೋಕೆ ಆಗಲ್ಲ. ಈ ವಿಷಯವನ್ನಿಟ್ಟುಕೊಂಡು, ಇವತ್ತಿನ ಸಂದರ್ಭಕ್ಕೆ ಒಗ್ಗಿಸಿ ಕೃಎ ಮಾಡಿಕೊಂಡಿದ್ದೇನೆ’ ಎನ್ನುತ್ತಾರೆ ಅವರು.
ಇನ್ನು ಈ ಚಿತ್ರದಲ್ಲಿ ಯಾರೆಲ್ಲಾ ನಟಿಸುತ್ತಾರೆ ಎಂಬ ವಿಷಯವನ್ನು ಬಿಟ್ಟುಕೊಟ್ಟಿಲ್ಲ. ಮುಂದಿನ ದಿನಗಳಲ್ಲಿ ಎಲ್ಲವನ್ನೂ ವಿವರವಾಗಿ ಹೇಳುವುದಾಗಿ ಹೇಳುತ್ತಾರೆ. ‘ಸದ್ಯಕ್ಕೆ ಸ್ಕ್ರಿಪ್ಟಿಂಗ್ ಕೆಲಸಗಳು ಮುಗಿದಿದೆ. ಇನ್ನು ಕಲಾವಿದರು ಮತ್ತು ತಂತ್ರಜ್ಱರ ಆಯ್ಕೆ ನಡೆಯುತ್ತಿದೆ. ಒಂದಿಷ್ಟು ಹೆಸರುಗಳನ್ನು ಶಾರ್ಟ್ಲಿಸ್ಟ್ ಮಾಡಿಟ್ಟುಕೊಂಡಿದ್ದೇನೆ. ಬಹುಶಃ ಈ ತಿಂಗಳ ಕೊನೆಗೆ ಎಲ್ಲವೂ ಸಂಪೂರ್ಣವಾಗಿ, ಮುಂದಿನ ತಿಂಗಳನಿಂದ ಚಿತ್ರ ಪ್ರಾರಂಭಿಸುವ ಸಾಧ್ಯತೆ ಇದೆ’ ಎನ್ನುತ್ತಾರೆ ಲೋಹಿತ್.
ಇದನ್ನೂ ಓದಿ: ಬಹುವರ್ಷಗಳ ಕನಸನ್ನು ಈಡೇರಿಸಿಕೊಂಡ ನಟಿ ಮಾನ್ವಿತಾ
ಅಂದಹಾಗೆ, ಈ ಚಿತ್ರವನ್ನು ಪುಷ್ಕರ್ ಫಿಲಂಸ್ನಡಿ ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣ ಮಾಡುತ್ತಿದ್ದಾರೆ. ಈಗಾಗಲೇ, ‘ಭೀಮಸೇನ ನಳಮಹಾರಾಜ’ ಚಿತ್ರವನ್ನು ಮುಗಿಸಿರುವ ಅವರು ಅದನ್ನು ಬಿಡುಗಡೆ ಮಾಡುವುದಕ್ಕೆ ತಯಾರಿ ನಡೆಸುತ್ತಿದ್ದಾರೆ. ಇನ್ನು ‘ಟೆನ್’ ಚಿತ್ರದ ಕೆಲಸಗಳು ಮುಗಿದಿದ್ದು, ಅದು ಸಹ ಬಿಡುಗಡೆಯಾಗಬೇಕಿದೆ. ಅದರ ಜತೆಗೆ, ‘ಅವತಾರ್ ಪುರುಷ’ ಮತ್ತು ‘ಚಾರ್ಲಿ 777’ ಚಿತ್ರಗಳ ಚಿತ್ರೀಕರಣ ಬಾಕಿ ಇದ್ದರೆ, ‘ಸಪ್ತ ಸಾಗರದಾಚೆ ಎಲ್ಲೋ’ ಎಂಬ ಚಿತ್ರದ ಚಿತ್ರೀಕರಣ ಇನ್ನಷ್ಟೇ ಆರಂಭವಾಗಬೇಕಿದೆ.
ಈ ಮಧ್ಯೆ, ‘ಬ್ರಹ್ಮರಾಕ್ಷಸ’ ಚಿತ್ರವನ್ನು ಪುಷ್ಕರ್ ನಿರ್ಮಿಸುವುದಕ್ಕೆ ಮುಂದಾಗಿದ್ದು, ಸೆಪ್ಟೆಂಬರ್ನಿಂದ ಬೆಂಗಳೂರಿನಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆ.
ಮತ್ತೆ ಜತೆಯಾಗಿ ನಟಿಸ್ತಾರಂತೆ ಶಾರೂಖ್, ದೀಪಿಕಾ … ಯಾವ ಚಿತ್ರ? ಏನು ಕಥೆ