ವುಹಾನ್: ಮಹಾಮಾರಿ ಕರೊನಾ ಸೋಂಕು ಹರಡುವುದನ್ನು ಕಟ್ಟಿಹಾಕಲು ಲಾಕ್ಡೌನ್ ಮತ್ತು ಸಂಚಾರ ನಿರ್ಬಂಧಗಳು ತುಂಬಾ ಪರಿಣಾಮಕಾರಿ ಎಂಬುದನ್ನು ಚೀನಾದ ಸಂಶೋಧನೆಯೊಂದು ವಿವರಿಸಿದೆ.
ಯುನೈಟೆಡ್ ಕಿಂಗ್ಡಮ್ನ ಆಕ್ಸ್ಫರ್ಡ್ ವಿವಿ ಮತ್ತು ಮೆಸಾಚೂಸೆಟ್ಸ್ನ ಬೋಸ್ಟನ್ ಈಶಾನ್ಯ ವಿವಿಯ ಸಂಶೋಧಕರು ಚೀನಾದಲ್ಲಿ ನಡೆಸಿದ ಅಧ್ಯಯನದಿಂದ ಮಹತ್ವದ ಅಂಶಗಳು ಕಂಡುಬಂದಿದೆ. ಕರೊನಾ ವೈರಸ್ ಸ್ಪೋಟಗೊಂಡ ಚೀನಾದ ವುಹಾನ್ ನಗರದಲ್ಲಿ ಲಾಕ್ಡೌನ್ ಮತ್ತು ಸಂಚಾರ ನಿರ್ಬಂಧ ತಡವಾದ್ದರಿಂದ ಸೋಂಕು ಹೆಚ್ಚಾಗಿ ಪರಿಣಾಮ ಬೀರಿತು ಎಂದು ತಿಳಿದುಬಂದಿದೆ.
ಯಾವಾಗ ಲಾಕ್ಡೌನ್ ಮತ್ತು ಸಂಚಾರ ನಿರ್ಬಂಧಗಳನ್ನು ಹೇರಲಾಯಿತು ವುಹಾನ್ನಿಂದ ಹೊರಭಾಗದಲ್ಲಿ ಕರೊನಾ ಪ್ರಕರಣಗಳು 515 ರಿಂದ 39ಕ್ಕೆ ಅಂದರೆ ಶೇ. 92 ರಷ್ಟು ಕುಸಿಯಿತು ಎಂದು ತಿಳಿಸಿದ್ದಾರೆ. ಹುಬೇ ಪ್ರಾಂತ್ಯದ ವುಹಾನ್ ನಗರದಲ್ಲಿ ಸಂಚಾರ ನಿರ್ಬಂಧಗಳನ್ನು ಹೇರಿ, ಸೋಂಕಿತ ಪ್ರಕರಣಗಳು ಜಾಡನ್ನು ಹಿಡಿದಿದ್ದು ಕರೊನಾ ತಗ್ಗಲು ನೆರವಾಯಿತು ಎಂದು ಹೇಳಿದ್ದಾರೆ.
ಜನವರಿ 31ರಿಂದ ವುಹಾನ್ನಲ್ಲಿ ಲಾಕ್ಡೌನ್ ಮಾಡಲಾಯಿತು. ಯಾರನ್ನೂ ಕೂಡ ನಗರದಿಂದ ಹೊರ ಹೋಗಲು ಬಿಡಲಿಲ್ಲ. ವೈರಸ್ ಪತ್ತೆಯಾಗಿ ನಾಲ್ಕು ವಾರಗಳ ಬಳಿಕ ಚೀನಾದಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿತ್ತು. ಅಷ್ಟರಲ್ಲಾಗಲೇ ಕೆಲವರು ಕರೊನಾ ಮೃತ್ಯುಕೂಪಕ್ಕೆ ತುತ್ತಾಗಿದ್ದರು. ಹೊಸ ವರ್ಷದ ಆಚರಣೆ ಸಂದರ್ಭದಲ್ಲಿ ಬಹುದೊಡ್ಡ ಸಂಖ್ಯೆಯಲ್ಲಿ ಮಾನವ ವಲಸೆ ಪ್ರಕರಣಗಳು ಕಂಡುಬಂದಿರುವುದು ವೈರಸ್ ಹರಡಲು ಪ್ರಮುಖ ಕಾರಣವಾಗಿದೆ. ಹುಬೇ ಪ್ರಾಂತ್ಯದ ಬಳಿಕ ಇನ್ನಿತರ ನಗರಗಳಿಗೂ ಕರೊನಾ ಹರಡಿದಾದರೂ ಅದನ್ನು ಅಷ್ಟೇ ಬೇಗ ತಡೆಹಿಡಿಯಲಾಯಿತು.
ಜರ್ನಲ್ ಸೈನ್ಸ್ನಲ್ಲಿ ಪ್ರಕಟವಾಗಿರುವ ಅಧ್ಯಯನದ ವರದಿಯಲ್ಲಿ ಚೀನಾ ಟೆಕ್ ಕಂಪನಿ ಬೈಯ್ಡು ನೀಡಿರುವ ಜಿಯೋಲೊಕೇಶನ್ ಡಾಟಾವನ್ನು ಪರಿಣಿತರ ತಂಡವೊಂದು ವಿಶ್ಲೇಷಿಸಿದೆ. ಪರಿಣಿತರು ಹೇಳುವಂತೆ ವೈರಸ್ನ ಸರಾಸರಿ ಕಾವು ಕಾಲಾವಧಿಯು ಐದು ದಿನಗಳಷ್ಟು ಕಡಿಮೆ ಇರುವುದರಿಂದ ಲಾಕ್ಡೌನ್ ನಂತರವೂ ವುಹಾನ್ನಲ್ಲಿ ಸಂಚಾರ ನಿರ್ಬಂಧ ಒಂದು ವಾರಗಳ ಕಾಲ ಯಾವುದೇ ಫಲವನ್ನು ನೀಡಲಿಲ್ಲ.
ಜನವರಿ 31ಕ್ಕೂ ಮುಂಚೆಯೇ ಹುಬೇ ಹೊರ ಭಾಗದಿಂದ ಬಹುತೇಕ ಪ್ರಕರಣಗಳು ವರದಿಯಾಗಿದ್ದು, ಅದರಲ್ಲಿ 515 ಮಂದಿ ವುಹಾನ್ಗೆ ಭೇಟಿ ನೀಡಿದ್ದರು ಎಂದು ತಿಳಿದುಬಂದಿದೆ. ಲಾಕ್ಡೌನ್ ಮುಂಚೆಯೇ ಅವರಲ್ಲಿ ರೋಗದ ಲಕ್ಷಣಗಳು ಆರಂಭವಾಯಿತು ಎಂದು ವರದಿಯಲ್ಲಿ ಉಲ್ಲೇಖವಾಗಿದೆ.
ಜನವರಿ 31ರ ನಂತರ ಕೇವಲ 39 ಪ್ರಕರಣಗಳು ಮಾತ್ರ ವುಹಾನ್ಗೆ ಭೇಟಿ ನೀಡಿದ್ದ ದಾಖಲೆಯಿದ್ದು, ಅವರಲ್ಲಿ ಅವಧಿಗೂ ಮುಂಚೆಯೇ ರೋಗ ಲಕ್ಷಣಗಳು ಕಾಣಿಸಿಕೊಂಡಿವೆ. ಹೀಗಾಗಿ ಲಾಕ್ಡೌನ್ನಿಂದಾಗಿ ವೈರಸ್ ಹರಡುವಿಕೆಯು ಗಣನೀಯವಾಗಿ ಕಡಿಮೆಯಾಯಿತು ಎಂದು ಅಧ್ಯಯನ ತಿಳಿಸಿದೆ. (ಏಜೆನ್ಸೀಸ್)
ಹೆಚ್ಚು ಉಪ್ಪಿನಾಂಶ ಆಹಾರ ಸೇವಿಸಿದರೆ ಕರೊನಾದಿಂದ ಬಚಾವ್ ಆಗುವುದು ಕಷ್ಟ: ಸಂಶೋಧನಾ ವರದಿ
ಲಾಕ್ಡೌನ್ ಲಕ್ಷ್ಮಣ ರೇಖೆಯನ್ನು ದಾಟುವಿರಾ?- ಕಾನೂನು ಸಂಕಷ್ಟದ ಸುಳಿಗೆ ಬೀಳುವುದು ಖಚಿತ