ಭೋಪಾಲ್: ದಂಪತಿ ತಮ್ಮ ನವಜಾತ ಗಂಡು ಮಗುವಿಗೆ ಲಾಕ್ಡೌನ್ ಎಂಬ ಹೆಸರು ನಾಮಕರಣ ಮಾಡಿ ಕರೊನಾ ವೈರಸ್ ಸೋಂಕು ವಿರುದ್ಧ ನಡೆಯುತ್ತಿರುವ ಹೋರಾಟಕ್ಕೆ ಕೈಜೋಡಿಸಿದ್ದಾರೆ.
ಶಿಯೋಪೂರ್ ಜಿಲ್ಲೆಯ ಬಚೇರಿ ಗ್ರಾಮದ ರಘುನಾಥ್ ಮಾಲಿ ಹಾಗೂ ಅವರ ಪತ್ನಿ ಮಂಜು ತಮ್ಮ ಮಗುವಿಗೆ ಲಾಕ್ಡೌನ್ ಈ ಹೆಸರು ನಾಮಕರಣ ಮಾಡಿ ಎಲ್ಲರೂ ಹುಬ್ಬೇರುವಂತೆ ಮಾಡಿದ್ದಾರೆ.
ಮಂಜು ಅವರು ಏ.6ರಂದು ಶಿಯೋಪುರ್ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಮಗುವಿಗೆ ಜನ್ಮ ನೀಡಿದರು. ಕರೊನಾ ವೈರಸ್ ಸೋಂಕು ತಡೆಗೆ ರಾಷ್ಟ್ರದಲ್ಲಿ ಲಾಕ್ಡೌನ್ ಜಾರಿಗೊಳಿಸಿರುವ ಹಿನ್ನೆಲೆಯಲ್ಲಿ ಸಾರ್ವಜನಿಕರಿಗೆ ಸಮಸ್ಯೆ ಆಗಿದೆ. ಹೀಗಾಗಿ ವೈರಸ್ ಅನ್ನು ಯುದ್ಧದ ಮಾದರಿಯಲ್ಲಿ ಎದುರಿಸಬೇಕು. ಇದಕ್ಕಾಗಿ ನಾನು ನನ್ನ ಮಗನಿಗೆ ಲಾಕ್ಡೌನ್ ಹೆಸರು ನಾಮಕರಣ ಮಾಡಿದ್ದೇನೆ. ಇದಕ್ಕೆ ಪತ್ನಿ ಕೂಡ ಸಮ್ಮಿತಿಸಿದ್ದಾರೆ ಎಂದು ರಘುನಾಥ್ ಮಾಲಿ ತಿಳಿಸಿದರು.
2ನೇ ಮಹಾಯುದ್ಧ ನಡೆದ ಈ ವೇಳೆ ಈ ರೀತಿಯ ಪರಿಸ್ಥಿತಿ ಎದುರಾಗಿತ್ತಂತೆ. ಈಗ ಕರೊನಾ ವೈರಸ್ ಹಾವಳಿಯಿಂದ ಸಮಸ್ಯೆ ಎದುರಾಗಿದೆ. ಲಾಕ್ಡೌನ್ ಎಂದು ಹೆಸರು ನಾಮಕರಣ ಮಾಡಿದರೆ ಎಲ್ಲರಿಗೂ ವೈರಸ್ ವಿರುದ್ಧ ಸೆಣೆಸಾಡಿದ ನೆನಪು ಬರುತ್ತದೆ. ಹೀಗಾಗಿ ಹೆಸರು ನಾಮಕರಣ ಮಾಡಿದ್ದೇನೆ ಎಂದು ರಘುನಾಥ್ ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)
ಗೂಗಲ್ನಿಂದ ನಿರಾಶ್ರಿತರಿಗಾಗಿ ಹೊಸ ಫೀಚರ್: ಆಹಾರ ಮತ್ತು ಸ್ಥಳಾವಕಾಶ ತಿಳಿಯಲು ಸಹಾಯ