ಸಿಯೋಲ್: ಇದೇ ಮೊದಲ ಬಾರಿಗೆ ಉತ್ತರ ಕೊರಿಯಾದ ಅಧ್ಯಕ್ಷ ಕಿಮ್ ಜಾಂಗ್ ಉನ್ ತನ್ನ ಮಗಳ ಮುಖವನ್ನು ಜಗತ್ತಿನ ಎದುರು ಬಹಿರಂಗಪಡಿಸಿದ್ದಾನೆ. ಪರಮಾಣು ಶಸ್ತ್ರಸಜ್ಜಿತ ದೇಶದ ಅತಿದೊಡ್ಡ ಬ್ಯಾಲಿಸ್ಟಿಕ್ ಕ್ಷಿಪಣಿಯ ಉಡಾವಣೆಯ ಹಿಂದಿನ ದಿನ ಮಗಳ ಕೈ ಹಿಡಿದು ಕ್ಷಿಪಣಿಯನ್ನು ಪರಿಶೀಲಿಸುತ್ತಿರುವ ಫೋಟೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಉತ್ತರ ಕೊರಿಯಾ ಶುಕ್ರವಾರ ಹ್ವಾಸಾಂಗ್-17 ಖಂಡಾಂತರ ಕ್ಷಿಪಣಿ ಪರೀಕ್ಷೆ ನಡೆಸಿದೆ ಎಂದು ರಾಜ್ಯ ಸುದ್ದಿ ಸಂಸ್ಥೆ KCNA ಶನಿವಾರ ವರದಿ ಮಾಡಿದೆ. ಅತಿದೊಡ್ಡ ಅಚ್ಚರಿ ಏನೆಂದರೆ, ಕ್ಷಿಪಣಿ ಪರೀಕ್ಷೆ ಸಮಯದಲ್ಲಿ ಕಿಮ್ ಜಾಂಗ್ ಅವರ ಮಗಳ ಉಪಸ್ಥಿತಿ ಇತ್ತು. ಈ ಹಿಂದೆ ಒಮ್ಮೆಯು ಸಾರ್ವಜನಿಕವಾಗಿ ಮಗಳ ಮುಖವನ್ನು ಕಿಮ್ ಪರಿಚಯಿಸಿರಲಿಲ್ಲ.
ಕೆಎನ್ಸಿಎ ಕಿಮ್ ಮಗಳ ಹೆಸರನ್ನು ಉಲ್ಲೇಖಿಸಿಲ್ಲ. ಬಿಳಿ ಪಫಿ ಕೋಟ್‌ನಲ್ಲಿ ತಮ್ಮ ತಂದೆಯೊಂದಿಗೆ ಕೈ ಹಿಡಿದುಕೊಂಡು ಬೃಹತ್ ಕ್ಷಿಪಣಿಯನ್ನು ನೋಡುತ್ತಿರುವ ಫೋಟೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೇ ಮೊದಲ ಬಾರಿಗೆ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಕಿಮ್ ಅವರ ಮಗಳನ್ನು ನೋಡುತ್ತಿರುವುದಾಗಿ ಯುಎಸ್ ಮೂಲದ ಸ್ಟಿಮ್ಸನ್ ಕೇಂದ್ರದ ಉತ್ತರ ಕೊರಿಯಾ ತಜ್ಞ ಮೈಕೆಲ್ ಮ್ಯಾಡೆನ್ ತಿಳಿಸಿದ್ದಾರೆ. ನಿಜಕ್ಕೂ ಇದು ಹೆಚ್ಚು ಮಹತ್ವದ್ದಾಗಿದೆ ಮತ್ತು ಕಿಮ್ ಅವರ ಕಡೆಯಿಂದ ಒಂದು ನಿರ್ದಿಷ್ಟ ಮಟ್ಟದ ಸೌಕರ್ಯವನ್ನು ಇದು ಪ್ರತಿನಿಧಿಸುತ್ತದೆ ಎಂದು ಮೈಕೆಲ್ ಹೇಳಿದ್ದಾರೆ.
ಕಿಮ್‌ಗೆ ಮೂವರು ಮಕ್ಕಳು. ಅವರಲ್ಲಿ ಇಬ್ಬರು ಹೆಣ್ಣು ಮತ್ತು ಓರ್ವ ಗಂಡು ಎಂದು ತಜ್ಞರು ಹೇಳಿದ್ದಾರೆ. 2013ರಲ್ಲಿ ನಿವೃತ್ತ ಅಮೆರಿಕನ್ ಬಾಸ್ಕೆಟ್‌ಬಾಲ್ ತಾರೆ ಡೆನ್ನಿಸ್ ರಾಡ್‌ಮನ್, ಕಿಮ್‌ಗೆ ಜು ಏ ಎಂಬ ಮಗಳು ಇದ್ದಾಳೆ ಎಂದು ಹೇಳಿದರು. ಆ ವರ್ಷ ಉತ್ತರ ಕೊರಿಯಾ ಪ್ರವಾಸದ ನಂತರ, ರಾಡ್‌ಮನ್ ಅವರು ದಿ ಗಾರ್ಡಿಯನ್ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ಕಿಮ್ ಮತ್ತು ಅವರ ಕುಟುಂಬದೊಂದಿಗೆ ಸಮಯ ಕಳೆದಿದ್ದಾಗಿ ಹಾಗೂ ಮಗುವನ್ನು ಹಿಡಿದುಕೊಂಡಿದ್ದಾಗಿ ಹೇಳಿದರು.
ಸದ್ಯ ಕಿಮ್ ಮಗಳಿಗೆ ಸುಮಾರು 12-13 ವರ್ಷ ವಯಸ್ಸಾಗಿರುತ್ತದೆ ಎಂದು ಅಂದಾಜಿಸಲಾಗಿದೆ. ಸುಮಾರು ನಾಲ್ಕರಿಂದ ಐದು ವರ್ಷಗಳಲ್ಲಿ ಅವರು ವಿಶ್ವವಿದ್ಯಾನಿಲಯಕ್ಕೆ ಹಾಜರಾಗಲು ಅಥವಾ ಮಿಲಿಟರಿ ಸೇವೆಗೆ ಹೋಗಲು ತಯಾರಿ ನಡೆಸುತ್ತಿದ್ದಾರೆ ಎಂದು ಮೈಕೆಲ್ ಮ್ಯಾಡೆನ್ ಹೇಳಿದ್ದಾರೆ.
ವಿದ್ಯಾವಂತಳಾಗಿರುವ ಕಿಮ್ ಮಗಳು ನಾಯಕತ್ವ ಸ್ವೀಕರಿಸಲು ತರಬೇತಿ ಪಡೆಯುತ್ತಾಳೆ ಎಂದು ಹೇಳಲಾಗಿದೆ. ಕೇಂದ್ರ ನಾಯಕನ ಸ್ಥಾನ ಪಡೆದುಕೊಳ್ಳಲು ತಯಾರಿ ನಡೆಸುತ್ತಿರಬಹುದು ಅಥವಾ ಅವಳು ತನ್ನ ಆಂಟಿಯಂತೆ ಸಲಹೆಗಾರ್ತಿಯಾಗಬಹುದು ಎಂದು ಅಂದಾಜಿಸಲಾಗಿದೆ. (ಏಜೆನ್ಸೀಸ್)
ಸಿನಿಮಾದಲ್ಲಿ ನಟಿಸುವುದಾದರೆ… ನಟಿ ಕಾಜಲ್ಗೆ ಪತಿ ಗೌತಮ್ ವಿಧಿಸಿದ ಕಠಿಣ ಷರತ್ತು ಹೀಗಿದೆ…