ಬೆಂಗಳೂರು: ವ್ಯಂಗ್ಯಭರಿತ ಪೋಸ್ಟರ್ ಒಂದರಲ್ಲಿ, ತನ್ನ ಬಾಡಿಗೆ ಮನೆಯ ಅಡ್ವಾನ್ಸ್ ಹಣ ಪಾವತಿ ಮಾಡುವುದಕ್ಕಾಗಿ ತನ್ನ ಕಿಡ್ನಿಯನ್ನು ಮಾರಾಟ ಮಾಡುವುದಾಗಿ ವ್ಯಕ್ತಿಯೊಬ್ಬರು ಘೋಷಿಸಿದ್ದಾರೆ. ಕೇವಲ ಪೋಸ್ಟರ್ ಕಂಡುಬಂದಿರುವುದರಿಂದ ಅವರ ಗುರುತು ಪತ್ತೆಯಾಗಿಲ್ಲ.
ಬೆಂಗಳೂರಿನಲ್ಲಿರುವ ಮನೆಗಳ ಹೆಚ್ಚಾದ ಬಾಡಿಗೆ ಮತ್ತು ಅಡ್ವಾನ್ಸ್ಗಳ ಬಗ್ಗೆ ಜನರು ಪ್ರತಿಕ್ರಿಯಿಸುವುದರೊಂದಿಗೆ ಈ ಪೋಸ್ಟರ್ ಈಗ ಅಂತರ್ಜಾಲದಲ್ಲಿ ವೈರಲ್ ಆಗಿದೆ. ರಮ್ಯಾಖ್ ಎಂಬ ಹೆಸರಿನ ಟ್ವಿಟರ್ ಬಳಕೆದಾರರು ಪೋಸ್ಟರ್ಅನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ “ಎಡ ಕಿಡ್ನಿ ಮಾರಾಟಕ್ಕಿದೆ. ಭೂಮಾಲೀಕರು ಕೇಳುತ್ತಿರುವ ಭದ್ರತಾ ಠೇವಣಿ ಮೊತ್ತಕ್ಕೆ ಹಣ ಬೇಕು” ಎಂದು ಬರೆಯಲಾಗಿದೆ.
ಇದನ್ನೂ ಓದಿ: ಉರ್ಫಿ ಜಾವೆದ್ಗೆ ಬಾಡಿಗೆ ಮನೆ ಕೊಡಲು ಯಾರೂ ಒಪ್ಪುತ್ತಿಲ್ಲವಂತೆ!
ಆದರೂ, ತಾನು ತಮಾಷೆ ಮಾಡುತ್ತಿರುವುದಾಗಿ ಹೇಳಿದ್ದು ಬೆಂಗಳೂರಿನ ಇಂದಿರಾನಗರ ಪ್ರದೇಶದಲ್ಲಿ ಬಾಡಿಗೆ ಮನೆಯನ್ನು ಹುಡುಕುತ್ತಿರುವುದಾಗಿ ತಿಳಿಸಿದ್ದಾನೆ. ಪೋಸ್ಟರ್ ಕೇವಲ ತಮಾಷೆಯಾಗಿದೆ. ಆದರೆ ನನಗೆ ಇಂದಿರಾನಗರದಲ್ಲಿ ಮನೆ ಬೇಕು ಎಂದು ಹೇಳಿದ್ದಾನೆ.
ಪ್ರೊಫೈಲ್ಗಾಗಿ ಕೋಡ್ ಅನ್ನು ಸ್ಕ್ಯಾನ್ ಮಾಡಿ ಎಂದು ಬರೆಯಲಾಗಿದೆ. ಪೋಸ್ಟರ್ನಲ್ಲಿ ಕ್ಯೂಆರ್ ಕೋಡ್ ಕೂಡ ಕಾಣಿಸಿಕೊಂಡಿದ್ದು, ಇದು ಮನೆ ಮಾಲೀಕರ ಸಲುವಾಗಿ ಜಾಹೀರಾತುದಾರರ ಪ್ರೊಫೈಲ್ ಎಂದು ಹೇಳಲಾಗಿದೆ.
ಈ ಪೋಸ್ಟರ್ ಬೆಂಗಳೂರಿನಲ್ಲಿ ಹೆಚ್ಚುತ್ತಿರುವ ಬಾಡಿಗೆ ಮತ್ತು ಠೇವಣಿಗಳ ಕುರಿತು ಚರ್ಚೆಯನ್ನು ಹೆಚ್ಚಿಸಿದೆ. ಇದು ದೇಶ ಹಾಗೂ ಪ್ರಪಂಚದ ವಿವಿಧ ಭಾಗಗಳಿಂದ ಬಂದ ಜನರಿಗೆ ನೆಲೆಯಾಗಿದೆ. ಅನಿತಾ ರಾಣೆ ಎಂಬ ಬಳಕೆದಾರರು ಈ ಪೋಸ್ಟರ್ಅನ್ನು ಶ್ಲಾಘಿಸಿದ್ದು “ನಾನು ಇದನ್ನು ಪಕ್ಕಾ ಮಾಡುತ್ತೇನೆ. ಮನೆ ಹುಡುಕಲು ಮಾರ್ಕೆಟಿಂಗ್ ತಂತ್ರಗಳನ್ನು ಆಶ್ರಯಿಸಬೇಕಾಗಿದೆ” ಎಂದು ಬರೆದಿದ್ದಾರೆ.
ಇದನ್ನೂ ಓದಿ: ಬಾಡಿಗೆ ಮನೆ ಕೇಳುವ ನೆಪದಲ್ಲಿ ಬಂದ ಖದೀಮರು; ಚಿನ್ನ, ನಗದಿನೊಂದಿಗೆ ಪರಾರಿ
ಬೆಂಗಳೂರಿನಲ್ಲಿ ಬಾಡಿಗೆ ಮನೆ ಹುಡುಕುವ ತಮ್ಮ ಅನುಭವವನ್ನು ಕೆಲವೇ ಜನರು ಹಂಚಿಕೊಂಡಿದ್ದಾರೆ. ಅಭಿತೋಷ್ ಎಂಬ ಬಳಕೆದಾರರು “ಮನೆಯ ಹುಡುಕಾಟದಲ್ಲಿರುವಾಗ ಮನೆ ಮಾಲೀಕರಿಗೆ ನನ್ನ ಮೇಲೆ ಬೇಸರವಾಗಿತ್ತು. ಏಕೆಂದರೆ ನಾನು ನಿಮ್ಮನ್ನು ಶ್ರೀಮಂತರನ್ನಾಗಿ ಮಾಡಲು ಬಂದಿಲ್ಲ. ಬದಲಿಗೆ, ನಾನು ಹೋಂಡಾ ಸಿಟಿಯನ್ನು ಖರೀದಿಸಿ ದೀರ್ಘ ಪ್ರಯಾಣಕ್ಕಾಗಿ EMI ಪಾವತಿಸುತ್ತೇನೆ ಎಂದು ಹೇಳಿದ್ದೆ. ಎಂದಿದ್ದಾರೆ.