ಮುಂಬೈ: ಒಂದೆರೆಡು ವರ್ಷಗಳ ಹಿಂದೆ ನಟ ಕಾರ್ತಿಕ್ ಆರ್ಯನ್ ಬಗ್ಗೆ ಹೆಚ್ಚು ಜನರಿಗೆ ಗೊತ್ತಿರಲಿಲ್ಲ. ಬಾಲಿವುಡ್ನಲ್ಲೂ ಹೆಚ್ಚೇನು ಜನರು ಅವರ ಜತೆಗೆ ಕೆಲಸ ಮಾಡುವುದಕ್ಕೆ ಆಸಕ್ತಿ ತೋರಿಸಿರಲಿಲ್ಲ. ಈಗ ಬ್ಯಾಕ್ ಟು ಬ್ಯಾಕ್ ಗೆಲುವುಗಳ ನಂತರ, ಕಾರ್ತಿಕ್ ಬಾಲಿವುಡ್ನ ಬೇಡಿಕೆಯ ನಟರಾಗಿದ್ದಾರೆ.
ಇದನ್ನೂ ಓದಿ: Photos: ಕೊಡಗಿನಲ್ಲಿ ಸುರಿವ ಮಳೆಯಲ್ಲಿಯೇ ಉಪ್ಪಿ ಬರ್ತ್ಡೇ ಸಂಭ್ರಮ..
ಅವರ ಬೇಡಿಕೆ ಎಷ್ಟಿದೆಯೆಂದರೆ, ಎರೋಸ್ ಇಂಟರ್ನ್ಯಾಷನಲ್ ಸಂಸ್ಥೆಯು ಕಾರ್ತಿಕ್ ಜತೆಗೆ ಚಿತ್ರ ಮಾಡುವುದಕ್ಕೆ ಮುಂದಾಗಿದ್ದು, ಮೂರು ಚಿತ್ರಗಳಿಗೆ ಬುಕ್ ಮಾಡಿದೆಯಂತೆ. ಈ ಮೂರು ಚಿತ್ರಗಳಿಗೆ ಕಾರ್ತಿಕ್ಗೆ ಎರೋಸ್ ಆಫರ್ ಮಾಡಿರುವ ಮೊತ್ತ 75 ಕೋಟಿ ಎಂದು ಹೇಳಲಾಗುತ್ತಿದೆ.
ಹೌದು, ಎರೋಸ್ ಇಂಟರ್ನ್ಯಾಷನಲ್ ಜತೆಗೆ ಕಾರ್ತಿಕ್ ಒಂದು ಒಪ್ಪಂದ ಮಾಡಿಕೊಂಡಿದ್ದು, ಈ ಒಪ್ಪಂದದ ಪ್ರಕಾರ ಮೂರು ಚಿತ್ರಗಳನ್ನು ಮಾಡಿಕೊಡಬೇಕಂತೆ. ಈ ಮೂರು ಚಿತ್ರಗಳಲ್ಲಿ ನಟಿಸುವುದಕ್ಕೆ ಕಾರ್ತಿಕ್ 75 ಕೋಟಿ ಪಡೆದಿದ್ದು, ಒಂದೊಂದು ಚಿತ್ರಕ್ಕೆ 25 ಕೋಟಿಯಷ್ಟು ಸಂಭಾಷನೆ ಪಡೆಯುವಷ್ಟು ಬೆಳೆದಿದ್ದಾರೆ ಎಂಬ ಸುದ್ದಿ ಇದೆ.
ಇದಕ್ಕೂ ಮುನ್ನ, ಕಾರ್ತಿಕ್ ತಮ್ಮ ಚಿತ್ರಗಳಿಗೆ ಆರರಿಂದ ಎಂಟು ಕೋಟಿ ಪಡೆಯುತ್ತಿದ್ದರಂತೆ. ಆದರೆ, ಇತ್ತೀಚೆಗೆ ಅವರ ಚಿತ್ರಗಳು ಯಶಸ್ವಿಯಾಗಿದ್ದರಿಂದ, ಎರೋಸ್ ಸಂಸ್ಥೆಯು ಅವರನ್ನು ಅಷ್ಟು ಕೊಟ್ಟು ಬುಕ್ ಮಾಡಿದೆಯಂತೆ. ಒಂದು ಚಿತ್ರಕ್ಕೆ 25 ಕೋಟಿಯಾದರೂ, ಕಾರ್ತಿಕ್ ಅವರ ಸಂಭಾವನೆ ಮೂರು ಪಟ್ಟು ಹೆಚ್ಚಾಗಿರುವುದು ವಿಶೇಷ.
ಇದನ್ನೂ ಓದಿ: ಅನುರಾಗ್ ಅವರಿಂದ ಈ ಮಾತು ನಿರೀಕ್ಷಿಸಿರಲಿಲ್ಲ … ರವಿಕಿಶನ್ ಬೇಸರ
ಸದ್ಯ ಕಾರ್ತಿಕ್ ಆರ್ಯನ್ ಕೈಯಲ್ಲಿ ಮೂರು ದೊಡ್ಡ ಚಿತ್ರಗಳಿವೆ. ‘ಭೂಲ್ ಬುಲಯ್ಯ 2’, ‘ದೋಸ್ತಾನಾ 2’ ಮತ್ತು ‘ಅಲಾ ವೈಕುಂಠಪುರಂಲೋ’ ಚಿತ್ರದ ಹಿಂದಿ ರೀಮೇಕ್ಗಳಲ್ಲಿ ನಟಿಸುತ್ತಿರುವ ಕಾರ್ತಿಕ್, ಈ ಚಿತ್ರದ ಕೆಲಸಗಳನ್ನು ಮುಗಿಸಿದ ನಂತರ ಎರೋಸ್ ಇಂಟರ್ನ್ಯಾಷನಲ್ ಸಂಸ್ಥೆಗೆ ಚಿತ್ರ ಮಾಡಿಕೊಡಲಿದ್ದಾರೆ.
PHOTOS| ಬಾಡಿ ಬಿಲ್ಡಿಂಗ್ನಲ್ಲಿ ಅಪ್ಪ ಸೋನು ಸೂದ್ರನ್ನೇ ಮೀರಿಸುತ್ತಿದ್ದಾನೆ ಮಗ!