ಬೆಂಗಳೂರು: ಕೃಷ್ಣ ಲೀಲಾ ಸಿನಿಮಾ ಖ್ಯಾತಿಯ ನಟಿ ಮಯೂರಿ ಸೋಮವಾರದಂದು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ವಿಶೇಷವೆಂದರೆ ಮಗು ಹುಟ್ಟಿದ ತಕ್ಷಣವೇ ಅದಕ್ಕೆಂದು ಹೊಸ ಇನ್ಸ್ಟಾಗ್ರಾಂ ಖಾತೆಯನ್ನು ಮಾಡಿರುವ ಮಯೂರಿ ಅದನ್ನೂ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.
ಕುಟುಂಬಕ್ಕೆ ಮಗರಾಯ ಬಂದಿರುವುದಾಗಿ ಮಯೂರಿ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ನನ್ನ ಸಂತೋಷವನ್ನು ತೋರ್ಪಡಿಸಲು ಯಾವುದೇ ಪದಗಳಿಲ್ಲ. ಇನ್ನೊಂದು ಹೊಸ ಜೀವನ ಇದೀಗ ಆರಂಭವಾಗಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಮಯೂರಿ ಅವರ ಪತಿ ಅರುಣ್ ರಾಜು ಕೂಡ ಮಗನ ಆಗಮನದ ಬಗ್ಗೆ ಇನ್ಸ್ಟಾಗ್ರಾಂನಲ್ಲಿ ಸಂತೋಷ ಹಂಚಿಕೊಂಡಿದ್ದಾರೆ.
ಇದೀಗ ತಾನೇ ಭೂಮಿಗೆ ಬಂದಿರುವ ಈ ಸ್ಟಾರ್ಕಿಡ್ಗೆ ಹೊಸದೊಂದು ಇನ್ಸ್ಟಾಗ್ರಾಂ ಖಾತೆಯನ್ನು ತೆರೆಯಲಾಗಿದೆ. starboii_1111 ಹೆಸರಿನಲ್ಲಿ ಖಾತೆ ತೆರೆಯಲಾಗಿದ್ದು, ಅದನ್ನು ತಾಯಿ ಮಯೂರಿ ಮತ್ತು ತಂದೆ ಅರುಣ್ ನಿರ್ವಹಿಸುತ್ತಿರುವುದಾಗಿಯೂ ತಿಳಿಸಲಾಗಿದೆ. ಆ ಪ್ರೊಫೈಲ್ನಲ್ಲಿ ಮಯೂರಿ ಮತ್ತು ಅರುಣ್ ಕೈನಲ್ಲಿ ಮಗುವಿನ ಕೈ ಇರುವ ಫೋಟೋವನ್ನು ಹಂಚಿಕೊಳ್ಳಲಾಗಿದೆ. (ಏಜೆನ್ಸೀಸ್)
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಪಶ್ಚಿಮ ಘಟ್ಟದಲ್ಲೇಕೆ ಮಳೆ ಹೆಚ್ಚು? ಕಾಡಿನಿಂದಾಗಿ ಮಳೆಯೋ? ಮಳೆಯಿಂದಾಗಿ ಕಾಡೋ?
ಸೆಕ್ಸ್ ಡಾಲ್ನೊಂದಿಗಿನ ಮದುವೆ ಮುರಿದುಕೊಂಡ ಬಾಡಿಬಿಲ್ಡರ್! ಈಗ ಇವನಿಗೆ ಜತೆಯಾಗಿರೋದು ಮತ್ತೊಂದು ಸೆಕ್ಸ್ ಡಾಲ್!