ಹೈದರಾಬಾದ್: ಟಾಲಿವುಡ್ ಮೆಗಾಸ್ಟಾರ್ ಚಿರಂಜೀವಿ ಆಚಾರ್ಯ ಸಿನಿಮಾ ಶೂಟಿಂಗ್ನಲ್ಲಿ ಬಿಜಿಯಾಗಿದ್ದಾರೆ. ಈ ಚಿತ್ರದಲ್ಲಿ ನಾಯಕಿಯಾಗಿ ಕಾಜಲ್ ಅಗರ್ವಾಲ್ ನಟಿಸಲಿರುವುದು ಈ ಹಿಂದೆಯೇ ಘೋಷಣೆ ಆಗಿತ್ತು. ಆದರೆ, ಶೂಟಿಂಗ್ಗೆ ಇಂದು ಬರಲಿದ್ದಾರೆ ನಾಳೆ ಬರಲಿದ್ದಾರೆ ಎನ್ನಲಾಗಿತ್ತು. ಈ ನಡುವೆ ಮದುವೆಯನ್ನೂ ಮಾಡಿಕೊಂಡಿದ್ದರಿಂದ ಈಗ ಆಚಾರ್ಯ ಬಳಗಕ್ಕೆ ಕಾಜಲ್ ಹಾಜರಿ ಹಾಕಿದ್ದಾರೆ. ಹಾಗಾಗಿ ಅವರನ್ನು ಅಷ್ಟೇ ವಿಶೇಷವಾಗಿ ನಾಯಕ ಚಿರಂಜೀವಿ ವೆಲ್ಕಮ್ ಮಾಡಿದ್ದಾರೆ. ಪತಿ ಗೌತಮ್ ಕಿಚ್ಲು ಜತೆಗೆ ಸೆಟ್ಗೆ ಬಂದಿದ್ದ ಕಾಜಲ್ಗೆ ಕೇಕ್ ಕತ್ತರಿಸಿ ಹೂವಿನ ಬೊಕ್ಕೆ ನೀಡಿ ಸ್ವಾಗತಿಸಿದ್ದಾರೆ. ಅಷ್ಟೇ ಅಲ್ಲ ಇದೇ ವೇಳೆ ದಂಪತಿ ಪರಸ್ಪರ ಮಾಲೆಯನ್ನು ಅದಲು ಬದಲು ಮಾಡಿಕೊಂಡಿದ್ದಾರೆ. ಸದ್ಯ ಈ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಅಂದಹಾಗೆ, ಆಚಾರ್ಯ ಚಿತ್ರವನ್ನು ಕೊರಟಾಲ ಶಿವ ನಿರ್ದೇಶನ ಮಾಡುತ್ತಿದ್ದಾರೆ.