ಬೆಂಗಳೂರು: ಬಣ್ಣ ಬಣ್ಣದ ಜೆಲ್ಲಿಗಳನ್ನು ನೋಡಿದ ತತ್ಕ್ಷಣ ಮಕ್ಕಳ ಮನಸೋಲುವುದು ಸಹಜ. ಹಾಗಂತ ಅವರು ಅತ್ತು ಗೋಗರೆದರೂ ಜೆಲ್ಲಿಗಳನ್ನು ಕೊಡಿಸುವ ಮುನ್ನ ಯೋಚಿಸಿ. ಕೆಲವು ಜೆಲ್ಲಿಗಳಿಗೆ ಮರಿಜುವಾನಾವನ್ನು ಲೇಪಿಸಲಾಗಿರುತ್ತದೆ. ಅಂಥ ಜೆಲ್ಲಿಗಳನ್ನು ಸಿಸಿಬಿ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಬೆಂಗಳೂರಿನ ಎಂ.ಜಿ.ರಸ್ತೆಯಲ್ಲಿ ಮಕ್ಕಳಿಗೆ ಮಾರಾಟ ಮಾಡುವುದಕ್ಕಾಗಿ ಕಾರಿನಲ್ಲಿರಿಸಿಕೊಂಡಿದ್ದ ಇಂತಹ ಜೆಲ್ಲಿಗಳನ್ನು ಸಿಸಿಬಿ ಪೊಲೀಸರು ವಶಪಡಿಸಿದ್ದಾರೆ. ಇಬ್ಬರು ಡ್ರಗ್ ಪೆಡ್ಲರ್ಗಳನ್ನೂ ಪೊಲೀಸರು ಬಂಧಿಸಿದ್ದು, ತನಿಖೆ ನಡೆಸಿದ್ದಾರೆ.
ಇದನ್ನೂ ಓದಿ: ಸಾಲ ಬರೆ ಜನರಿಗೆ ಹೊರೆ: ಸಂಪನ್ಮೂಲ ಹೆಚ್ಚಳಕ್ಕೆ ಸರ್ಕಾರ ಸರ್ಕಸ್, ತೆರಿಗೆ ಭಾರ ಬಹುತೇಕ ಫಿಕ್ಸ್
ರಸ್ತೆ ಬದಿ ಕಾರಿನಲ್ಲಿ ಅಥವಾ ಇನ್ಯಾವುದೇ ವಾಹನಗಳಲ್ಲಿ ಮಾರಾಟ ಮಾಡುವ ಇಂತಹ ಜೆಲ್ಲಿಗಳನ್ನು ಖರೀದಿಸುವ ಮೊದಲು ಎಚ್ಚರಿಕೆ ವಹಿಸಿ. ಪಾಲಕರೂ ಈ ಬಗ್ಗೆ ಗಮನಹರಿಸಿ ಎಚ್ಚರಿಕೆ ವಹಿಸಬೇಕು ಎಂಬರ್ಥದ ಟ್ವೀಟ್ ಒಂದನ್ನು ಜಂಟಿ ಪೊಲೀಸ್ ಆಯುಕ್ತ ಸಂದೀಪ್ ಪಾಟೀಲ್ ಮಾಡಿದ್ದು ಸಾರ್ವಜನಿಕರ ಗಮನಸೆಳೆದಿದೆ.
Well…these jellies can attract any child..they are Marijuana laced jellies..seized by CCB along with Ecstacy and LSD drugs..2 drug peddlers arrested..further investigation on.. pic.twitter.com/SOpto53O3K
— Sandeep Patil IPS (@ips_patil) September 18, 2020
ಎಂ.ಜಿ.ರೋಡ್ನಲ್ಲಿ ರಾಜಾರೋಷವಾಗಿ ಡ್ರಗ್ಸ್ ಮಾರಾಟ- ಇಬ್ಬರು ಪೆಡ್ಲರ್ಗಳು ಅಂದರ್