ಬೆಂಗಳೂರು: ಡ್ರಗ್ಸ್ ಮಾಫಿಯಾದಲ್ಲಿ ಎಂಡಿಎಂಎ ಮಾತ್ರೆ ಹಾಗೂ ಎಲ್ಎಸ್ಡಿಗೆ ಎಲ್ಲಿಲ್ಲದ ಬೇಡಿಕೆ ಇದೆ. ಆದರೆ, ಈ ಮಾದಕ ವಸ್ತುಗಳನ್ನು ಹಿಂದೆ ಗುಡ್ಡಗಾಡು ಪ್ರದೇಶದಲ್ಲಿ ಲಗೇಜು ಹೊತ್ತೊಯ್ಯುವ ಕತ್ತೆಗಳಿಗೆ ಶಕ್ತಿವರ್ಧಕವಾಗಿ ನೀಡಲಾಗುತ್ತಿತ್ತು ಎಂದು ತಜ್ಞರು ಹೇಳುತ್ತಾರೆ.
ಎಂಡಿಎಂಎ ಮಾತ್ರೆ ಸೇವಿಸಿದ ವ್ಯಕ್ತಿ ಕನಿಷ್ಠ 2 ದಿನಗಳ ಕಾಲ ಪ್ರಜ್ಞಾವಸ್ಥೆಯಲ್ಲಿ ಇರುವುದಿಲ್ಲ. ಬ್ರಿಟಿಷರ ಆಳ್ವಿಕೆ ಕಾಲದಲ್ಲಿ ಉತ್ತರ ಭಾರತದ ವ್ಯಾಪಾರಿಗಳು ಕತ್ತೆಗಳ ಬೆನ್ನ ಮೇಲೆ ಮೂಟೆಗಳನ್ನಿಟ್ಟು ವಸ್ತುಗಳನ್ನು ಸಾಗಿಸುತ್ತಿದ್ದರು. ಗುಡ್ಡಗಾಡು ಪ್ರದೇಶದಲ್ಲಿ ಕತ್ತೆಗಳಿಗೆ ಈ ಮೂಟೆಗಳನ್ನು ಹೊತ್ತು ಸಾಗಲು ಕಷ್ಟವಾಗುತ್ತಿತ್ತು. ಅಂಥ ಸಂದರ್ಭದಲ್ಲಿ ಕತ್ತೆಗಳಿಗೆ ಶಕ್ತವರ್ಧಕವಾಗಿ ‘ಎಂಡಿಎಂಎ’ ಮಾತ್ರೆಗಳನ್ನು ನೀಡಲಾಗುತ್ತಿತ್ತು. ನಂತರ ಕುದುರೆಗಳಿಗೂ ‘ಎಂಡಿಎಂಎ’ ಡ್ರಗ್ಸ್ ನೀಡಲಾಗುತ್ತಿತ್ತು. ಈ ಹಿಂದೆ ವ್ಯಾಪಾರಿಗಳ ಬಳಿ ಹೆಚ್ಚಿನ ಪ್ರಮಾಣದ ಎಂಡಿಎಂಎ ಇರುತ್ತಿತ್ತು ಎಂದು ತಿಳಿದ್ದಾರೆ.
ಇದನ್ನೂ ಓದಿ: ಹನಿಮೂನ್ ಆಸೆಗೆ ತಣ್ಣೀರೆರೆಚಿದ ಕರೊನಾ|ಕೋರ್ಟ್ ಮೊರೆಹೋದ ಮಹಿಳೆ | ಟ್ರಾವೆಲ್ಏಜೆನ್ಸಿ ನಾಟ್ ರೀಚಬಲ್
ಒತ್ತಡ ನಿವಾರಣೆಗಾಗಿ ಹೆಚ್ಚಿನ ಜನರು ಇತ್ತೀಚೆಗೆ ಡ್ರಗ್ಸ್ಗೆ ದಾಸರಾಗುತ್ತಿದ್ದಾರೆ. ಪಾಲಕರು ಮಕ್ಕಳಿಗೆ ಸೂಕ್ತ ಸಂಸ್ಕಾರ ಕಲಿಸಿ ಈ ಬಗ್ಗೆ ಜಾಗೃತಿ ಮೂಡಿಸಿದರೆ ಉತ್ತಮ. ಮಾದಕ ಜಾಲಕ್ಕೆ ದಾಸರಾಗುತ್ತಿರುವವರಲ್ಲಿ ಮಕ್ಕಳು ಹಾಗೂ ಯುವಕರ ಸಂಖ್ಯೆ ಹೆಚ್ಚುತ್ತಿದೆ.
| ಪೂರ್ಣಿಮಾ ಪುರೋಹಿತ್, ಆಪ್ತ ಸಮಾಲೋಚಕರು
ಈಗ ಕಿಟ್ಟಿ ಪಾರ್ಟಿಗಳು, ಪಬ್, ಡಾನ್ಸ್ಬಾರ್ಗಳಲ್ಲೂ ಡ್ರಗ್ಸ್ ಘಾಟು ಹೆಚ್ಚಾಗಿದೆ. ಎಂಡಿಎಂಎಗೆ ಬೇಡಿಕೆ ಹೆಚ್ಚಿದಂತೆ ಇದರ ಬೆಲೆಯೂ ಗಗನಕ್ಕೇರಿದೆ. ಎಂಡಿಎಂಎ ಮಾತ್ರೆಯೊಂದನ್ನು ಸಾವಿರಾರು ರೂ. ತೆತ್ತು ಖರೀದಿಸುವವರಿದ್ದಾರೆ. ಸದ್ಯ ಈ ಡ್ರಗ್ಸ್ ಬೇರೆಬೇರೆ ರೂಪದಲ್ಲಿ ಬಂದಿದ್ದು, ಕೆಂಪು, ಹಳದಿ, ನೀಲಿ, ಹಸಿರು, ಬಿಳಿ ಬಣ್ಣದಲ್ಲಿ ಪೂರೈಕೆಯಾಗುತ್ತಿವೆ. ಬೆಂಗಳೂರಿನಲ್ಲಿ ಇದಕ್ಕೆ ಹೆಚ್ಚಿನ ಬೇಡಿಕೆಯಿದ್ದು, ಹೊರ ರಾಜ್ಯ ಹಾಗೂ ವಿದೇಶಗಳಿಂದಲೂ ರಾಜ್ಯಕ್ಕೆ ಪೂರೈಕೆಯಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: ಆರ್ಟಿಒ ಅಧಿಕಾರಿಗಳಿಗೆ ಕಂಟ್ರೋಲ್ ರೂಂ ಡ್ಯೂಟಿ
ಶ್ರೀಮಂತರ ನೆಚ್ಚಿನ ಡ್ರಗ್ಸ್ ಎಲ್ಎಸ್ಡಿ
ಎಂಡಿಎಂಎ ನಂತರದ ಸ್ಥಾನದಲ್ಲಿರುವ ಎಲ್ಎಸ್ಡಿಗೆ ಹೆಚ್ಚಿನ ಬೆಲೆ ಇರುವುದರಿಂದ ಇದನ್ನು ‘ಶ್ರೀಮಂತರ ಡ್ರಗ್ಸ್’ ಎಂದೇ ಕರೆಯಲಾಗುತ್ತದೆ. ಭತ್ತ ಹಾಗೂ ಗೋಧಿಯಲ್ಲಿರುವ ಫಂಗಸ್ ಹೋಗಲಾಡಿಸಲು ಬಳಸುವ ಕ್ರಿಮಿನಾಶಕದಿಂದ ಎಲ್ಎಸ್ಡಿ ತಯಾರಿಸಲಾಗುತ್ತದೆ. ಅಮೆರಿಕದ ಅನಧಿಕೃತ ಪ್ರಯೋಗಾಲಯಗಳಲ್ಲಿ ಹೆಚ್ಚಾಗಿ ಎಲ್ಎಸ್ಡಿ ತಯಾರಿಸುತ್ತಾರೆ. ಪುಡಿ ರೂಪದಲ್ಲಿರುವ ಈ ವಸ್ತುವನ್ನು ದ್ರವ್ಯರೂಪಕ್ಕೆ ಬದಲಾಯಿಸಿ ಮಾರಾಟ ಮಾಡಲಾಗುತ್ತದೆ. ಈ ದ್ರವ್ಯ ಕಹಿಯಾಗಿರುತ್ತದೆ. 20ರಿಂದ 30 ಮೈಕ್ರೋ ಗ್ರಾಂ ಲೆಕ್ಕದಲ್ಲಿ ಮಾರಾಟ ಮಾಡಲಾಗುತ್ತದೆ. ಇದನ್ನು ಸೇವಿಸಿದ ವ್ಯಕ್ತಿ ಕನಿಷ್ಠ 12ರಿಂದ 13 ಗಂಟೆಗಳ ಕಾಲ ಪ್ರಜ್ಞಾವಸ್ಥೆಯಲ್ಲಿ ಇರುವುದಿಲ್ಲ. ವ್ಯಸನಿಗಳು ಎಲ್ಎಸ್ಡಿಯನ್ನು ಕೆಲ ಹೊತ್ತು ನಾಲಿಗೆಯ ಕೆಳಗೆ ಇಟ್ಟುಕೊಳ್ಳುತ್ತಾರೆ.
ಹನಿಮೂನ್ ಆಸೆಗೆ ತಣ್ಣೀರೆರೆಚಿದ ಕರೊನಾ|ಕೋರ್ಟ್ ಮೊರೆಹೋದ ಮಹಿಳೆ | ಟ್ರಾವೆಲ್ಏಜೆನ್ಸಿ ನಾಟ್ ರೀಚಬಲ್