ಗಾಂಧಿನಗರ: ಟಿವಿ ಮತ್ತು ಮೊಬೈಲ್ ಮಕ್ಕಳ ಮೇಲೆ ಗಂಭೀರ ಪರಿಣಾಮ ಬೀರುವ ಸಾಧನಗಳು. ಅದೇ ರೀತಿ ಮೊಬೈಲ್ ಮತ್ತು ಟಿವಿಯಲ್ಲಿ ಕ್ರೈಂ ಶೋಗಳನ್ನು ನೋಡುತ್ತಿದ್ದ ಒಬ್ಬ ಯುವಕ ಪ್ರೀತಿಗಾಗಿ ಮಾಡಿದ ಕೆಲಸ ಕೇಳಿದರೆ ನೀವು ಬೆಚ್ಚಿ ಬೀಳುತ್ತೀರ.
ಇದನ್ನೂ ಓದಿ: ತಂಗಿಗೆ ಮಾಜಿ ಪ್ರಿಯತಮ ಟಾರ್ಚರ್ ಮಾಡ್ತಿದ್ದ; ವಿಚಾರ ತಿಳಿದ ಅಣ್ಣ ಹೀಗಾ ಮಾಡೋದು?!
ಗುಜರಾತ್ನ ಸೂರತ್ ನಿವಾಸಿ ಸುಮಿತ್ ಅಘೇರಾ (18) ಹೆಸರಿನ ಯುವಕ ಹೈ ಸ್ಕೂಲ್ನಲ್ಲಿರುವಾಗ ಕರೀಶ್ಮಾ ಹೆಸರಿನ ಬಾಲಕಿಯನ್ನು ಪ್ರೀತಿಸುತ್ತಿದ್ದನಂತೆ. ಒನ್ ವೇ ಲವ್ ಆಗಿದ್ದ ಇದರ ಬಗ್ಗೆಗ ಕರೀಶ್ಮಾಗೆ ಯಾವುದೇ ಮಾಹಿತಿ ಗೊತ್ತಿರಲಿಲ್ಲ. ಪಿಯುಸಿ ಮುಗಿದ ಮೇಲೆ ಅವರಿಬ್ಬರೂ ಬೇರೆ ಬೇರೆ ಕಾಲೇಜುಗಳಿಗೆ ಸೇರಿಕೊಂಡಿದ್ದಾರೆ. ಸುಮಿತ್ ಐಟಿ ಕ್ಷೇತ್ರದಲ್ಲಿ ಉದ್ಯಮಿಯಾಗುವ ಕನಸು ಹೊಂದಿದ್ದು, ಬಿಎಸ್ಸಿ ಐಟಿ ಶಿಕ್ಷಣವನ್ನೇ ಆಯ್ಕೆ ಮಾಡಿಕೊಂಡಿದ್ದಾನೆ.
ಕಾಲೇಜು ಸೇರಿದ ಮೇಲೂ ಸುಮಿತ್ಗೆ ಕರೀಶ್ಮಾ ಬಗ್ಗೆ ಇದ್ದ ಪ್ರೀತಿ ಕಡಿಮೆಯಾಗಿಲ್ಲ. ಹೇಗಾದರೂ ಮಾಡಿ ಆಕೆಯನ್ನು ಒಪ್ಪಿಸಿ, ಮದುವೆಯಾಗಬೇಕು ಎಂದು ಕನಸು ಕಂಡಿದ್ದನಂತೆ. ಅದಕ್ಕೆಂದು ಆತ ಒಂದು ದಾರಿಯನ್ನೂ ಹುಡುಕಿಕೊಂಡಿದ್ದಾನೆ. ಇನ್ಸ್ಟಾಗ್ರಾಂನಲ್ಲಿ ಮೂರು ನಕಲಿ ಖಾತೆಗಳನ್ನು ತೆರೆದಿದ್ದಾನೆ. ನಂತರ ಕರೀಶ್ಮಾಳ ಅಕ್ಕ ಕಿಂಜಲ್ಳ ಫೋಟೋಗಳನ್ನು ಎಡಿಟ್ ಮಾಡಿ ನಗ್ನಗೊಳಿಸಿದ್ದಾನೆ. ಆ ಫೋಟೋಗಳನ್ನು ನಕಲಿ ಖಾತೆಗಳಿಂದ ಕರೀಶ್ಮಾ ಮತ್ತು ಕಿಂಜಲ್ಗೆ ಕಳುಹಿಸಿ ಅದನ್ನು ವೈರಲ್ ಮಾಡುವುದಾಗಿ ಬೆದರಿಸಿದ್ದಾನೆ.
ಇದನ್ನೂ ಓದಿ: ಆತನ ಹೊಟ್ಟೆಯೊಳಗಿತ್ತು 4 ಕೋಟಿ ಮೌಲ್ಯದ ಡ್ರಗ್ಸ್! ಕಳ್ಳಸಾಗಣೆಗೆ ಬೇರೆಯದ್ದೇ ಮಾರ್ಗ ಕಂಡುಕೊಂಡ ಕದೀಮರು!
ತಾನು ಐಟಿ ವಿದ್ಯಾರ್ಥಿಯಾಗಿದ್ದರಿಂದ ಕರೀಶ್ಮಾ ಈ ವಿಚಾರದಲ್ಲಿ ತನ್ನದೇ ಸಹಾಯ ಕೇಳಿ ಬರಬಹುದೆಂಬ ಭ್ರಮೆಯಲ್ಲಿ ಸುಮಿತ್ ಈ ಕೃತ್ಯವೆಸಗಿದ್ದಾನೆ. ಆದರೆ ಈತನ ಬಳಿ ಬಾರದ ಅಕ್ಕ ತಂಗಿಯರು ನೇರವಾಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಪೊಲೀಸರ ಕೈಗೆ ಸಿಕ್ಕಿಬಿದ್ದ ಸುಮಿತ್, ಕರೀಶ್ಮಾಳ ಪ್ರೀತಿ ಪಡೆಯುವುದಕ್ಕಾಗಿ ಈ ರೀತಿ ಮಾಡಿದ್ದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಕ್ರೈ ಶೋಗಳನ್ನು ನೋಡಿ ಅದರಿಂದ ಈ ಐಡಿಯಾ ಮಾಡಿದ್ದಾಗಿಯೂ ಆತ ಹೇಳಿದ್ದಾನೆ. (ಏಜೆನ್ಸೀಸ್)
ಅಮ್ಮ ಸತ್ತಿಲ್ಲ, ಮಲಗಿದ್ದಾಳೆ! 20 ದಿನದಿಂದ ಶವವನ್ನೇ ಪೂಜಿಸುತ್ತಿರುವ ಮಕ್ಕಳು! ಕಣ್ಣೀರು ತರಿಸುತ್ತೆ ಈ ಮಕ್ಕಳ ನಂಬಿಕೆ
ಮಗನ ಹೆಂಡತಿಗೆ ಮಾವ ಹೀಗಾ ಮಾಡೋದು?! ತನಿಖೆಯಲ್ಲಿ ಬಯಲಾಯಿತು ಮಾವನ ನಿಜ ಬಣ್ಣ