ಮುಂಬೈ: ಐಟಿ ಸೇವಾ ನಿರ್ವಹಣಾ ಕಂಪನಿ ಡೈನಾಕಾನ್ಸ್ ಸಿಸ್ಟಮ್ಸ್ ಆ್ಯಂಡ್ ಸೋಲುಷನ್ಸ್ ಲಿಮಿಟೆಡ್ (Dynacons Systems and Solutions Ltd.) ಷೇರುಗಳು ಹೂಡಿಕೆದಾರರಿಗೆ ಭರ್ಜರಿ ಲಾಭ ನೀಡಿವೆ. ಡೈನಾಕಾನ್ಸ್ ಸಿಸ್ಟಮ್ಸ್ ಅಂಡ್ ಸೊಲ್ಯೂಷನ್ಸ್ ಷೇರುಗಳ ಬೆಲೆ ಗುರುವಾರ ಶೇ. 6ರಷ್ಟು ಏರಿಕೆ ಕಾಣುವ ಮೂಲಕ 916.65 ರೂ. ತಲುಪಿದೆ.
ಈ ಕಂಪನಿಯ ಷೇರುಗಳಿಗೆ ಇದು 52 ವಾರಗಳ ಗರಿಷ್ಠ ಬೆಲೆಯಾಗಿದೆ. ಈ ಷೇರಿನ 52 ವಾರದ ಕನಿಷ್ಠ ಬೆಲೆ 283.30 ರೂ. ಆಗಿದೆ. ಕಳೆದ 10 ವರ್ಷಗಳಲ್ಲಿ ಡೈನಾಕಾನ್ಸ್ ಸಿಸ್ಟಮ್ಸ್ ಷೇರುಗಳ ಬೆಲೆ 3 ರೂಪಾಯಿಯಿಂದ 900 ರೂಪಾಯಿಗೆ ಏರಿಕೆಯಾಗಿದೆ. ಈ ಅವಧಿಯಲ್ಲಿ ಕಂಪನಿಯ ಷೇರುಗಳ ಬೆಲೆ ಶೇಕಡಾ 29000 ಕ್ಕಿಂತ ಹೆಚ್ಚು ಏರಿಕೆಯಾಗಿದೆ.
ಕಂಪನಿಯ ಷೇರುಗಳ ಬೆಲೆ 28 ಫೆಬ್ರವರಿ 2014 ರಂದು 3 ರೂ. ಇತ್ತು. ಈಗ ಅದು ರೂ 916.65 ತಲುಪಿದೆ. ಈ ಅವಧಿಯಲ್ಲಿ 29700% ಏರಿಕೆ ದಾಖಲಿಸಿದೆ. ಒಬ್ಬ ವ್ಯಕ್ತಿ 10 ವರ್ಷಗಳ ಹಿಂದೆ ಡೈನಾಕಾನ್ಸ್ ಸಿಸ್ಟಮ್ಸ್ ಷೇರುಗಳಲ್ಲಿ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿ ಅದನ್ನು ಇದುವರೆಗೂ ಉಳಿಸಿಕೊಂಡಿದ್ದರೆ, ಈ ಷೇರುಗಳ ಪ್ರಸ್ತುತ ಮೌಲ್ಯ 3.05 ಕೋಟಿ ರೂಪಾಯಿ ಆಗುತ್ತಿತ್ತು.
ಕಳೆದ 4 ವರ್ಷಗಳಲ್ಲಿ ಈ ಷೇರುಗಳ ಬೆಲೆ 6000% ಕ್ಕಿಂತ ಹೆಚ್ಚು ಏರಿಕೆಯಾಗಿದೆ. 27 ಮಾರ್ಚ್ 2020 ರಂದು ಕಂಪನಿಯ ಷೇರುಗಳ ಬೆಲೆ 14.35 ರೂ. ಇತ್ತು. ಕಳೆದ ಒಂದು ವರ್ಷದಲ್ಲಿ ಡೈನಾಕಾನ್ಸ್ ಸಿಸ್ಟಮ್ಸ್ ಷೇರುಗಳ ಬೆಲೆ 130% ಹೆಚ್ಚಾಗಿದೆ. ಈ ಅವಧಿಯಲ್ಲಿ ಷೇರುಗಳ ಬೆಲೆ ರೂ. 401.65ರಿಂದ ರೂ. 916.65ಕ್ಕೆ ಏರಿಕೆಯಾಗಿದೆ. ಅದೇ ಸಮಯದಲ್ಲಿ, ಈ ವರ್ಷದ ಆರಂಭದಿಂದ ಇಲ್ಲಿಯವರೆಗೆ ಕಂಪನಿಯ ಷೇರುಗಳ ಬೆಲೆ ಶೇಕಡಾ 45ಕ್ಕೂ ಹೆಚ್ಚು ಏರಿಕೆ ಕಂಡಿದೆ.
1995 ರಲ್ಲಿ ಸ್ಥಾಪಿತವಾದ ಡೈನಾಕಾನ್ಸ್ ಸಿಸ್ಟಮ್ಸ್ & ಸೊಲ್ಯೂಷನ್ಸ್ ಲಿಮಿಟೆಡ್ ಮುಂಬೈನಲ್ಲಿ ತನ್ನ ಪ್ರಧಾನ ಕಚೇರಿ ಮತ್ತು ಭಾರತದಾದ್ಯಂತ ಶಾಖೆಗಳನ್ನು ಹೊಂದಿರುವ ಐಟಿ ಕಂಪನಿಯಾಗಿದೆ.
ಅಪ್ಪರ್ ಸರ್ಕ್ಯೂಟ್ ಹಿಟ್, 52 ವಾರಗಳ ಗರಿಷ್ಠ ಬೆಲೆ: ಎಬಿಬಿ ಇಂಡಿಯಾ ಷೇರುಗಳ ಬೆಲೆ ಗಗನಕ್ಕೆ