ಸುಶಾಂತ್ ಸಿಂಗ್ ಸಾವಿಗೆ ಕಂಬನಿ ಸುರಿಸದವರೇ ಇಲ್ಲ. ಬಾಲಿವುಡ್ನಲ್ಲಿ ಇತ್ತೀಚಿನ ವರ್ಷಗಳಲ್ಲಿ ದೊಡ್ಡ ಹೆಸರು ಮಾಡುತ್ತಿದ್ದ ಸುಶಾಂತ್ ಸಾವಿನ ಸುದ್ದಿ ಕೇಳಿ ನೊಂದವರೆಷ್ಟೋ ಗೊತ್ತಿಲ್ಲ. ಈಗ ಆ ಸಾಲಿಗೆ ಇಸ್ರೇಲ್ ಸಹ ಸೇರಿದೆ.
ಇದನ್ನೂ ಓದಿ: ಮ್ಯೂಸಿಕ್ ಮಾಫಿಯಾ ಕರಾಳ ಸತ್ಯ ಬಿಚ್ಚಿಟ್ಟ ಸೋನು ನಿಗಂ
ಇಸ್ರೇಲ್ನ ವಿದೇಶಾಂಗ ಇಲಾಖೆಯ ಡೆಪ್ಯುಟಿ ಡೈರೆಕ್ಟರ್ ಜನರಲ್ ಆಗಿರುವ ಗಿಲಾಡ್ ಕೋಹನ್ ಸಹ ಸುಶಾಂತ್ ಸಾವಿಗೆ ಕಂಬನಿ ಮಿಡಿದಿದ್ದಾರೆ. ಸುಶಾಂತ್, ಇಸ್ರೇಲ್ನ ನಿಜವಾದ ಸ್ನೇಹಿತರಾಗಿದ್ದು, ಅವರನ್ನು ಬಹಳ ಮಿಸ್ ಮಾಡಿಕೊಳ್ಳುತ್ತಿದ್ದೇವೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.
ಸುಶಾಂತ್ಗೂ, ಇಸ್ರೇಲ್ಗೂ ಎಲ್ಲಿಂದೆಲ್ಲಿಯ ಸಂಬಂಧ ಎಂಬ ಪ್ರಶ್ನೆ ಬರುವುದು ಸಹಜ. ಬಾಲಿವುಡ್ ಮಂದಿ ತಮ್ಮ ಚಿತ್ರಗಳ ಚಿತ್ರೀಕರಣಕ್ಕೆ ಯಾವ್ಯಾವುದೋ ದೇಶಕ್ಕೆ ಹೋಗುವುದಿದೆ. ಆದರೆ, ಇಸ್ರೇಲ್ಗೆ ಹೋಗಿ ಶೂಟ್ ಮಾಡಿದವರು ಕಡಿಮೆಯೇ. ಹಾಗಾಗಿ ಬಾಲಿವುಡ್ ಜನರನ್ನು ಇಸ್ರೇಲ್ನತ್ತ ಸೆಳೆಯುವುದಕ್ಕೆ, ಅಲ್ಲಿನ ವಿದೇಶಾಂಗ ಇಲಾಖೆಯು, ದೇಶವನ್ನು ಪರಿಚಯಿಸುವ ಒಂದು ವಿಡಿಯೋ ಸಾಂಗ್ ಮಾಡಿತ್ತು.
ಬಾಲಿವುಡ್ ಮಂದಿಯನ್ನು ಸೆಳೆಯುವುದಕ್ಕೆ ಬಾಲಿವುಡ್ ನಟರೇ ಸೂಕ್ತ ಎಂಬ ಕಾರಣಕ್ಕೆ, ಆ ಹಾಡಿನಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಸುಶಾಂತ್, ಜಾಕ್ವೆಲಿನ್ ಮುಂತಾದವರನ್ನು ಕೇಳಲಾಗಿತ್ತು. ಇಲಾಖೆಯ ಮಾತಿಗೆ ಬೆಲೆ ಕೊಟ್ಟು, ಸುಶಾಂತ್ ಆ ಹಾಡಿನಲ್ಲಿ ಕಾಣಿಸಿಕೊಂಡಿದ್ದರು. ಇಸ್ರೇಲ್ನ ರಾಜಧಾನಿಯಾದ ಟೆಲ್ ಅವೀವ್ಗೆ ಹೋಗಿ, ಹಾಡಿನಲ್ಲಿ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು.
ಇದನ್ನೂ ಓದಿ: ದಸರಾದಲ್ಲಿ ಪತ್ತೇದಾರಿ ಸತೀಶ್
ಹಾಗಾಗಿ, ಸುಶಾಂತ್ ಅವರನ್ನು ಇಸ್ರೇಲ್ನ ವಿದೇಶಾಂಗ ಇಲಾಖೆಯ ಡೆಪ್ಯುಟಿ ಡೈರೆಕ್ಟರ್ ಜನರಲ್ ಗಿಲಾಡ್ ಕೋಹನ್ ನೆನಪಿಸಿಕೊಂಡಿರುವುದಷ್ಟೇ ಅಲ್ಲ, ಅವರು ಇಸ್ರೇಲ್ನ ನಿಜವಾ ಸ್ನೇಹಿತರಾಗಿದ್ದರು ಎಂದು ಹೇಳಿಕೊಂಡಿದ್ದಾರೆ.