ನವದೆಹಲಿ: ಕೇವಲ ಎರಡು ದಿನಗಳ ಅವಧಿಯಲ್ಲಿ ಬರೋಬ್ಬರಿ 7 ಲಕ್ಷ ಕೋಟಿ ರೂಪಾಯಿಯನ್ನು ಹೂಡಿಕೆದಾರರು ಷೇರುಪೇಟೆಯಲ್ಲಿ ಕಳೆದುಕೊಂಡಿದ್ದಾರೆ. ಭಾರತೀಯ ಷೇರುಪೇಟೆಯಲ್ಲಿ ಸೋಮವಾರ ಮತ್ತು ಮಂಗಳವಾರದ ವಹಿವಾಟಿನಲ್ಲಿ ಹೂಡಿಕೆದಾರರಿಗೆ ಸೇರಿದ ಭಾರಿ ಮೊತ್ತದ ಸಂಪತ್ತು ಕರಗಿ ಹೋಗಿದೆ. ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್ ಮಂಗಳವಾರ ಆರಂಭಿಕ ವಹಿವಾಟಿನಲ್ಲಿ ಚೇತರಿಕೆ ತೋರಿದರೂ, ನಂತರ ನಷ್ಟದಲ್ಲೇ ವಹಿವಾಟು ಮುಗಿಸಿತ್ತು.
ಸೆನ್ಸೆಕ್ಸ್ ಮಂಗಳವಾರ ದಿನದ ವಹಿವಾಟಿನ ಕೊನೆಗೆ 261.84 ಅಂಶ ಕುಸಿದು 31,453.51ರಲ್ಲಿ ವಹಿವಾಟು ಕೊನೆಗೊಳಿಸಿತ್ತು. ಸೋಮವಾರ ಸೆನ್ಸೆಕ್ಸ್ 2,002.27 ಅಂಶ ಕುಸಿತ ಕಂಡಿತ್ತು. ಎರಡು ದಿನಗಳ ಕುಸಿತದ ಪರಿಣಾಮ ಬಿಎಸ್ಇಯಲ್ಲಿನ ಲಿಸ್ಟೆಡ್ ಕಂಪನಿ ಷೇರುಗಳು 6,98,419.77 ಕೋಟಿ ರೂಪಾಯಿಯಿಂದ 1,22,43,201.05 ಕೋಟಿ ರೂಪಾಯಿಗೆ ಕುಸಿದಿತ್ತು.ಮಿಡ್ಕ್ಯಾಪ್, ಸ್ಮಾಲ್ಕ್ಯಾಪ್ ಷೇರು ಸೂಚ್ಯಂಕ ಶೇಕಡ 0.97 ಅಂಶ ಕುಸಿದಿದೆ.
ಇದನ್ನೂ ಓದಿ: ಇ-ಮೇಲ್, ವಾಟ್ಸ್ಆ್ಯಪ್ ಮೂಲಕ ಜನೌಷಧಿ ಕೇಂದ್ರದಿಂದ ಔಷಧ ಖರೀದಿಸಬಹುದು..
ಜಿಯೋಜಿತ್ ಫೈನಾನ್ಶಿಯಲ್ ಸರ್ವೀಸಸ್ನ ರಿಸರ್ಚ್ ಹೆಡ್ ವಿನೋದ್ ನಾಯರ್ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು, ಮಾರುಕಟ್ಟೆಯಲ್ಲಿ ಭಾರಿ ಏರಿಳಿತ ಇದ್ದು, ಷೇರುಗಳು ನಷ್ಟ ಅನುಭವಿಸಿವೆ.ಮಾರುಕಟ್ಟೆಯಲ್ಲಿ ಅನಿಶ್ಚಿತತೆ ಮುಂದುವರಿದಿದ್ದು, ಆದಾಯದ ಮೇಲೂ ಪರಿಣಾಮ ಬೀರಿದೆ ಎಂದು ಹೇಳಿದ್ಧಾರೆ.
ಸೆನ್ಸೆಕ್ಸ್ ಪಟ್ಟಿಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) ಷೇರು ಹೆಚ್ಚಿನ ಅಂದರೆ ಶೇಕಡ 4.64 ನಷ್ಟ ಅನುಭವಿಸಿದೆ. ಇದೇ ರೀತಿ, ಬಜಾಜ್ ಫೈನಾನ್ಸ್, ಏಷ್ಯನ್ ಪೇಂಟ್ಸ್, ಏಕ್ಸಿಸ್ ಬ್ಯಾಂಕ್, ಕೊಟಾಕ್ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್ ಷೇರುಗಳೂ ನಷ್ಟ ಅನುಭವಿಸಿವೆ. ಇದೇ ವೇಳೆ, ಎಂಆ್ಯಂಡ್ಎಂ, ಪವರ್ಗ್ರಿಡ್, ಒಎನ್ಜಿಸಿ, ರಿಲಯನ್ಸ್ ಇಂಡಸ್ಟ್ರೀಸ್ ಷೇರುಗಳು ಲಾಭ ಗಳಿಸಿವೆ. (ಏಜೆನ್ಸೀಸ್)
ಇದು ಸಸ್ಪೆನ್ಸ್: ತುರಿದ ಚೀಸ್ ಬಳಸಿ ಆ ವಿದ್ಯಾರ್ಥನಿಯರು ಹಲ್ಲೆ ನಡೆಸಿದ್ದು ಹೇಗೆ?!!!