ನವದೆಹಲಿ: ಭಾರತದ ಅತಿದೊಡ್ಡ ದೇಶೀಯ ವಿಮಾನಯಾನ ಸಂಸ್ಥೆ ಇಂಡಿಗೋ, ವಿಮಾನಯಾನ ಟರ್ಬೈನ್ ಇಂಧನ (ಎಟಿಎಫ್) ಬೆಲೆಗಳಲ್ಲಿನ ಇತ್ತೀಚಿನ ಇಳಿಕೆಯಿಂದಾಗಿ ತಣವೇ ಜಾರಿಗೆ ಬರುವಂತೆ ಇಂಧನ ಶುಲ್ಕ ತೆಗೆದಿರುವುದಾಗಿ ಗುರುವಾರ ತಿಳಿಸಿದೆ. ಇದರಿಂದ ವಿಮಾನಯಾನ ಟಿಕೆಟ್ ದರ ಕಡಿಮೆಯಾಗಲಿದೆ ಎನ್ನಲಾಗಿದೆ.
ಇಂಡಿಗೋ ತನ್ನ ದೇಶೀಯ ಮತ್ತು ಅಂತರಾಷ್ಟ್ರೀಯ ಮಾರ್ಗಗಳಿಗೆ ಅನ್ವಯವಾಗುವ ಇಂಧನ ಶುಲ್ಕವನ್ನು ತೆಗೆದುಹಾಕಿದೆ. ಎಟಿಎಫ್ ಬೆಲೆಗಳಲ್ಲಿ ಏರಿಕೆಯಾದ ನಂತರ ಇಂಧನ ಶುಲ್ಕವನ್ನು 2023 ಅಕ್ಟೋಬರ್ 06 ರಂದು ಪರಿಚಯಿಸಲಾಯಿತು ಎಂದು ಏರ್ಲೈನ್ನ ವಕ್ತಾರರು ತಿಳಿಸಿದ್ದಾರೆ.
ಎಟಿಎಫ್ ಬೆಲೆಗಳ ಸ್ವರೂಪವನ್ನು ಪರಿಗಣಿಸಿ, ಬೆಲೆಗಳು ಅಥವಾ ಮಾರುಕಟ್ಟೆ ಪರಿಸ್ಥಿತಿಗಳಲ್ಲಿನ ಯಾವುದೇ ಬದಲಾವಣೆಗೆ ಪ್ರತಿಕ್ರಿಯಿಸಲು ದರಗಳನ್ನು ಸರಿಹೊಂದಿಸುವುದನ್ನು ಮುಂದುವರಿಸುವುದಾಗಿ ಏರ್ಲೈನ್ಸ್ ತಿಳಿಸಿದೆ.