ವಾಷಿಂಗ್ಟನ್: ಅಮೆರಿಕದಲ್ಲಿರುವ ಭಾರತದ ರೆಸ್ಟೋರೆಂಟ್ವೊಂದನ್ನು ಧ್ವಂಸ ಮಾಡಲಾಗಿದೆ. ಅಲ್ಲದೆ ಅದರ ಗೋಡೆಗಳ ಮೇಲೆ ದ್ವೇಷ ಸಾರುವ ಸಂದೇಶಗಳನ್ನು ಬರೆಯಲಾಗಿದೆ.
ನ್ಯೂ ಮೆಕ್ಸಿಕೋದ ಸೇಂಟ್ ಫೆ ಸಿಟಿಯಲ್ಲಿರುವ ಇಂಡಿಯಾ ಪ್ಯಾಲೇಸ್ ಎಂಬ ರೆಸ್ಟೋರೆಂಟ್ನ್ನು ಸಂಪೂರ್ಣ ಧ್ವಂಸ ಮಾಡಲಾಗಿದೆ. ಇದರಿಂದಾಗಿ ರೆಸ್ಟೋರೆಂಟ್ ಮಾಲೀಕನಿಗೆ 1,00,000 ಡಾಲರ್ಗಳಷ್ಟು ನಷ್ಟವಾಗಿದೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.
ಸಿಖ್ ಸಮುದಾಯದವರೋರ್ವರ ಮಾಲೀಕತ್ವದ ರೆಸ್ಟೋರೆಂಟ್ ಇದಾಗಿತ್ತು. ಇದೀಗ ಸಂಪೂರ್ಣ ನಾಶವಾಗಿದೆ. ಅದರ ಗೋಡೆಗಳ ಮೇಲೆಲ್ಲ ದ್ವೇಷ ಪ್ರಚೋದಿಸುವ ವಾಕ್ಯಗಳನ್ನು ಬರೆಯಲಾಗಿದೆ ಎಂದು ಅಮೆರಿಕನ್ ಮಾಧ್ಯಮಗಳು ವರದಿ ಮಾಡಿದ ಬೆನ್ನಲ್ಲೇ, ಘಟನೆಯನ್ನು ಸಿಖ್-ಅಮೆರಿಕನ್ ಲೀಗಲ್ ಡಿಫೆನ್ಸ್ ಆ್ಯಂಡ್ ಎಜ್ಯುಕೇಶನ್ ಫಂಡ್ (ಎಸ್ಎಎಲ್ಡಿಇಎಫ್) ತೀವ್ರವಾಗಿ ಖಂಡಿಸಿದೆ.
ಇಂಥ ದ್ವೇಷ, ಹಿಂಸಾತ್ಮಕ ಘಟನೆಯನ್ನು ಇಲ್ಲಿ ನಿರೀಕ್ಷೆ ಮಾಡಿರಲಿಲ್ಲ. ರೆಸ್ಟೋರೆಂಟ್ ಧ್ವಂಸ ಮಾಡಿದ ದುಷ್ಕರ್ಮಿಕಗಳ ವಿರುದ್ಧ ಕೂಡಲೇ ಕಠಿಣ ಕ್ರಮ ತೆಗೆದುಕೊಳ್ಳಬೇಕು ಎಂದು ಎಸ್ಎಎಲ್ಡಿಇಎಪ್ನ ಕಾರ್ಯನಿರ್ವಾಹಕ ನಿರ್ದೇಶಕ ಹೇಳಿದ್ದಾರೆ. ಇದನ್ನೂ ಓದಿ: PHOTOS| ಬರ್ತಡೇ ಖುಷಿಯಲ್ಲಿರೋ ಜೊತೆ ಜೊತೆಯಲಿ ಖ್ಯಾತಿಯ ಮೀರಾ ನಿಜ ಜೀವನದಲ್ಲೂ ತುಂಬಾ ಬೋಲ್ಡ್ !
ರೆಸ್ಟೋರೆಂಟ್ನ ಟೇಬಲ್ಗಳು ಮುರಿಯಲ್ಪಟ್ಟಿವೆ. ಗಾಜಿನ ಸಾಮಗ್ರಿಗಳನ್ನೆಲ್ಲ ನೆಲಕ್ಕೆ ಎಸೆದು ಒಡೆಯಲಾಗಿದೆ. ಅಲ್ಲಿದ್ದ ದೇವಿಯ ಮೂರ್ತಿಯನ್ನೆಲ್ಲ ಹಾಳು ಮಾಡಲಾಗಿದೆ. ಕಂಪ್ಯೂಟರ್ನ್ನು ಕಳವು ಮಾಡಲಾಗಿದೆ ಎಂದು ವರದಿಯಾಗಿದೆ.
ತಮ್ಮ ರೆಸ್ಟೋರೆಂಟ್ನಲ್ಲಿ ಏನು ನಡೆಯಿತು ಎಂಬುದನ್ನು ಅದರ ಮಾಲೀಕ ಬಲ್ಜಿತ್ ಸಿಂಗ್ ಅವರೇ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. ಇದನ್ನೂ ಓದಿ: ಡಿಸಿ ಕಚೇರಿ ಎದುರಲ್ಲೇ ಜಿಪಂ ಸದಸ್ಯನನ್ನು ಕೊಚ್ಚಿದ ದುಷ್ಕರ್ಮಿಗಳು
ಏಪ್ರಿಲ್ನಲ್ಲೂ ಇಂಥದ್ದೇ ಒಂದು ಘಟನೆ ನಡೆದಿತ್ತು. ಸಿಖ್ ಅಮೆರಿಕನ್ ಆಗಿರುವ ಲಖ್ವಂತ್ ಸಿಂಗ್ ಎಂಬುವರ ಮೇಲೆ ತೀವ್ರ ಹಲ್ಲೆಯಾಗಿತ್ತು. ಎರಿಕ್ ಬ್ರೀಮಾನ್ ಎಂಬಾತ ಅವರಿಗೆ ಥಳಿಸಿದ್ದ. ನೀನು ನಿನ್ನ ದೇಶಕ್ಕೆ ವಾಪಸ್ ಹೋಗು ಎಂದು ನಿಂದಿಸಿದ್ದ ಎಂಬುದಾಗಿ ಎಸ್ಎಎಲ್ಡಿಇಎಫ್ ಆರೋಪಿಸಿದ್ದಾರೆ. (ಏಜೆನ್ಸೀಸ್)
ಜೆಸಿಬಿ ಮಶಿನ್ ಹೊತ್ತ ಟ್ರಕ್ ಸಾಗುತ್ತಿತ್ತು…ಸೇತುವೆ ಕುಸಿದುಬಿತ್ತು; ಭಯಾನಕ ದೃಶ್ಯ ವೈರಲ್