ಟೋಕಿಯೋ : ಇಂದು ನಡೆದ ಒಲಿಂಪಿಕ್ಸ್ ಹಾಕಿ ಪೂಲ್ ಎ ಕ್ವಾರ್ಟರ್ ಫೈನಲ್ಸ್ ಪಂದ್ಯದಲ್ಲಿ ಭಾರತದ ಪುರುಷರ ಹಾಕಿ ತಂಡವು ಜಯ ಗಳಿಸಿ, ಸೆಮಿಫೈನಲ್ಸ್ ಪ್ರವೇಶಿಸಿದೆ. ಮತ್ತೊಂದೆಡೆ ದೇಶದ ಮಹಿಳಾ ತಂಡ ಕೂಡ ಗೆಲುವು ಸಾಧಿಸಿ ಮುನ್ನಡೆದಿದೆ. ಪುರುಷರ ಹಾಕಿ ತಂಡವು ಜಪಾನ್ ತಂಡದ ವಿರುದ್ಧ 5-3 ಸ್ಕೋರ್ನೊಂದಿಗೆ ಜಯ ಸಾಧಿಸಿದರೆ, ಮಹಿಳಾ ಹಾಕಿ ತಂಡವು ಐರ್ಲೆಂಡಿನ ತಂಡದ ವಿರುದ್ಧ 1-0 ಸ್ಕೋರ್ನೊಂದಿಗೆ ಜಯ ಸಾಧಿಸಿತು.
ಇತ್ತ ಪಂಜಾಬ್ನ ಕ್ರೀಡಾ ಸಚಿವ ರಾಣಾ ಗುರ್ಮೀತ್ ಸಿಂಗ್ ಸೋಧಿ ಅವರು, ಭಾರತದ ಹಾಕಿ ತಂಡವು ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಚಿನ್ನ ಗೆದ್ದಲ್ಲಿ, ಭಾಗವಹಿಸುತ್ತಿರುವ ರಾಜ್ಯದ ಹಾಕಿ ಆಟಗಾರರಿಗೆಲ್ಲ ವೈಯಕ್ತಿಕವಾಗಿ 2.25 ಕೋಟಿ ರೂ.ಗಳ ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ. ಇತರ ರಾಜ್ಯ ಸರ್ಕಾರಗಳೂ ಒಲಿಂಪಿಕ್ಸ್ನಲ್ಲಿ ಪದಕ ಗೆಲ್ಲುವ ಆಟಗಾರರಿಗೆ ನಗದು ಬಹುಮಾನಗಳನ್ನು ಘೋಷಿಸಿವೆ. (ಏಜೆನ್ಸೀಸ್)
ಪದಕದತ್ತ ಮತ್ತೊಂದು ಹೆಜ್ಜೆ ಇಟ್ಟ ಸಿಂಧು; ವರ್ಲ್ಡ್ ನಂ.5 ವಿರುದ್ಧ ಗೆಲುವು
ಭಾರತಕ್ಕೆ ಮತ್ತೊಂದು ಪದಕ ಗ್ಯಾರಂಟಿ! ಬಾಕ್ಸಿಂಗ್ನಲ್ಲಿ ಸೆಮಿಫೈನಲ್ಸ್ ತಲುಪಿದ ಲವ್ಲೀನಾ ಬೊರ್ಗೊಹೈನ್