ನವದೆಹಲಿ: ರಕ್ಷಣಾ ವ್ಯವಸ್ಥೆಯ ಬಲವರ್ಧನೆಗೆ ಮುಂದಾಗಿರುವ ಕೇಂದ್ರ ಸರ್ಕಾರ ಅಮೆರಿಕದಿಂದ 24 ಅತ್ಯಾಧುನಿಕ ಜಲಾಂತರ್ಗಾಮಿ ನಿರೋಧಕ ಯುದ್ಧಹೆಲಿಕಾಪ್ಟರ್ಗಳ ಖರೀದಿ ಪ್ರಕ್ರಿಯೆಗೆ ಚಾಲನೆ ನೀಡಿದೆ.
ಖರೀದಿ ಒಪ್ಪಂದದ ಒಟ್ಟಾರೆ ಮೌಲ್ಯ 1.3 ದಶಲಕ್ಷ ಡಾಲರ್ ಆಗಿದೆ. ಇದರಲ್ಲಿ ಯುದ್ಧಹೆಲಿಕಾಪ್ಟರ್ಗಳ ಸಂವೇದಕಗಳು, ಸಂವಹನ ವ್ಯವಸ್ಥೆ ಮತ್ತು ಹೆಲ್ಫೈರ್ ಕ್ಷಿಪಣಿ ಸೇರಿ ಹಲವು ಶಸ್ತ್ರಾಸ್ತ್ರಗಳು, ಎಂಕೆ 54 ಟಾರ್ಪೆಡೋಗಳು ಸ್ಟ್ರೈಕ್ ರಾಕೆಟ್ ವ್ಯವಸ್ಥೆಗಳು ಸೇರಿವೆ.
ಇದನ್ನೂ ಓದಿ: ನೋಡನೋಡುತ್ತಿದ್ದಂತೆ ಧರೆಗುರುಳಿದರು ಸ್ಕೈಡೈವರ್ಗಳು….!
ನಾರ್ವೆ ಕಂಪನಿ ಕಾಂಗ್ಸ್ಬರ್ಗ್ ಡಿಫೆನ್ಸ್ ಆ್ಯಂಡ್ ಏರೋಸ್ಪೇಸ್ ಈ ಹೆಲಿಕಾಪ್ಟರ್ಗಳನ್ನು ಅಭಿವೃದ್ಧಿಪಡಿಸಿದ್ದು, ನೇವಲ್ ಸ್ಟ್ರೈಕ್ ಕ್ಷಿಪಣಿಯನ್ನು (ಎನ್ಎಸ್ಎಂ) ಹೊಡೆದುರುಳಿಸಲು ಸಹಾಯವಾಗುವಂತೆ ಇವುಗಳನ್ನು ವಿನ್ಯಾಸಗೊಳಿಸಲಾಗಿದೆ. ಈ ಒಪ್ಪಂದವನ್ನು ಅಮೆರಿಕ ನೌಕಾಪಡೆ ಮೂಲಕ ನಿರ್ವಹಿಸಲಾಗುತ್ತಿದೆ. ಲಾಕ್ಹೀಡ್ ಮಾರ್ಟಿನ್ ಕಂಪನಿ ವಿತರಣಾ ಪ್ರಕ್ರಿಯೆಯನ್ನು ವೇಗಗೊಳಿಸಲು ಮುಂದಾಗುತ್ತಿದೆ. ಭಾರತೀಯ ನೌಕಾಪಡೆಯ ಪೈಲಟ್ಗಳು ಮತ್ತು ಇಂಜಿನಿಯರ್ಗಳು ಹೆಲಿಕಾಪ್ಟರ್ಗಳ ಚಾಲನೆ ಮತ್ತು ನಿರ್ವಹಣೆ ತರಬೇತಿ ಪಡೆಯಲಿದ್ದಾರೆ. ಎಂಎಚ್- 60ಆರ್ ಹೆಲಿಕಾಪ್ಟರ್ಗಳು ಅಮೆರಿಕದಿಂದ ಮುಂದಿನ ವರ್ಷ ಬರಲಿವೆ.