ಬಾಂಗ್ಲಾದೇಶ: ಚಟ್ಟೋಗ್ರಾಮ್ನ ಜಹುರ್ ಅಹ್ಮದ್ ಚೌಧರಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೆಸ್ಟ್ ಪಂದ್ಯದಲ್ಲಿ 3 ನೇ ದಿನದ ಅಂತ್ಯದಲ್ಲಿ ಬಾಂಗ್ಲಾದೇಶ ತಂಡದವರು 42 ರನ್ಗಳಿಗೆ 0 ವಿಕೆಟ್ಗಳನ್ನು ಕಳೆದುಕೊಂಡು ದಿನ ಮುಗಿಸಿದ್ದಾರೆ. ಬಾಂಗ್ಲಾದೇಶದ ಆರಂಭಿಕ ಬ್ಯಾಟ್ಸ್ಮನ್ಗಳಾದ ನಜ್ಮುಲ್ ಶಾಂಟೊ ಮತ್ತು ಜಾಕಿರ್ ಅಜೇಯರಾಗಿ ಉಳಿದರು.
ಬಾಂಗ್ಲಾ ತಂಡಕ್ಕೆ ಗೆಲ್ಲಲು ಇನ್ನು 471 ರನ್ಗಳ ಅಗತ್ಯವಿದೆ. ಇದಕ್ಕೂ ಮುನ್ನ ಭಾರತ 512 ರನ್ಗಳ ಮುನ್ನಡೆ ಸಾಧಿಸಿದ ಬಳಿಕ 258 ರನ್ಗಳಿಗೆ 2 ವಿಕೆಟ್ ಕಳೆದುಕೊಂಡು ಡಿಕ್ಲೇರ್ ಮಾಡಿತ್ತು. ಭಾರತದ ಪರ, ಚೇತೇಶ್ವರ ಪೂಜಾರ (102 ರನ್ಗಳು) 130 ಎಸೆತಗಳಲ್ಲಿ ತಮ್ಮ 19 ನೇ ಟೆಸ್ಟ್ ಶತಕವನ್ನು ಪೂರೈಸಿದ್ದಾರೆ. ಇದು ಅವರ ಇಂದಿನವರೆಗಿನ ಅತೀ ವೇಗದ ಶತಕವಾಗಿದೆ. ಶುಭಮನ್ ಗಿಲ್ 110 ರನ್ ಗಳಿಸಿ ಔಟಾದರು. ಭಾರತ 254 ರನ್ಗಳನ್ನು ಪಡೆದು ಮೊದಲ ಇನ್ನಿಂಗ್ಸ್ನಲ್ಲಿ ಮುನ್ನಡೆ ಸಾಧಿಸಿದೆ. (ಏಜೆನ್ಸೀಸ್)