ನವದೆಹಲಿ: ಪರಿಸರದಲ್ಲಿ ಹೇರಳವಾಗಿ ಹಾಗೂ ಉಚಿತವಾಗಿ ಸಿಗುವ ಸೂರ್ಯನ ಬಿಸಿಲನ್ನು ಬಳಸಿಕೊಳ್ಳುವ
ಸೌರ ವಿದ್ಯುತ್ ಉತ್ಪಾದಿಸುವ ಯೋಜನೆಗಳಿಗೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಪ್ರೋತ್ಸಾಹ ಧನ ಹೆಚ್ಚಳ ಮಾಡಿದೆ. ಈ ಪ್ರೋತ್ಸಾಹ ಧನ ಹೆಚ್ಚಳವು ಜ. 20ರಿಂದ ಜಾರಿಗೆ ಬರಲಿದೆ.
ಮೇಲ್ಛಾವಣಿಯ ಸೌರ ಕಾರ್ಯಕ್ರಮದ (ರೂಫ್ಟಾಪ್ ಸೋಲಾರ್ ಪ್ರೊಗ್ರಾಂ) ಅಡಿಯಲ್ಲಿ ವಸತಿ ವಲಯಕ್ಕೆ ಕೇಂದ್ರ ಸರ್ಕಾರವು ಹಣಕಾಸು ನೆರವನ್ನು ಹೆಚ್ಚಿಸಿದೆ.
ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವಾಲಯದ ಅಧಿಸೂಚನೆಯ ಪ್ರಕಾರ,
3 ಕಿಲೋ ವ್ಯಾಟ್ ಸಾಮರ್ಥ್ಯದವರೆಗೆ ವಿದ್ಯುತ್ ಉತ್ಪಾದಿಸುವುದಕ್ಕೆ ಸಬ್ಸಿಡಿಯನ್ನು ಪ್ರತಿ ಕಿಲೋ ವ್ಯಾಟ್ಗೆ ರೂ 18,000ಕ್ಕೆ ಏರಿಸಲಾಗಿದೆ. ಹಿಂದಿನ ಸಬ್ಸಿಡಿಗೆ ಹೋಲಿಸಿದರೆ, ಇದು ಶೇಕಡಾ 23.4ರಷ್ಟು ಹೆಚ್ಚಳವಾಗುತ್ತದೆ. ಇದುವರೆಗೆ ಈ ಸಬ್ಸಿಡಿ ಮೊತ್ತು 14,588 ರೂಪಾಯಿ ಇತ್ತು.
3 ಕಿಲೋ ವ್ಯಾಟ್ಗಿಂತ ಹೆಚ್ಚಿನ ಮತ್ತು 10 ಕಿಲೋ ವ್ಯಾಟ್ ಒಳಗಿನ ವಿದ್ಯುತ್ ಉತ್ಪಾದನೆ ಸಾಮರ್ಥ್ಯಕ್ಕೆ ಈ ನೆರವನ್ನು ಪ್ರತಿ ಕಿಲೋ ವ್ಯಾಟ್ಗೆ 7,294 ರಿಂದ 9,000 ರೂಪಾಯಿಗೆ ಹೆಚ್ಚಿಸಲಾಗಿದೆ.
ಒಂದು ವರ್ಷದ ಹಿಂದೆ ಕೇಂದ್ರ ಸರ್ಕಾರವು ಮೇಲ್ಛಾವಣಿ ಯೋಜನೆಗಳಿಗೆ ಪರಿಷ್ಕರಣೆಯನ್ನು ಮಾಡಿತ್ತು.
ಹೊಸ ದರಗಳು ಜನವರಿ 20 ರ ನಂತರದ ಎಲ್ಲಾ ಭವಿಷ್ಯದ ಬಿಡ್‌ಗಳಿಗೆ ಮತ್ತು ಜನವರಿ 5 ರ ನಂತರ ಸಲ್ಲಿಸಲಾಗುವ ಕ್ಲೈಮ್‌ಗಳಿಗೆ ಅನ್ವಯಿಸುತ್ತವೆ.
ಈಗ ಸೌರ ಛಾವಣಿಯ ಮೂಲಕ ದೇಶದಲ್ಲಿ 11 ಗಿಗಾ ವ್ಯಾಟ್ ವಿದ್ಯುತ್ ಉತ್ಪಾದಿಸಲಾಗುತ್ತಿದೆ. ಇದರಲ್ಲಿ ಮನೆ ಮೇಲ್ಛಾವಣಿ ಮೂಲಕ 2.7 ಗಿಗಾ ವಾಟ್ ಉತ್ಪಾದಿಸಲಾಗುತ್ತಿದೆ. ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವಾಲಯವು ಈಗ ಸಬ್ಸಿಡಿ ಮೊತ್ತವನ್ನು ಹೆಚ್ಚಿಸಿರುವುದರಿಂದ ಮನೆಗಳ ಮೇಲ್ಛಾಣಿ ಸೌರ ವಿದ್ಯುತ್ ಉತ್ಪಾದನೆ ಸಾಕಷ್ಟು ಹೆಚ್ಚಳವಾಗುತ್ತದೆ ಎಂದು ಅಂದಾಜಿಸಲಾಗಿದೆ.
ಈ ರೀತಿ ಮನೆ ಮೇಲ್ಛಾವಣಿ ಮೂಲಕ ಉತ್ಪಾದಿಸಿದ ವಿದ್ಯುತ್ ಅನ್ನು ಆ ಮನೆಯವರು ಬಳಸಿಕೊಂಡ ನಂತರ ವಿದ್ಯುತ್ ವಿತರಣಾ ಕಂಪನಿಗಳು ಮೇಲ್ಛಾವಣಿಯ ಖರೀದಿ ಮಾಡುವುದು ಕಡ್ಡಾಯವಾಗಿದೆ. ಈಗ ಹೆಚ್ಚಾಗಿರುವ ಸಬ್ಸಿಡಿ ನೆರವಿನ ಮೂಲಕ ಮನೆ ಮೇಲ್ಛಾವಣಿ ಸೌರ ವಿದ್ಯುತ್ ಉತ್ಪಾಸಿದಿಸಿ ಮನೆ ಬಳಸಿಕೊಂಡ ನಂತರ ಉಳಿದುದನ್ನು ವಿದ್ಯುತ್ ವಿತರಣಾ ಕಂಪನಿಗಳಿಗೆ ಮಾರುವ ಮೂಲಕ ಲಾಭ ಮಾಡಿಕೊಳ್ಳಲು ಉತ್ತಮ ಅವಕಾಶ ಸೃಷ್ಟಿಯಾಗಿದೆ.
ಒರಾಕಲ್ ಕಂಪನಿಯ ಮಿರಾಕಲ್: ಷೇರು ಹೂಡಿಕೆದಾರರಿಗೆ 3 ದಿನಗಳಲ್ಲಿಯೇ 40% ಲಾಭ
3 ದಿನಗಳ ಕರಡಿ ಕುಣಿತಕ್ಕೆ ಬ್ರೇಕ್, ಮತ್ತೆ ಗುಳಿಯ ಗುಟುರು: ಷೇರು ಮಾರುಕಟ್ಟೆ ಚೇತರಿಕೆ ಏಕೆ?