ಮುಂಬೈ: ಸೀತಾ ರಾಮಂ ಸಿನಿಮಾ ಮೂಲಕ ಸೀತಾ ಮಹಾಲಕ್ಷ್ಮೀಯಾಗಿ ಸಾಂಪ್ರದಾಯಿಕ ಪಾತ್ರದಲ್ಲಿ ಎಲ್ಲರ ಮನಸ್ಸು ಗೆದ್ದಿರುವ ನಟಿ ಮೃನಾಲ್ ಠಾಕೂರ್, ಸದ್ಯ ಸಾಕಷ್ಟು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಇದೀಗ ಅವರ ನಟನೆಯ “ಹಾಯ್ ನಾನಾ” ಸಿನಿಮಾದ ಟೀಸರ್ ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.
ಈ ಸಿನಿಮಾದಲ್ಲಿ ಮೃನಾಲ್ ಠಾಕೂರ್ ಅವರು ತೆಲುಗಿನ ಸ್ಟಾರ್ ನಟ ನಾನಿ ಜತೆ ನಟಿಸಿದ್ದಾರೆ. ಟೀಸರ್ನಲ್ಲಿ ತಂದೆ-ಮಗಳ ಪ್ರೀತಿಯ ಬಂಧ ಒಂದೆಡೆಯಾದರೆ, ಮೃನಾಲ್ ಮತ್ತು ನಾನಿ ಲಿಪ್ಲಾಕ್ ದೃಶ್ಯಗಳು ಎಲ್ಲರ ಗಮನ ಸೆಳೆದಿದೆ. ಅದರಲ್ಲ ಮೃನಾಲ್ ಅಭಿಮಾನಿಗಳಿಗೆ ಒಂದು ರೀತಿಯಲ್ಲಿ ಶಾಕ್ ಆಗಿದೆ. ಏಕೆಂದರೆ ಸೀತಾ ರಾಮಂ ಸಿನಿಮಾದಲ್ಲಿ ಸೀತಾ ಮಹಾಲಕ್ಷ್ಮೀ ಪಾತ್ರದಲ್ಲಿ ಅವರನ್ನು ನೋಡಿ ಫಿದಾ ಆದ ಅಭಿಮಾನಿಗಳು ಮೃನಾಲ್ ಅವರನ್ನು ಬೋಲ್ಡ್ ಪಾತ್ರಗಳಲ್ಲಿ ಒಪ್ಪಿಕೊಳ್ಳಲು ಸುತಾರಂ ತಯಾರಿಲ್ಲ.
ಈ ಲಸ್ಟ್ ಸ್ಟೋರಿ ವೆಬ್ ಸರಣಿಯಲ್ಲೂ ಮೃನಾಲ್ ಹಸಿಬಿಸಿ ದೃಶ್ಯಗಳಲ್ಲಿ ನಟಿಸಿದ್ದರು. ಆಗಲೂ ಅಭಿಮಾನಿಗಳ ಅಪಸ್ವರ ಎತ್ತಿದ್ದರು. ಅಲ್ಲದೆ, ಮೃನಾಲ್ ಅವರು ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ಬಿಕಿನಿ ಫೋಟೋಗಳನ್ನು ಹರಿಬಿಡುತ್ತಿರುತ್ತಾರೆ. ಈ ವೇಳೆಯೂ ಸಹ ಅಭಿಮಾನಿಗಳು ಅಸಮಾಧಾನ ವ್ಯಕ್ತಪಡಿಸಿ ಟ್ವೀಟ್ ಮಾಡುತ್ತಿರುತ್ತಾರೆ. ಇದೀಗ ಹಾಯ್ ನಾನಾ ಸಿನಿಮಾದಲ್ಲಿ ಮೃನಾಲ್ ಲಿಪ್ಲಾಕ್ ಮಾಡಿರುವುದನ್ನು ಅಭಿಮಾನಿಗಳು ಸಹಿಸಿಕೊಳ್ಳುತ್ತಿಲ್ಲ.
ಹಾಯ್ ನಾನಾ ಸಿನಿಮಾದಲ್ಲಿ ಒಂದಲ್ಲ ಎರಡಲ್ಲ ಹಲವು ದೃಶ್ಯಗಳಲ್ಲಿ ಮೃನಾಲ್ ಲಿಪ್ಲಾಕ್ ಮಾಡಿದ್ದಾರೆ. ಇದನ್ನು ನೋಡಿ ಶಾಕ್ ಆಗಿರುವ ಅಭಿಮಾನಿಗಳು ಕಾಮೆಂಟ್ ಬಾಕ್ಸ್ನಲ್ಲಿ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ. ಇವರೇನಾ ನಮ್ಮ ಸೀತಾ ಮಹಾಲಕ್ಷ್ಮೀ ಎನ್ನುತ್ತಿದ್ದಾರೆ. ಸತತವಾಗಿ ನಿಮ್ಮಿಂದ ಇಂತಹ ದೃಶ್ಯಗಳನ್ನು ನಾವು ನಿರೀಕ್ಷಿಸಿರಲಿಲ್ಲ ಎನ್ನುತ್ತಿದ್ದಾರೆ. ಆದರೆ, ಈ ಬಗ್ಗೆ ಚಿಂತಿಸದೇ ಪಾತ್ರಕ್ಕೆ ಏನು ಬೇಕೋ ಅದನ್ನು ಮೃನಾಲ್ ಮಾಡಿಕೊಂಡು ಹೋಗುತ್ತಿದ್ದಾರೆ. ಅಲ್ಲದೆ, ಅನೇಕ ಸಿನಿಮಾಗಳಲ್ಲಿಯೂ ಮೃನಾಲ್ ಬಿಜಿಯಾಗಿದ್ದಾರೆ.
ಲೈಂಗಿಕತೆ ಬಗ್ಗೆ ಮುಕ್ತ ಮಾತು
ಲಸ್ಟ್ ಸ್ಟೋರಿ ಸರಣಿಯಲ್ಲಿ ತಮ್ಮ ನಟನೆಯ ಮೂಲಕ ಮೃನಾಲ್ ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾಗಿದ್ದರು. ಈ ಸರಣಿಯಲ್ಲಿ ಶೀಘ್ರದಲ್ಲೇ ಮದುವೆ ಆಗಲಿರುವ ವೇದ ಹೆಸರಿನ ಹೆಣ್ಣಿನ ಪಾತ್ರವನ್ನು ನಿರ್ವಹಿಸಿದರು. ಸಂದರ್ಶನವೊಂದರಲ್ಲಿ ಸೆಕ್ಸ್ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದರು. ಬೆಳೆಯುವ ಹಂತದಲ್ಲಿ ಮತ್ತು ಯೌವ್ವನದಲ್ಲಿ ಸೆಕ್ಸ್ ಮತ್ತು ಕಾಮದ ಬಗ್ಗೆ ಪ್ರಬುದ್ಧವಾಗಿ ಮಾತನಾಡುವುದು ತುಂಬಾ ಮುಖ್ಯ ಎಂದು ನಾನು ಬಲವಾಗಿ ನಂಬುತ್ತೇನೆ. ಮಕ್ಕಳಿಗೆ ಸೆಕ್ಸ್ ಮತ್ತು ಕಾಮ (Lust)ದ ಬಗ್ಗೆ ಅರಿವು ಇರಬೇಕು. ಕುಟುಂಬದ ಯಾರದರೂ ಒಬ್ಬರು ಮಕ್ಕಳು ಮತ್ತು ಯುವಕ, ಯುವತಿಯರಿಗೆ ಈ ವಿಚಾರಗಳ ಬಗ್ಗೆ ಮುಕ್ತವಾಗಿ ಮತ್ತು ಪ್ರಮಾಣಿಕವಾಗಿ ಮಾತನಾಡಬೇಕು. ಆಗ ಮಾತ್ರ ಈ ವಿಷಯಗಳ ಬಗ್ಗೆ ಹೊರಗಿನಿಂದ ಬರುತ್ತಿರುವುದು ಸುಳ್ಳು ಮಾಹಿತಿ ಎಂಬುದು ಗೊತ್ತಾಗುತ್ತದೆ ಮತ್ತು ಇವುಗಳ ಬಗ್ಗೆ ಅರಿವು ಮೂಡುತ್ತದೆ ಎಂದರು.
ಮೃನಾಲ್ ಠಾಕೂರ್ ಅವರ ಸಿನಿಮಾ ವಿಚಾರಕ್ಕೆ ಬರುವುದಾದರೆ ಹಾಯ್ ನಾನಾ ಸಿನಿಮಾದ ಡಿಸೆಂಬರ್ 7ರಂದು ಬಿಡುಗಡೆಯಾಗಲಿದೆ. ಇದರೊಂದಿಗೆ ವಿಜಯ್ ದೇವರಕೊಂಡ ಅವರೊಂದಿಗೆ ಇನ್ನೂ ಹೆಸರಿಸದ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. (ಏಜೆನ್ಸೀಸ್)
Lust and S..x ಬಗ್ಗೆ ಮೃನಾಲ್ ಮುಕ್ತ ಮಾತು: ಸೀತಾ ಮಹಾಲಕ್ಷ್ಮೀಯ ಹೇಳಿಕೆ ವೈರಲ್!