ಪುಟ್ಟ ಮಕ್ಕಳಿಗೆ ಹುಟ್ಟುಹಬ್ಬದ ಆಚರಣೆ ಮಾಡಿಕೊಳ್ಳುವುದೆಂದರೆ ತುಂಬ ಇಷ್ಟ. ಕೇಕ್, ಅಲಂಕಾರ, ಅಪ್ಪ-ಅಮ್ಮ, ಫ್ರೆಂಡ್ಸ್ ಕೊಡುವ ಉಡುಗೊರೆಗಳೆಲ್ಲ ಅವರಲ್ಲಿ ಅತ್ಯುತ್ಸಾಹ ಮೂಡಿಸುವುದು ತುಂಬ ಸಾಮಾನ್ಯ.
ಹಾಗೇ ವಯಸ್ಸಾಗುತ್ತಿದ್ದಂತೆ ಜನ್ಮದಿನದ ಆಚರಣೆಗಳಲ್ಲಿ ಕ್ರಮೇಣ ಉತ್ಸಾಹ ಕಳೆದುಹೋಗುತ್ತದೆ. ಬೇರೆಯವರು ಶುಭಕೋರುತ್ತಿದ್ದರೂ ನಮ್ಮ ಮನಸು ವರ್ಷಗಳು ಉರುಳುತ್ತಿರುವ ಬಗ್ಗೆ ಯೋಚಿಸುತ್ತದೆ. ಅದಕ್ಕೆ ಈ 94ರ ಅಜ್ಜಿ ತಮ್ಮ ಹುಟ್ಟುಹಬ್ಬದಂದು ಆಡಿದ ಒಂದು ಮಾತು ಸಾಕ್ಷಿ.
ವಾಷಿಂಗ್ಟನ್ ಡಿಸಿಯಯಲ್ಲಿ ಅಜ್ಜಿಯೋರ್ವರ 94ನೇ ವರ್ಷದ ಹುಟ್ಟುಹಬ್ಬವನ್ನು ಅವರ ಮನೆಯವರೆಲ್ಲ ಸೇರಿ ಅದ್ದೂರಿಯಿಂದ ಆಚರಿಸುತ್ತಿದ್ದರು. ಅವರಿಗಾಗಿ ಗುಲಾಬಿ ಬಣ್ಣದ ಕೇಕ್ ತಂದಿಟ್ಟಿದ್ದರು. 94 ಎಂಬ ಆಕಾರದಲ್ಲಿದ್ದ ಮೇಣದಬತ್ತಿಯನ್ನು ಹೊತ್ತಿಸಿಟ್ಟಿದ್ದರು. ಅದರ ಎದುರು ಅಜ್ಜಿ ಕುಳಿತುಕೊಂಡಿದ್ದರೆ, ಹಿಂದೆ ನಿಂತಿದ್ದ ಅವರ ಮೊಮ್ಮಗಳು ಪಾಲಿನ್ ಕಿಡ್ಡರ್ ಎಂಬುವರು ಅಜ್ಜಿಗಾಗಿ ಹ್ಯಾಪಿ ಬರ್ತ್ ಡೇ ಟೂ ಯೂ ಎಂಬ ಹಾಡನ್ನು ರಾಗವಾಗಿ ಹಾಡುತ್ತಿದ್ದರು. ಹಾಗೇ ಇದನ್ನು ಟಿಕ್ ಟಾಕ್ ಮಾಡುತ್ತಿದ್ದರು.
ಆದರೆ ಅಜ್ಜಿ ಮಾತ್ರ ನಿರೀಕ್ಷೆಗೂ ಮೀರಿದ ಮಾತುಗಳನ್ನಾಡಿಬಿಟ್ಟರು. ಮೊಮ್ಮಗಳು ಹಾಡು ಮುಗಿಯುವವರೆಗೂ ಕೇಕ್ ನೋಡುತ್ತ ಮೌನವಾಗಿ ಕುಳಿತಿದ್ದ ಅಜ್ಜಿ, ‘ಒಳ್ಳೆಯದು, ತುಂಬ ಧನ್ಯವಾದ. ಇದು ನನ್ನ ಕೊನೆಯ ಹುಟ್ಟುಹಬ್ಬ ಎಂದು ಭಾವಿಸುತ್ತೇನೆ’ ಎಂದು ಬಿಟ್ಟರು. ಅಜ್ಜಿಯಿಂದ ಈ ಮಾತನ್ನು ಟಿಕ್ ಟಾಕ್ ಮಾಡುತ್ತಿದ್ದ ಮೊಮ್ಮಗಳು ನಿರೀಕ್ಷೆ ಮಾಡಿರಲಿಲ್ಲ.
ಅವರೇನು ಹೇಳಿದರು ಎಂದು ಒಂದು ಸೆಕೆಂಡ್ ಆದ ಮೇಲೆ ಅರ್ಥ ಮಾಡಿಕೊಂಡ ಪಾಲಿನ್ ಕಿಡ್ಡರ್ ಶಾಕ್ಗೆ ಒಳಗಾದರು. ಅಷ್ಟರಲ್ಲಿ ಮತ್ತೊಬ್ಬರು ಯಾರೋ, ಕೇಕ್ ಕಟ್ ಮಾಡುವಂತೆ ಅಜ್ಜಿಗೆ ತಿಳಿಸುತ್ತಾರೆ.
ಪಾಲಿನ್ ಈ ಟಿಕ್ಟಾಕ್ ವಿಡಿಯೋವನ್ನು ಪೋಸ್ಟ್ ಮಾಡಿಕೊಂಡಿದ್ದಾರೆ. ಅದೀಗ ಸಿಕ್ಕಾಪಟೆ ವೈರಲ್ ಆಗುತ್ತಿದೆ. (ಏಜೆನ್ಸೀಸ್)