ನವದೆಹಲಿ: ಹೈದರಾಬಾದ್ ಮೂಲದ ಉದ್ಯಮಿ ನಾಸೀರ್ ಖಾನ್ (Businessman Naseer Khan) ಎಂಬುವರು ಭಾರತದ ಅತ್ಯಂತ ದುಬಾರಿ ಕಾರನ್ನು (India’s most expensive supercar) ಖರೀದಿ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.
ಮೆಕ್ಲಾರೆನ್ 765 ಎಲ್ಟಿ ಸ್ಪೈಡರ್ (McLaren 765 LT Spider) ಹೆಸರಿನ ಕಾರು ಭಾರತದ ದುಬಾರಿ ಕಾರು ಎಂಬುದು ಅಧಿಕೃತವಾಗಿದೆ. ಇದರ ಬೆಲೆ ಬರೋಬ್ಬರಿ 12 ಕೋಟಿ ರೂಪಾಯಿ. ಇತ್ತೀಚೆಗಷ್ಟೇ ಹೈದರಾಬಾದ್ನ ತಾಜ್ ಫಲಕ್ನುಮಾ ಪ್ಯಾಲೇಸ್ನಲ್ಲಿ ಕಾರನ್ನು ಉದ್ಯಮಿಗೆ ಡೆಲಿವರಿ ಮಾಡಲಾಯಿತು.
ನಾಸೀರ್ ಖಾನ್ ಅವರು ಮೆಕ್ಲಾರೆನ್ 765 ಎಲ್ಟಿ ಸ್ಪೈಡರ್ ಮೇಲೆ ಸುಮಾರು 12 ಕೋಟಿ ರೂಪಾಯಿಗಳನ್ನು ಚೆಲ್ಲಿದ್ದು, ಇದು ಭಾರತದಲ್ಲಿ ಅಧಿಕೃತವಾಗಿ ಮಾರಾಟಕ್ಕೆ ಲಭ್ಯವಿರುವ ಅತ್ಯಂತ ದುಬಾರಿ ಸೂಪರ್ಕಾರ್ಗಳಲ್ಲಿ ಒಂದಾಗಿದೆ. ಬಹುಶಃ ಭಾರತದಲ್ಲಿ 765 ಎಲ್ಟಿ ಸ್ಪೈಡರ್ ಖರೀದಿ ಮಾಡಿದ ಮೊದಲ ಗ್ರಾಹಕರಾಗಿದ್ದಾರೆ.
ಕಾರು ಆಗಮಿಸಿದ ಖುಷಿಯಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಸರಣಿ ಪೋಸ್ಟ್ ಮಾಡಿರುವ ನಾಸೀರ್ ಖಾನ್, ಮೆಕ್ಲಾರೆನ್ 765 ಎಲ್ಟಿ ಸ್ಪೈಡರ್ಗೆ ನಮ್ಮ ಮನೆಗೆ ಸುಸ್ವಾಗತ. ಯಾವುದೇ ಕನಸು ಸಾಕಷ್ಟು ದೊಡ್ಡದೇನಲ್ಲ, ಹೀಗಾಗಿ ಯಾವಾಗಲೂ ನಿಮ್ಮ ಮಿತಿಗಳನ್ನು ಮುಂದಕ್ಕೆ ತಳ್ಳಿರಿ ಎಂದು ಇನ್ಸ್ಟಾಗ್ರಾಂನಲ್ಲಿ ಕಾರಿನ ಫೋಟೋ ಜೊತೆಗೆ ತಮ್ಮ ಸಂತಸವನ್ನು ನಾಸೀರ್ ಹಂಚಿಕೊಂಡಿದ್ದಾರೆ.
ಅಂದಹಾಗೆ ನಾಸೀರ್ ಅವರು ಕಾರುಗಳ ಮೇಲಿನ ಕ್ರೇಜ್ ಜಾಸ್ತಿ ಇದೆ. ಈಗಾಗಲೇ ಅವರ ಬಳಿ ಫೆರಾರಿ 812 ಸೂಪರ್ಫಾಸ್ಟ್, ಲ್ಯಾಂಬೋರ್ಗಿನಿ ಅವೆಂಟಡಾರ್, ಮರ್ಸಿಡೀಸ್ ಬೆಂಜ್ ಜಿ350ಡಿ, ರೋಲ್ಸ್ ರಾಯ್ಸ್ ಕುಲ್ಲಿನಾನ್ ಬ್ಲ್ಯಾಕ್ ಬ್ಯಾಡ್ಜ್, ಫೋರ್ಡ್ ಮುಸ್ತಾಂಗ್ ಮತ್ತು ಲ್ಯಾಂಬೋರ್ಗಿನಿ ಉರುಸ್ ಸೇರಿದಂತೆ ಅನೇಕ ದುಬಾರಿ ಕಾರುಗಳಿಗೆ ಮಾಲೀಕರಾಗಿದ್ದಾರೆ. (ಏಜೆನ್ಸೀಸ್)
View this post on Instagram
ಬ್ರಿಟನ್ನಲ್ಲಿ ಕೇರಳ ಮೂಲದ ನರ್ಸ್, ಆಕೆಯ ಮಕ್ಕಳಿಬ್ಬರ ದುರಂತ ಸಾವು: ಪತಿಯನ್ನು ವಶಕ್ಕೆ ಪಡೆದ ಪೊಲೀಸರು
ಮೈಸೂರು ದಸರಾದಲ್ಲಿ 14 ಬಾರಿ ಚಿನ್ನದ ಅಂಬಾರಿ ಹೊತ್ತಿದ್ದ ಬಲರಾಮನಿಗೆ ಗುಂಡೇಟು: ಅರೋಪಿ ಬಂಧನ
15 ರನ್ಗೆ ಆಲೌಟ್: ಟಿ20 ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಕೆಟ್ಟ ದಾಖಲೆ ಬರೆದ ಸಿಡ್ನಿ ಥಂಡರ್