ನಿನ್ನಾಕಿ ಹೃದಯದಲ್ಲಿರಲಿ…ಗಾಡಿ ನಂಬರ್​ ಪ್ಲೇಟ್ ಮೇಲಲ್ಲ! ಬೈಕ್​ ಸವಾರನಿಗೆ ಸಂಚಾರಿ ಪೊಲೀಸರ ಶಾಕ್​

ಧಾರವಾಡ: ವಾಹನಗಳ ನಂಬರ್​ ಪ್ಲೇಟ್​ ಮೇಲೆ ಏನನ್ನೂ ಬರೆಯಬಾರದು ಎಂಬ ನಿಯಮವಿದೆ. ಆದರೆ, ನಿಯಮಗಳು ಇರುವುದೇ ಅವುಗಳನ್ನು ಮುರಿಯಲು ಎಂದು ಕೆಲವರು ಉದ್ಧಟತನ ಪ್ರದರ್ಶಿಸುತ್ತಾರೆ. ನಂಬರ್​ ಪ್ಲೇಟ್​ ಮೇಲೆ, ತಂದೆ-ತಾಯಿ ಪ್ರೀತಿಯ ಸಾಲುಗಳು, ಪ್ರೀತಿಯ ಸಂದೇಶ ಹಾಗೂ ದೇವರ ಕೃಪೆ ಸೇರಿದಂತೆ ವಿವಿಧ ಬಗೆಯಲ್ಲಿ ಬರೆಸಿಕೊಂಡಿರುತ್ತಾರೆ.

ನಂಬರ್​ ಪ್ಲೇಟ್​ ಮೇಲೆ ಏನಾದರೂ ಬರೆಸಿದರೆ ಅದನ್ನು ಡಿಫೆಕ್ಟಿವ್ ನಂಬರ್​ ಪ್ಲೇಟ್ ಎಂದು ಪರಿಗಣಿಸಲಾಗುತ್ತದೆ. ಇದು ಕಾನೂನುಬಾಹಿರವಾಗಿದ್ದು, ಭಾರೀ ದಂಡ ತೆರಬೇಕಾಗುತ್ತದೆ. ಈ ಬಗ್ಗೆ ಪೊಲೀಸರು ಸಾಕಷ್ಟು ತಿಳುವಳಿಕೆ ಮೂಡಿಸಿದರೂ ಕೆಲವರು ಈಗಲೂ ನಂಬರ್​ ಪ್ಲೇಟ್​ ಮೇಲೆ ಏನೇನೋ ಬರೆಸಿಕೊಂಡು ಓಡಾಡುತ್ತಿದ್ದಾರೆ. ಇದೀಗ ಹುಬ್ಬಳ್ಳಿಯ ವಾಹನ ಸವಾರನೊಬ್ಬ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದು, ದಂಡ ತೆತ್ತಿದ್ದಾನೆ. ಅಲ್ಲದೆ, ಹುಬ್ಬಳ್ಳಿ ಧಾರವಾಡ ನಗರ ಪೊಲೀಸರು ಬೈಕ್​ ಸವಾರನಿಗೆ ಬುದ್ಧಿ ಹೇಳಿದ್ದಾರೆ.

ಇದನ್ನೂ ಓದಿ: ಪಾಕ್​ ಸುಂದರಿಗೆ ಮಾರುಹೋಗಿ ರಕ್ಷಣಾ ವ್ಯವಸ್ಥೆಯ ಮಾಹಿತಿ ಸೋರಿಕೆ: ಡಿಆರ್​ಡಿಒ ವಿಜ್ಞಾನಿ ವಿರುದ್ಧ ಚಾರ್ಜ್​ಶೀಟ್

ನನ್ನಾಕಿ ಹೃದಯದಲ್ಲಿರಲಿ

ಇದಕ್ಕೆ ಸಂಬಂಧಿಸಿದ ಫೋಟೋಗಳನ್ನು ಹುಬ್ಬಳ್ಳಿ ಧಾರವಾಡ ನಗರ ಪೊಲೀಸರು ತಮ್ಮ ಫೇಸ್​ಬುಕ್​ ಖಾತೆಯಲ್ಲಿ ಬೈಕ್​ನಲ್ಲಿ ಬರೆದಿರುವ ಸಾಲುಗಳೊಂದಿಗೆ ಹಂಚಿಕೊಂಡಿದ್ದಾರೆ. ಅಲ್ಲದೆ, ಒಂದೇ ಸಂದೇಶವನ್ನು ರವಾನಿಸಿದ್ದಾರೆ. ಅದೇನೆಂದರೆ, ನಿನ್ನಾಕಿ (ನನ್ನಾಕಿ) ಹೃದಯದಲ್ಲಿರಲಿ...ಗಾಡಿ ನಂಬರ್​ ಪ್ಲೇಟ್ ಮೇಲಲ್ಲ ಎಂದು ಪಂಚಿಂಗ್​ ಡೈಲಾಗ್​ ಮೂಲಕ ತಿಳುವಳಿಕೆ ಮೂಡಿಸಿದ್ದಾರೆ. ಇದೀಗ ಈ ಪೋಸ್ಟ್​ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಡಿಫೆಕ್ಟಿವ್ ನಂಬರ್ ಪ್ಲೇಟ್ ಹಾಕಿ ಸಂಚರಿಸುತ್ತಿದ್ದ ಬೈಕ್ ಅನ್ನು ಇಂದು ಧಾರವಾಡ ಸಂಚಾರ ಪೊಲೀಸರು ವಶಪಡಿಸಿಕೊಂಡು ಕೋರ್ಟ್ ನೋಟಿಸ್ ಜಾರಿ ಮಾಡಿ, ಕಾನೂನು ಕ್ರಮ ಜರುಗಿಸಿದ್ದು, ಬೈಕ್​​ಗೆ ನಂಬರ್ ಪ್ಲೇಟ್ ಹಾಕಿಸಿ ಸವಾರನಿಗೆ ಕಾನೂನು ತಿಳುವಳಿಕೆ ಹೇಳಲಾಗಿರುತ್ತದೆ ಎಂದು ಫೇಸ್​ಬುಕ್​ನಲ್ಲಿ ಬರೆಯಲಾಗಿದೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/bjp-mla-s-suresh-kumar-praises-inspector-l-y-rajesh-social-service

https://www.vijayavani.net/new-rules-for-domestic-t20-matches-announcedby-bcci

https://www.vijayavani.net/adipurush-writer-accepts-mistake-extends-unconditional-apology