ಪುಣೆ: ಝರಾ ದಾಸಗುಪ್ತ ಹೆಸರಿನ ಪಾಕಿಸ್ತಾನಿ ಗೂಢಾಚಾರಿಣಿಯ ಅಂದಕ್ಕೆ ಮಾರುಹೋದ ಡಿಆರ್ಡಿಒ ವಿಜ್ಞಾನಿ ಪ್ರದೀಪ್ ಕುರುಲ್ಕರ್, ಆಕೆಯೊಂದಿಗೆ ಭಾರತೀಯ ಕ್ಷಿಪಣಿ ವ್ಯವಸ್ಥೆ ಸೇರಿದಂತೆ ಇತರೆ ವರ್ಗೀಕೃತ ರಕ್ಷಣಾ ಯೋಜನೆಗಳ ಬಗ್ಗೆ ಚಾಟಿಂಗ್ ನಡೆಸಿದ್ದಾರೆ ಎಂಬ ಸಂಗತಿ ಚಾರ್ಚ್ಶೀಟ್ನಿಂದ ಬಯಲಾಗಿದೆ.
ಕುರುಲ್ಕರ್ ವಿರುದ್ಧ ಮಹಾರಾಷ್ಟ್ರದ ಭಯೋತ್ಪದನಾ ವಿರೋಧಿ ಪಡೆ (ಎಟಿಎಸ್) ಚಾರ್ಜ್ಶೀಟ್ ದಾಖಲಿಸಿದೆ. ಕುರುಲ್ಕರ್ ಅವರು ಪುಣೆಯಲ್ಲಿರುವ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ)ಯ ಪ್ರಯೋಗಾಲಯಗಳಲ್ಲಿ ಒಂದಾಗ ಪುಣೆಯ ಪ್ರಯೋಗಲಾಯದ ನಿರ್ದೇಶಕರಾಗಿದ್ದರು.
ಇದನ್ನೂ ಓದಿ: ಬಾಲಕಿಯ ಹಾಡನ್ನು ವೈರಲ್ ಮಾಡೋದಾಗಿ ನಂಬಿಸಿದ ಯೂಟ್ಯೂಬರ್: ಲಾಡ್ಜ್ನಲ್ಲಿ ನಡೆಯಿತು ಘೋರ ಕೃತ್ಯ
ಕುರುಲ್ಕರ್ ಅವರನ್ನು ಮೇ 3ರಂದು ಅಧಿಕೃತ ರಹಸ್ಯ ಕಾಯ್ದೆ ಅಡಿಯಲ್ಲಿ ಬೇಹುಗಾರಿಕೆ ಆರೋಪದ ಮೇಲೆ ಬಂಧಿಸಲಾಗಿದ್ದು, ಅವರನ್ನು ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿದೆ.
ಪ್ರದೀಪ್ ಕುರುಲ್ಕರ್ ಮತ್ತು ಝರಾ ದಾಸಗುಪ್ತ ಇಬ್ಬರು ವಾಟ್ಸ್ಆ್ಯಪ್ ಮೂಲಕ ಸಂಪರ್ಕ ಬೆಳೆಸಿದ್ದರು. ಇಬ್ಬರ ನಡುವೆ ವಾಯ್ಸ್ ಕಾಲ್ ಮತ್ತು ವಿಡಿಯೋ ಕಾಲ್ ಸಾಮಾನ್ಯವಾಗಿತ್ತು ಎಂದು ಚಾರ್ಜ್ಶೀಟ್ನಲ್ಲಿ ಉಲ್ಲೇಖಿಸಲಾಗಿದೆ.
ಅಶ್ಲೀಲ ವಿಡಿಯೋ ಬಲೆ
ಝರಾ ತಾನೊಬ್ಬ ಯುನೈಟೆಡ್ ಕಿಂಗ್ಡಮ್ ಮೂಲದ ಸಾಫ್ಟ್ವೇರ್ ಇಂಜಿನಿಯರ್ ಎಂದು ಹೇಳಿ, ಅಶ್ಲೀಲ ಸಂದೇಶ ಮತ್ತು ವಿಡಿಯೋಗಳನ್ನು ಕಳುಹಿಸುವ ಮೂಲಕ ಕುರುಲ್ಕರ್ ಜತೆ ಸ್ನೇಹ ಬೆಳೆಸಿದ್ದಳು. ಆದರೆ, ತನಿಖೆಯ ಸಂದರ್ಭದಲ್ಲಿ ಆಕೆಯ ಐಪಿ ಅಡ್ರೆಸ್ ಪಾಕಿಸ್ತಾನ ತೋರಿಸಿದ್ದು, ಆಕೆ ಪಾಕ್ ಏಜೆಂಟ್ ಎಂಬುದು ಗೊತ್ತಾಗಿದೆ. ಆಕೆಯನ್ನು ನಂಬಿದ್ದ ಕುರುಲ್ಕರ್, ಬ್ರಹ್ಮೋಸ್ ಲಾಂಚರ್, ಡ್ರೋನ್, ಯುಸಿವಿ, ಅಗ್ನಿ ಕ್ಷಿಪಣಿ ಲಾಂಚರ್ ಮತ್ತು ಮಿಲಿಟರಿ ಬ್ರಿಡ್ಜಿಂಗ್ ಸಿಸ್ಟಮ್ ಸೇರಿದಂತೆ ಅನೇಕ ಮಾಹಿತಿಗಳನ್ನು ಆಕೆಯೊಂದಿಗೆ ಹಂಚಿಕೊಂಡಿದ್ದಾರೆ.
ಝರಾಳ ಅಂದಕ್ಕೆ ಮಾರುಹೋದ ಕುರುಲ್ಕರ್, ಡಿಆರ್ಡಿಒನ ವರ್ಗೀಕೃತ ಮತ್ತು ಸೂಕ್ಷ್ಮ ಮಾಹಿತಿಗಳನ್ನು ತಮ್ಮ ವೈಯಕ್ತಿಕ ಫೋನ್ನಲ್ಲಿ ಸಂಗ್ರಹಿಸಿ, ಅದನ್ನು ಝರಾಳಿಗೆ ಶೇರ್ ಮಾಡಿದ್ದಾರೆ ಎಂದು ಚಾರ್ಜ್ಶೀಟ್ನಲ್ಲಿ ತಿಳಿಸಲಾಗಿದೆ. ಇಬ್ಬರು 2022ರ ಜೂನ್ನಿಂದ 2022ರ ಡಿಸೆಂಬರ್ವರೆಗೆ ಸಂಪರ್ಕದಲ್ಲಿ ಇದ್ದರು ಎಂದು ಎಟಿಎಸ್ ತಿಳಿಸಿದೆ.
ಇದನ್ನೂ ಓದಿ: ಈ ದೇಶಗಳ ನಡುವೆ ಗಡಿ ಇರಬಾರದು; ಅಖಂಡ ಭಾರತದ ಪ್ರಸ್ತಾಪ ಮಾಡಿದ್ರಾ ಶ್ರೀಲಂಕಾ ಅಧ್ಯಕ್ಷ?
ಪ್ರಾಥಮಿಕ ತನಿಖೆಯಲ್ಲಿ ಅನುಮಾನ
ಡಿಆರ್ಡಿಒ ಪ್ರಾಥಮಿಕ ತನಿಖೆ ಆರಂಭಿಸಿದಾಗಲೇ ಕುರುಲ್ಕರ್ ಚಟುವಟಿಕೆ ಅನುಮಾನಾಸ್ಪದವಾಗಿತ್ತು. ಕಳೆದ ಫೆಬ್ರವರಿಯಲ್ಲಿ ಝರಾಳ ನಂಬರ್ ಅನ್ನು ಕುರುಲ್ಕರ್ ಬ್ಲಾಕ್ ಮಾಡಿದ್ದರು. ಇದಾದ ಕೂಡಲೇ ಇನ್ನೊಂದು ಭಾರತೀಯ ಅಪರಿಚಿತ ನಂಬರ್ನಿಂದಲೇ ವಾಟ್ಸ್ಆ್ಯಪ್ ಸಂದೇಶವನ್ನು ಕುರುಲ್ಕರ್ ಸ್ವೀಕರಿಸಿದ್ದರು. ಅದರಲ್ಲಿ ನನ್ನ ನಂಬರ್ ಅನ್ನು ಏಕೆ ಬ್ಲಾಕ್ ಮಾಡಿದ್ದೀಯಾ? ಎಂದು ಝರಾ ಪ್ರಶ್ನೆ ಮಾಡಿದ್ದಳು.
ಇಬ್ಬರ ನಡುವೆ ನಡೆದಿರುವ ಚಾಟಿಂಗ್ ದಾಖಲೆಗಳ ಪ್ರಕಾರ ತಮ್ಮ ವೈಯಕ್ತಿಕ ಮತ್ತು ಅಧಿಕೃತ ವೇಳಾಪಟ್ಟಿಗಳು ಹಾಗೂ ಸ್ಥಳಗಳನ್ನು ಯಾರೊಂದಿಗೂ ಹಂಚಿಕೊಳ್ಳುವಂತಿಲ್ಲ ಎಂಬ ನಿಯಮವಿದ್ದರೂ ಸಹ ಅವಳೊಂದಿಗೆ ಹಂಚಿಕೊಂಡಿದ್ದಾರೆ ಎಂದು ಆರೋಪಪಟ್ಟಿಯಲ್ಲಿ ತಿಳಿಸಲಾಗಿದೆ. (ಏಜೆನ್ಸೀಸ್)
ಸಲಿಂಗ ಸಂಗಾತಿಗಾಗಿ ಹೇಬಿಯಸ್ ಕಾರ್ಪಸ್ ಹಿಡಿದು ಕೋರ್ಟ್ ಮೆಟ್ಟಿಲೇರಿದ್ದ ಯುವತಿಗೆ ಸಿಕ್ತು ಗುಡ್ ನ್ಯೂಸ್!
KSRTC ಬಸ್ನ ಗಾಜಿನ ಮೇಲೆ ಬಾಟೆಲ್ ಎಸೆದ ಕಾರಿನಲ್ಲಿದ್ದ ಪುಂಡರು: ಪ್ರಶ್ನಿಸಿದ್ದಕ್ಕೆ ಚಾಲಕನ ಮೇಲೆ ಹಲ್ಲೆ!
ನಾಪತ್ತೆಯಾಗಿದ್ದ ನಂದಿಪರ್ವತ ಆಶ್ರಮದ ಜೈನಮುನಿ ಬರ್ಬರ ಹತ್ಯೆ: ಮೃತದೇಹಕ್ಕಾಗಿ ತೀವ್ರ ಶೋಧ