ಮುಂಬೈ: ಸೂಜಾನ್ ಖಾನ್ ಜತೆಗೆ ವೈವಾಹಿಕ ಜೀವನವನ್ನು ಮುರಿದುಕೊಂಡ ನಂತರ, ಸಾಬಾ ಆಜಾದ್ ಎಂಬ ಇನ್ನೊಬ್ಬ ಯುವತಿಯ ಜತೆಗೆ ಹೃತಿಕ್ ರೋಶನ್ ಡೇಟಿಂಗ್ ಮಾಡುತ್ತಿರುವ ವಿಷಯ ಕಳೆದೊಂದು ವರ್ಷದಿಂದ ಕೇಳಿಬರುತ್ತಿದೆ. ಆದರೆ, ಹೊಸ ವಿಷಯವೆಂದರೆ, ಹೃತಿಕ್ ಮತ್ತು ಸಬಾ ಇದೇ ನವೆಂಬರ್ನಲ್ಲಿ ಮದುವೆಯಾಗುತ್ತಿದ್ದಾರಂತೆ.
ಇದನ್ನೂ ಓದಿ: ರೈತರ ಸಮಸ್ಯೆಗಳ ಸರಮಾಲೆ: ವಿಜಯವಾಣಿ ಸಿನಿಮಾ ವಿಮರ್ಶೆ
ಹೌದು, ಹೃತಿಕ್ ಮತ್ತು ಸಾಬಾ ಆಜಾದ್ ಇದೇ ನವೆಂಬರ್ ತಿಂಗಳಲ್ಲಿ ಮದುವೆಯಾಗುತ್ತದ್ದಾರಂತೆ. ಹಾಗಂತ ಸುದ್ದಿಯೊಂದು ಬಾಲಿವುಡ್ ಅಂಗಳದಲ್ಲಿ ಕೇಳಿ ಬರುತ್ತಿದೆ. ಆದರೆ, ವಿಚಿತ್ರವೆಂದರೆ, ಇಂಥದ್ದೊಂದು ವಿಷಯ ಹೃತಿಕ್ ಮನೆಯವರಿಗೇ ಇನ್ನೂ ಗೊತ್ತಿಲ್ಲದಿರುವುದು.
ಹೃತಿಕ್ ಮದುವೆ ಯಾವಾಗ ಎಂದು ಬಾಲಿವುಡ್ ಮಂದಿ ನೇರವಾಗಿ ಹೃತಿಕ್ ಅಪ್ಪ ರಾಕೇಶ್ ರೋಶನ್ ಅವರನ್ನು ಸಂಪರ್ಕಿಸಿದ್ದಾರೆ. ಈ ಬಗ್ಗೆ ಮಾತನಾಡಿರುವ ರಾಕೇಶ್ ರೋಶನ್, ತಮಗೆ ಈ ವಿಷಯದ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಟಾಲಿವುಡ್ಗೆ ಹರ್ಷ; ಗೋಪಿಚಂದ್ ಅಭಿನಯದ 31ನೇ ಚಿತ್ರದ ನಿರ್ದೇಶನ
ಇನ್ನು, ಕಳೆದ ವರ್ಷ ಬಿಡುಗಡೆಯಾದ ‘ವಿಕ್ರಮ್ ವೇದ’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ಹೃತಿಕ್ ರೋಶನ್, ಈಗ ‘ಫೈಟರ್’ ಎಂಬ ಚಿತ್ರದ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶನ ಮಾಡುತ್ತಿದ್ದು, ಕಾಶ್ಮೀರದಲ್ಲಿ ಚಿತ್ರೀಕರಣ ನಡೆಯುತ್ತಿದೆ.