ಇಸ್ಲಮಾಬಾದ್: ತನ್ನ ಅಂಕಲ್ನಿಂದ ನಿರಂತರ ಅತ್ಯಾಚಾರಕ್ಕೆ ಒಳಗಾಗಿ ಆರು ತಿಂಗಳ ಗರ್ಭಿಣಿಯಾಗಿದ್ದ 14 ವರ್ಷದ ಬಾಲಕಿಯೊಬ್ಬಳು ಗರ್ಭಪಾತದ ವೇಳೆ ಮೃತಪಟ್ಟಿರುವ ಘಟನೆ ಪಾಕಿಸ್ತಾನದಲ್ಲಿ ನಡೆದಿರುವುದಾಗಿ ವರದಿಯಾಗಿದೆ.
ಸ್ಥಳೀಯ ಮಾಧ್ಯಮಗಳ ಪ್ರಕಾರ ಸಂತ್ರಸ್ತೆಯನ್ನು ಉಜ್ಮಾ ಎಂದು ಗುರುತಿಸಲಾಗಿದೆ. ತನ್ನ ಪಾಲಕರು ಪ್ರತ್ಯೇಕವಾದಾಗಿನಿಂದ ಬಾಲಕಿಯು ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದ ಒಕ್ರಾ ನಗರದಲ್ಲಿರುವ ತಾಯಿಯ ಸಂಬಂಧಿ ಅಂಕಲ್ ಮತ್ತು ಆಂಟಿಯ ಜತೆ ವಾಸವಿದ್ದಳು. ಆರೋಪಿಯನ್ನು ಗುಲಾಮ್ ಅನ್ವರ್ ಎಂದು ಗುರುತಿಸಲಾಗಿದೆ.
ಇದನ್ನೂ ಓದಿ: ಸಚಿನ್ ಮಗಳನ್ನು ಮದುವೆಯಾದ್ರಾ ಶುಭ್ಮನ್ ಗಿಲ್?: ಹೌದು ಎನ್ನುತ್ತಿದೆ ಗೂಗಲ್..!
ಬಾಲಕಿಯ ಮೇಲೆ ನಿರಂತರವಾಗಿ ಸುಮಾರು ಆರು ತಿಂಗಳು ಅಂಕಲ್ನಿಂದಲೇ ಅತ್ಯಾಚಾರ ನಡೆದಿದೆ. ಇದರ ಪರಿಣಾಮ ಆಕೆ ಗರ್ಭಿಣಿಯು ಆಗಿದ್ದಾಳೆ. ಈ ವಿಚಾರ ಅಂಕಲ್ ಗುಲಾಮ್ ಮತ್ತು ಆಂಟಿ ಸಾಜಿದಾ ಬಿಬಿ ಗಮನಕ್ಕೆ ಬಂದಾಗ ಬಾಲಕಿಯನ್ನು ಬಲವಂತವಾಗಿ ಗರ್ಭಪಾತ ಮಾಡಿಸಲು ಮುಂದಾದರು.
ಆಸ್ಪತ್ರೆಯಲ್ಲಿ ಗರ್ಭಪಾತ ಮಾಡಿಸುವಾಗ ಕೊನೆಯ ಹಂತದ ಆಪರೇಷನ್ ವೇಳೆ ಸಂತ್ರಸ್ತೆಯ ಆರೋಗ್ಯದಲ್ಲಿ ಸಂಕೀರ್ಣತೆ ಸೃಷ್ಟಿಯಾಗಿ ಕೊನೆಯುಸಿರೆಳೆದಿದ್ದಾಳೆ. ಇತ್ತ ಉಜ್ಮಾ ಸಾವಿಗೀಡಾಗುತ್ತಲೇ ಆಕೆಯ ತಂದೆ ದೂರು ದಾಖಲಿಸಿದ್ದು, ಆರೋಪಿಗಳನ್ನು ಬಂಧಿಸಲು ಆಗ್ರಹಿಸಿದ್ದಾರೆ. (ಏಜೆನ್ಸೀಸ್)
ಹಾಥರಸ್ ಘಟನೆ: ಆಸ್ಪತ್ರೆಯ ಸಿಸಿಟಿವಿ ದೃಶ್ಯಾವಳಿ ಡಿಲೀಟ್- ವೈದ್ಯರ ಮೇಲೆ ಸಿಬಿಐ ಅನುಮಾನ!