ವಾಷಿಂಗ್ಟನ್: ಜಾರ್ಜ್ ಫ್ಲಾಯ್ಡ್ ಎಂಬ ಕಪ್ಪುವರ್ಣೀಯನನ್ನು ಹಿಂಸೆ ನೀಡಿ ಹತ್ಯೆಗೈದಿದ್ದ ಮಾಜಿ ಪೊಲೀಸ್ ಅಧಿಕಾರಿ ಡೆರೆಕ್ ಚೌವಿನ್ಗೆ 22.5 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ. ಫ್ಲಾಯ್ಡ್ನ ಕುತ್ತಿಗೆಯ ಮೇಲೆ ಮಂಡಿಯೂರಿ ಉಸಿರುಗಟ್ಟಿಸಿದ್ದ ಶ್ವೇತವರ್ಣೀಯ ಚೌವಿನ್ನ ವರ್ತನೆಯು ಅಮೆರಿಕದಲ್ಲಿ ಜನಾಂಗೀಯ ಶೋಷಣೆಯ ವಿರುದ್ಧ ಭಾರೀ ಜನಾಂದೋಲನವನ್ನೇ ಸೃಷ್ಟಿಸಿತ್ತು.
2020 ರ ಮೇ 25 ರಂದು ಅಂಗಡಿಯೊಂದರಲ್ಲಿ ನಕಲಿ ನೋಟು ನೀಡಿದ್ದ ಹಿನ್ನೆಲೆಯಲ್ಲಿ ಫ್ಲಾಯ್ಡ್ನನ್ನು ಬಂಧಿಸಲು ಬಂದಿದ್ದ ಮಿನ್ನಿಯಾಪೊಲೀಸ್ ಪ್ರದೇಶದ ಮೂವರು ಶ್ವೇತವರ್ಣೀಯ ಪೊಲೀಸರು ಅಮಾನುಷವಾಗಿ ವರ್ತಿಸಿ, ಆತನನ್ನು ಕೊಂದೇ ಬಿಟ್ಟಿದ್ದರು. ಫ್ಲಾಯ್ಡ್ನ ಕುತ್ತಿಗೆಯ ಮೇಲೆ ಚೌವಿನ್ ತನ್ನ ಮೊಣಕಾಲನ್ನು ಊರಿ ಸುಮಾರು 9 ನಿಮಿಷಗಳವರೆಗೆ ಆತ ಉಸಿರಾಡಲು ಆಗದೆ ನರಳಿ ಸಾಯುವಂತೆ ಮಾಡಿದ್ದು ವರದಿಯಾಗಿತ್ತು.
ಇದನ್ನೂ ಓದಿ: ರೇಖಾ ಕದಿರೇಶ್ ಕೊಲೆ ಪ್ರಕರಣ: ತನಿಖೆಯ ವೇಳೆ ಸ್ಫೋಟಕ ಮಾಹಿತಿ ಬಿಚ್ಚಿಟ್ಟ ಆರೋಪಿಗಳು!
45 ವರ್ಷ ವಯಸ್ಸಿನ ಡೆರೆಕ್ ಚೌವಿನ್ಗೆ ಇಪ್ಪತ್ತೆರಡೂವರೆ ವರ್ಷಗಳ ಕಾರಾಗೃಹ ಶಿಕ್ಷೆ ವಿಧಿಸಿದ ಮಿನ್ನಿಯಾಪೋಲಿಸ್ ಕೋರ್ಟ್, ಉತ್ತಮ ವರ್ತನೆ ತೋರಿದಲ್ಲಿ 15 ವರ್ಷಗಳ ನಂತರ ಆತನನ್ನು ಪೆರೋಲ್ ಮೇಲೆ ಬಿಡುಗಡೆ ಮಾಡಬಹುದು ಎಂದಿದೆ. (ಏಜೆನ್ಸೀಸ್)
ಹಳಿತಪ್ಪಿದ ರಾಜಧಾನಿ ಎಕ್ಸ್ಪ್ರೆಸ್! ಮಹಾರಾಷ್ಟ್ರದ ಕರ್ಬುಡೆ ಟನೆಲ್ಲಲ್ಲಿ ಘಟನೆ
4 ಕೋಟಿ ರೂ. ಸಂಗ್ರಹಿಸಿದ ಮಾಹಿತಿ; ಇಂದು ಇಡಿ ಕಛೇರಿಯಲ್ಲಿ ಮಾಜಿ ಸಚಿವ ಅನಿಲ್ ದೇಶ್ಮುಖ್ ವಿಚಾರಣೆ