ನವ ದೆಹಲಿ: ಗೌತಮ್ ಅದಾನಿ ವಿಶ್ವದ ಎರಡನೇ ಶ್ರೀಮಂತ ವ್ಯಕ್ತಿ ಎಂದು ಫೋರ್ಬ್ಸ್ ವರದಿ ಮಾಡಿದೆ. ಫೋರ್ಬ್ಸ್ ರಿಯಲ್ ಟೈಮ್ ಬಿಲಿಯನೇರ್ ಪಟ್ಟಿಯ ಪ್ರಕಾರ ಸೆ. 16 ಹೊತ್ತಿನಲ್ಲಿ ಅದಾನಿ ಅವರ ಸಂಪತ್ತು ಶೇ. 4ರಷ್ಟು ಹೆಚ್ಚಾಗಿದ್ದು, 155.7 ಬಿಲಿಯನ್ ಡಾಲರ್ ಆಗಿದೆ.
ಅಮೆಜಾನ್ನ ಜೆಫ್ ಬೆಜೋಸ್ ಅವರನ್ನು ಹಿಂದಿಕ್ಕಿ ಮೂರನೇ ಸ್ಥಾನದಲ್ಲಿದ್ದ ಗೌತಮ್ ಅದಾನಿ ಎರಡನೇ ಸ್ಥಾನ ಪಡೆದುಕೊಂಡಿದ್ದಾರೆ. ಫೆಬ್ರವರಿಯಲ್ಲಿ ಮುಕೇಶ್ ಅಂಬಾನಿಯನ್ನು ಹಿಂದಿಕ್ಕಿ ಏಷ್ಯಾದ ಶ್ರೀಮಂತರಾಗಿ ಗುರುತಿಸಿಕೊಂಡಿದ್ದರು. ಜೊತೆಗೆ ಮೈಕ್ರೋಸಾಫ್ಟ್ನ ಬಿಲ್ಗೇಟ್ಸ್ ಅವರನ್ನ ಕೂಡ ಹಿಂದಿಕ್ಕಿದ್ದರು.
ಫೋರ್ಬ್ಸ್ ರಿಯಲ್ ಟೈಮ್ ಮಾಹಿತಿಯ ಪ್ರಕಾರ ಅದಾನಿಯ ಗ್ರೂಪ್ ಷೇರು ಹೆಚ್ಚಾಗುತ್ತಿದೆ. ಅದಾನಿ ಎಂಟರ್ಪ್ರೈಸಸ್, ಅದಾನಿ ಪೋರ್ಟ್, ಅದಾನಿ ಟ್ರಾನ್ಸ್ಮಿಷನ್ನಲ್ಲಿ ವ್ಯವಹಾರ ನಡೆಸುತ್ತಿದ್ದಾರೆ. ಗೌತಮ್ ಅದಾನಿ 2022 ರಲ್ಲಿ ತಮ್ಮ ಆದಾಯದ ನಿವ್ವಳ ಲಾಭವನ್ನು ಹೆಚ್ಚಿಸಿಕೊಂಡ ವಿಶ್ವದ 10 ಶ್ರೀಮಂತರಲ್ಲಿ ಒಬ್ಬರು. (ಏಜೆನ್ಸೀಸ್)