ಮುಂಬೈ: ಬಾಲಿವುಡ್ ನಟ ಟೈಗರ್ ಶ್ರಾಫ್ ಇದೀಗ ಗಣಪತ್ ಆಗಲು ಹೊರಟಿದ್ದಾರೆ. ಶೀರ್ಷಿಕೆ ಮೂಲಕವೇ ಸದ್ದು ಮಾಡುತ್ತಿರುವ ಈ ಸಿನಿಮಾ ಇದೀಗ ಫಸ್ಟ್ ಲುಕ್ ಬಿಡುಗಡೆ ಮಾಡಿಕೊಂಡು ಕುತೂಹಲಕ್ಕೆ ಒಗ್ಗರಣೆ ಹಾಕಿದೆ.
ಇದನ್ನೂ ಓದಿ: ಈ ಚಿತ್ರಗಳನ್ನು ಚಿತ್ರಮಂದಿರಗಳಲ್ಲಿ ಪುಕ್ಕಟ್ಟೆಯಾಗಿ ನೋಡಬಹುದು …
ಈಗಾಗಲೇ ಭಾಗಿ, ಭಾಗಿ 2, ಭಾಗಿ 3 ಚಿತ್ರಗಳಲ್ಲಿ ಟೈಗರ್ ನಟಿಸಿದ್ದರು. ಅತ್ಯಾಕರ್ಷಕ ಆ್ಯಕ್ಷನ್ ಸನ್ನಿವೇಶಗಳ ಮೂಲಕವೇ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿದ್ದರು. ಇದೀಗ ಗಣಪತ್ ಶೀರ್ಷಿಕೆ ಸರಣಿ ಸಿನಿಮಾಗಳನ್ನು ಟೈಗರ್ ಆಯ್ದುಕೊಂಡಿದ್ದಾರೆ.
ಮೊದಲಾರ್ಥವಾಗಿ ಗಣಪತ್ ಪಾರ್ಟ್ 1 ಚಿತ್ರದ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಮಾಸ್ ಅವತಾರದಲ್ಲಿ ಟೈಗರ್ ಎದುರಾಗಿದ್ದಾರೆ. ಸ್ನೇಹಿತರಿಗೆ ಸ್ನೇಹಿತಮ ಶತ್ರುಗಳಿಗೆ ಅವರಪ್ಪ.. ಎಂಬ ಕ್ಯಾಪ್ಶನ್ ಅಡಿಯಲ್ಲಿ ಬರೆದುಕೊಂಡು ಚಿತ್ರದ ಲುಕ್ಅನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ಆರ್ಆರ್’ ಚಿತ್ರಕ್ಕಾಗಿ ಬೃಹತ್ ಫೈಟ್ ಚಿತ್ರೀಕರಣ
ಈ ಹಿಂದೆ ಹೃತಿಕ್ ರೋಷನ್ ನಾಯಕತ್ವದ ಸೂಪರ್ 30 ಚಿತ್ರ ನಿರ್ದೇಶನ ಮಾಡಿದ್ದ ವಿಕಾಸ್ ಬಹ್ಲ, ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ವಶು ಭಗ್ನಾನಿ ಮತ್ತು ಪೂಜಾ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ. 2021ರ ಮಧ್ಯ ಭಾಗದಿಂದ ಶೂಟಿಂಗ್ ಶುರುವಾಗಲಿದ್ದು, 2022ಕ್ಕೆ ಸಿನಿಮಾ ಬಿಡುಗಡೆ ಆಗಲಿದೆ. (ಏಜೆನ್ಸೀಸ್)