ಬಾಲಿವುಡ್ನ ಜನಪ್ರಿಯ ಫ್ರಾಂಚೈಸಿಗಳ ಪೈಕಿ ಸಲ್ಮಾನ್ ಖಾನ್ ಅಭಿನಯದ ‘ಟೈಗರ್’ ಸಿರೀಸ್ ಸಹ ಒಂದು. ಈಗಾಗಲೇ ಈ ಸರಣಿಯಲ್ಲಿ ಎರಡು ಸಿನಿಮಾಗಳು ಬಂದಿವೆ. ಮೊದಲನೆಯದು ‘ಏಕ್ ಥಾ ಟೈಗರ್’, ಎರಡನೆಯದು ‘ಟೈಗರ್ ಜಿಂದಾ ಹೈ’. ಇದೀಗ ಮೂರನೇ ‘ಟೈಗರ್’ ಚಿತ್ರದ ಶೂಟಿಂಗ್ಗೆ ಸಿದ್ಧತೆ ಶುರುವಾಗಿದೆ. ಅದಕ್ಕಾಗಿ ಮುಂಬೈನಲ್ಲಿ ಅದ್ದೂರಿ ಸೆಟ್ ನಿರ್ಮಾಣ ಮಾಡಲಾಗುತ್ತಿದ್ದು, ಮಾರ್ಚ್ನಲ್ಲಿ ನಡೆಯಲಿರುವ ಶೂಟಿಂಗ್ನಲ್ಲಿ ಸಲ್ಮಾನ್ ಜತೆ ಕತ್ರಿನಾ ಕೈಫ್ ಸಹ ಭಾಗವಹಿಸಲಿದ್ದಾರೆ.
ಈ ಮೊದಲು ಅರಬ್ ನಾಡಿನ ಟರ್ಕಿ, ಇಸ್ತಾಂಬುಲ್, ದುಬೈ ಸೇರಿ ಹಲವೆಡೆ ಚಿತ್ರೀಕರಣ ನಡೆಯಲಿದೆ ಎನ್ನಲಾಗಿತ್ತು. ಇದೀಗ ಅದರಲ್ಲಿ ಮಹತ್ವದ ಬದಲಾವಣೆ ಆಗಿದೆ. ಮಾರ್ಚ್ ಪೂರ್ತಿ ಮುಂಬೈನಲ್ಲಿಯೇ ಚಿತ್ರೀಕರಣ ನಡೆಯಲಿದೆಯಂತೆ. ಜೂನ್ನಲ್ಲಿ ಯುಎಇ ಬದಲು ಯೂರೋಪ್ನತ್ತ ಇಡೀ ತಂಡ ಹಾರಲಿದೆ ಎನ್ನಲಾಗುತ್ತಿದೆ. ಈ ಮೊದಲ ಎರಡು ಸರಣಿಗಳಲ್ಲಿ ನಾಯಕಿಯಾಗಿದ್ದ ಕತ್ರಿನಾ, ಇಲ್ಲಿಯೂ ಮುಂದುವರಿಯಲಿದ್ದಾರೆ. 2019ರಲ್ಲಿ ತೆರೆಕಂಡಿದ್ದ ‘ಭಾರತ್’ ಚಿತ್ರದಲ್ಲಿ ಸಲ್ಮಾನ್ ಜತೆ ಕೊನೆಯದಾಗಿ ನಟಿಸಿದ್ದ ಕತ್ರಿನಾ, ಈಗ ಎರಡು ವರ್ಷಗಳ ನಂತರ ಮತ್ತೊಮ್ಮೆ ಅವರ ಜತೆ ತೆರೆಹಂಚಿಕೊಳ್ಳಲಿದ್ದಾರೆ. ಯಶ್ರಾಜ್ ಬ್ಯಾನರ್ನಲ್ಲಿ ನಿರ್ವಣವಾಗಲಿರುವ ‘ಟೈಗರ್ 3’ ಚಿತ್ರವನ್ನು ಮನೀಷ್ ಶರ್ಮಾ ನಿರ್ದೇಶಿಸಲಿದ್ದಾರೆ. ಸದ್ಯ ಕತ್ರಿನಾ, ‘ಫೋನ್ ಭೂತ್’ ಚಿತ್ರದ ಶೂಟಿಂಗ್ನಲ್ಲಿದ್ದಾರೆ. ಇತ್ತ ‘ಅಂತಿಮ್ ದಿ ಫೈನಲ್ ಟ್ರೂಥ್’ ಚಿತ್ರದ ಚಿತ್ರೀಕರಣದಲ್ಲಿರುವ ಸಲ್ಮಾನ್ ಖಾನ್, ಇದು ಮುಗಿಯುತ್ತಿದ್ದಂತೆ ಇಬ್ಬರೂ ‘ಟೈಗರ್ 3’ ತಂಡ ಸೇರಿಕೊಳ್ಳಲಿದ್ದಾರೆ. -ಏಜೆನ್ಸೀಸ್
ನ್ಯೂಯಾರ್ಕ್ನಲ್ಲಿ ಶಾರುಖ್ ಖಾನ್ ಮಗಳಿರುವ ಡ್ರೀಮ್ ಅಪಾರ್ಟ್ಮೆಂಟ್ ಹೇಗಿದೆ ಗೊತ್ತಾ? ಫೋಟೋ ಇಲ್ಲಿದೆ ನೋಡಿ..
ಮೋಸ ಮಾಡಿದ್ರಾ ನಟಿ ಸನ್ನಿ ಲಿಯೋನ್?; ದೂರು ದಾಖಲಾಗುತ್ತಿದ್ದಂತೆ ನಿರೀಕ್ಷಣಾ ಜಾಮೀನಿಗೆ ಅರ್ಜಿ..