ಕಠ್ಮಂಡು: ಚೀನಾದಲ್ಲಿ ವಿದ್ಯಾಭ್ಯಾಸ ಮಾಡಿ ವಾಪಸಾಗಿರುವ ಭಾರತದ ಉಪಖಂಡ ನೇಪಾಳ ಮೂಲದ ವಿದ್ಯಾರ್ಥಿಯೊಬ್ಬನಲ್ಲಿ ಮಾರಕ ಕೊರೊನಾ ವೈರಸ್ ಪತ್ತೆಯಾಗಿದೆ.
ನೇಪಾಳದ ಆರೋಗ್ಯ ಮತ್ತು ಜನಸಂಖ್ಯೆ ಸಚಿವಾಲಯದ ಇದನ್ನು ಖಚಿತಪಡಿಸಿದ್ದು, ಇದು ಭಾರತದ ಉಪಖಂಡದಲ್ಲಿ ಪತ್ತೆಯಾದ ಮಾರಕ ವೈರಸ್ನ ಮೊದಲ ಪ್ರಕರಣ ಎಂದು ತಿಳಿಸಿದೆ.
ಝೋನೋಟಿಕ್ ಮತ್ತು ಇತರ ಸಾಂಕ್ರಾಮಿಕ ರೋಗ ನಿಯಂತ್ರಣ ವಿಭಾಗದ ಮುಖ್ಯಸ್ಥ ಡಾ. ಹೇಮಂತ್ ಚಂದ್ರ ಓಜಾ, ಚೀನಾದ ವೂಹಾದಲ್ಲಿರುವ ನೇಪಾಳ ಮೂಲದ ವಿದ್ಯಾರ್ಥಿಯನ್ನು ತಪಾಸಣೆಗೆ ಒಳಪಡಿಸಿದ್ದು ವೈರಸ್ ಪತ್ತೆಯಾಗಿದೆ ಎಂದು ತಿಳಿಸಿದ್ದಾರೆ.
ಹಾಂಗ್ಕಾಂಗ್ನ ವಿಶ್ವ ಆರೋಗ್ಯ ಸಂಸ್ಥೆಯಲ್ಲಿ ತಪಾಸಣೆಗೆ ಒಳಡಿಸಲಾಗಿತ್ತು. ಇದರ ವರದಿ ಗರುವಾರ ಸಂಜೆ ಬಂದಿದ್ದು, ಕೊರೊನಾ ವೈರಸ್ ಪತ್ತೆಯಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಮಾರಕ ವೈರಸ್ ಪೀಡಿತ ವ್ಯಕ್ತಿ ಚೀನಾದಿಂದ ಜನವರಿ 3ರಂದು ನೇಪಾಳಕ್ಕೆ ಬಂದಿದ್ದು, ಉಸಿರಾಟದ ತೊಂದರೆ ಎಂದು ಜನವರಿ 13ಕ್ಕೆ ಸ್ಥಳಿಯ ಆಸ್ಪತ್ರೆಗೆ ತೆರಳಿದ್ದ. ಆದರೆ ಉಸಿರಾಟದ ಸಮಸ್ಯೆ ಬಗೆಹರಿದೊಡನೆ ಸ್ಥಳಿಯ ಆಸ್ಪತ್ರೆಯಿಂದ ಮನೆಗೆ ತೆರಳಿದ್ದ. ನಂತರ ಆತನನ್ನು ಹಾಂಗ್ಕಾಂಗ್ನಲ್ಲಿ ಪರಿಕ್ಷೆಗೆ ಒಳಪಡಿಸಲಾಗಿತ್ತು. (ಏಜೆನ್ಸೀಸ್)