ನವದೆಹಲಿ: ಪೊಲೀಸ್ ಸಿಬ್ಬಂದಿಯೊಂದಿಗೆ ಇರುವ ಕೆಲವು ವ್ಯಕ್ತಿಗಳು ಹಾಗೂ ಮುಖವನ್ನು ಮುಚ್ಚಿಕೊಂಡಿರುವ ಮಹಿಳೆಯರ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಫೋಟೋ ಕುರಿತು ಜಮ್ಮು ಮತ್ತು ಕಾಶ್ಮೀರದ ಕುಲ್ಗಾಮ್ ಏರಿಯಾದಲ್ಲಿ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದ ಕಾಶ್ಮೀರಿ ಯುವತಿಯರನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಹೇಳಲಾಗಿದೆ.
ಅನೇಕ ಫೇಸ್ಬುಕ್ ಬಳಕೆದಾರರು ಫೋಟೋವನ್ನು ಶೇರ್ ಮಾಡಿಕೊಂಡು ಇದು ಜಮ್ಮು ಮತ್ತು ಕಾಶ್ಮೀರದ ಕುಲ್ಗಾಮ್ ಏರಿಯಾಗೆ ಸಂಬಂಧಿಸಿದ್ದು ಎಂದೇ ವಾದಿಸಿದ್ದಾರೆ. ಆದರೆ, ಫೋಟೋ ಹಿಂದಿನ ಅಸಲಿಯತ್ತೇ ಬೇರೆ ಎಂಬುದು ಇಂಡಿಯಾ ಟುಡೆ ಆ್ಯಂಟಿ ಫೇಕ್ನ್ಯೂಸ್ ವಾರ್ ರೂಮ್ ನಡೆಸಿದ ಫ್ಯಾಕ್ಟ್ಚೆಕ್ನಿಂದ ಬಯಲಾಗಿದೆ.
ಇದನ್ನೂ ಓದಿ: ನನ್ನ ಗಂಡ ಹೀಗಿರಬೇಕು..: ರಾಕುಲ್ಗೆ ತನ್ನ ಹುಡುಗ ಹೀಗೇ ಇರಬೇಕಂತೆ!
ಅಂದಹಾಗೆ ವೈರಲ್ ಆಗಿರುವ ಫೋಟೋ ನಾಲ್ಕು ವರ್ಷ ಹಳೆಯದು. ಇದು ಕುಲ್ಗಾಮ್ನಲ್ಲಿ ಸೆರೆಹಿಡಿದಿದ್ದಲ್ಲ. ಇದರ ಮೂಲ ಉತ್ತರಾಖಂಡದ ಡೆಹ್ರಾಡೂನ್. ಇಲ್ಲಿ ವೇಶ್ಯಾವಾಟಿಕೆ ಜಾಲ ನಡೆಸುತ್ತಿದ್ದ 6 ಮಂದಿ ಮಹಿಳೆಯರು ಸೇರಿದಂತೆ 8 ಮಂದಿಯನ್ನು 2015ರ ಡಿಸೆಂಬರ್ನಲ್ಲಿ ಪೊಲೀಸರು ಬಂಧಿಸಿದ್ದರು.
ಗೂಗಲ್ ರಿವರ್ಸ್ ಸರ್ಚ್ ಇಂಜಿನ್ ಸಹಾಯದಿಂದ ಫೋಟೋವನ್ನು ಹುಡುಕಾಡಿದಾಗ 2015ರಲ್ಲಿ ಅನೇಕ ವೆಬ್ಸೈಟ್ನಲ್ಲಿ ವೈರಲ್ ಫೋಟೋ ಕುರಿತಾದ ಅನೇಕ ವರದಿಗಳು ಪ್ರಕಟವಾಗಿವೆ. 2015ರ ಡಿಸೆಂಬರ್ನಲ್ಲಿ ದಿ ಟ್ರಿಬ್ಯೂನ್ ಎಂಬ ವೆಬ್ಸೈಟ್ನಲ್ಲಿ ಸುದ್ದಿ ಪ್ರಕಟವಾಗಿದ್ದು, ಇದರ ಪ್ರಕಾರ ಸೆಕ್ಸ್ ರಾಕೆಟ್ನಲ್ಲಿ ಭಾಗಿಯಾಗಿದ್ದ 8 ಮಂದಿಯನ್ನು ಡೆಹ್ರಾಡೂನ್ನ ಕ್ಲೆಮೆಂಟ್ ಟೌನ್ ಪೊಲೀಸರು ಬಂಧಿಸಿದ್ದರು ಎಂದು ವರದಿಯಾಗಿದೆ. ನಿವೃತ್ತ ಸೇನಾಧಿಕಾರಿಯೊಬ್ಬರ ಬಾಡಿಗೆ ಮನೆಯಲ್ಲೇ ಲೈಂಗಿಕ ದಂಧೆ ನಡೆಸಲಾಗುತ್ತಿದೆ ಎಂಬುದು ಪ್ರಕರಣದ ತನಿಖೆಯ ನಂತರ ತಿಳಿದುಬಂದಿತ್ತು.
ಇದನ್ನೂ ಓದಿ: ಹಳ್ಳಿಗೆ ಹೋಗಲು ಧಾವಂತ ಅವಮಾನದ ಆತಂಕ: ತಮ್ಮವರನ್ನೇ ಭೀತಿಯಿಂದ ನೋಡುವಂತಾಗಿಸಿದ ಕರೊನಾ
ಈ ಹಿಂದೆ 2018ರಲ್ಲಿ ಸ್ಥಳೀಯ ಕಾಶ್ಮೀರಿ ಹುಡುಗಿಯರು ಮತ್ತು ಉನ್ನತ ವ್ಯಕ್ತಿಗಳನ್ನು ಒಳಗೊಂಡ ಲೈಂಗಿಕ ದಂಧೆಯ ಕುಲ್ಗಾಮ್ನಲ್ಲಿ ನಡೆದಿದ್ದರ ಬಗ್ಗೆ ಸುದ್ದಿಯಾಗಿದ್ದವು. ಆದರೆ, ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಫೋಟೋ ಇದಕ್ಕೆ ಸಂಬಂಧಿಸಿದ್ದಲ್ಲ. ಅಲ್ಲದೆ, ಇತ್ತೀಚೆಗೆ ಯಾವುದೇ ಘಟನೆಯಾಗಲಿ ನಡೆದಿಲ್ಲ. ಅಪ್ರಪಚಾರ ಉದ್ದೇಶದಿಂದ ಫೋಟೋವನ್ನು ಹಿರಿಬಿಡಲಾಗಿದೆ. (ಏಜೆನ್ಸೀಸ್)
FACT CHECK| ಅಪ್ಪ ರಿಕ್ಷಾ ಓಡಿಸೋ ಏರಿಯಾದಲ್ಲೇ ಮಗಳು ಇನ್ಸ್ಪೆಕ್ಟರ್: ಸುದ್ದಿಯ ಅಸಲಿಯತ್ತೇ ಬೇರೆ!