ನವದೆಹಲಿ: ದುಬೈಗೆ ಹೋಗಿದ್ದ ಬಿಗ್ಬಾಸ್ನ ಸ್ಪರ್ಧಿ ಶೆಹನಾಝ್ ಗಿಲ್ ನೆಲದಲ್ಲಿ ಕೂತು ಊಟ ಮಾಡಿ ತಮ್ಮ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಶೆಹನಾಝ್ ಗಿಲ್, ಗುರುವಾರ (ಅ.27) ’48 ಹವರ್ಸ್ ಇನ್ ದುಬೈ’ ಎಂಬ ಹೆಸರಿನ ವಿಡಿಯೋ ಒಂದನ್ನು ಯೂಟ್ಯೂಬ್ನಲ್ಲಿ ಅಪ್ಲೋಡ್ ಮಾಡಿದ್ದರು. ಈ ವಿಡಿಯೋದಲ್ಲಿ ಅವರು ದುಬೈ ರಸ್ತೆಗಳಲ್ಲಿ ದಿನಸಿ ಸಾಮಗ್ರಿಯನ್ನು ಖರೀದಿಸುವುದರಿಂದ ಹಿಡಿದು ನೆಲದಲ್ಲಿ ಕೂತು ಊಟ ಮಾಡುವುದೂ ಸೆರೆ ಆಗಿದೆ.
ವಿಡಿಯೋ ಯೂಟ್ಯೂಬ್ನಲ್ಲಿ ಕಾಣಿಸಿಕೊಂಡ ಕೂಡಲೆ ಅಭಿಮಾನಿಗಳು ಹಾರ್ಟ್ ಇಮೋಜಿಯಿಂದ ಕಮೆಂಟ್ ವಿಭಾಗವನ್ನು ತುಂಬಿಸಿ ಬಿಟ್ಟರು. ಓರ್ವ ಅಭಿಮಾನಿ ‘ಇವರು ತುಂಬಾ ಸರಳ ವ್ಯಕ್ತಿ. ಇವರಿಗೆ ಖಂಡಿತ ಉತ್ತಮ ಭವಿಷ್ಯವಿದೆ. ದೇವರ ಆಶೀರ್ವಾದ ಇವರ ಮೇಲೆ ಸದಾ ಇರಲಿ’ ಎಂದು ಕಮೆಂಟ್ ಮಾಡಿದ್ದಾರೆ. (ಏಜೆನ್ಸೀಸ್)