ನವದೆಹಲಿ: ಕರೊನಾ ನಿರ್ವಹಣೆ ವಿಚಾರದಲ್ಲಿ ಕೇಂದ್ರ ಸರ್ಕಾರದ ವಿರುದ್ಧ ಮತ್ತೊಮ್ಮೆ ಹರಿಹಾಯ್ದಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಭಾರತಕ್ಕಿಂತ ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನವೇ ಕೋವಿಡ್-19 ಅನ್ನು ಉತ್ತಮವಾಗಿ ನಿಭಾಯಿಸುತ್ತಿವೆ ಎಂದು ಟೀಕಿಸಿದ್ದಾರೆ.
ಕರೊನಾ ಸಾಂಕ್ರಮಿಕದಿಂದಾಗಿ ಭಾರತದ ಆರ್ಥಿಕತೆ ಕುಸಿದಿದ್ದು, ಈ ವರ್ಷ ಶೇ. 10.3 ರಷ್ಟು ಭಾರಿ ಪ್ರಮಾಣದಲ್ಲಿ ಭಾರತದ ಆರ್ಥಿಕತೆ ಸಂಕುಚಿತಗೊಳ್ಳುವ ನಿರೀಕ್ಷೆಯಿದೆ ಎಂದು ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಹೇಳಿದೆ. ಇದರ ಬೆನ್ನಲ್ಲೇ ಐಎಂಎಫ್ ಅಭಿವೃದ್ಧಿ ದರ ಚಾರ್ಟ್ ಅನ್ನು ಟ್ಯಾಗ್ ಮಾಡಿ ರಾಹುಲ್ ಗಾಂಧಿ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ ವಿರುದ್ಧ ಕಿಡಿಕರಿದ್ದಾರೆ.
ರಾಹುಲ್ ಟ್ವೀಟ್ ಮಾಡಿರುವ ಚಾರ್ಟ್ ಪ್ರಕಾರ ಈ ವರ್ಷ ಭಾರತದ ಆರ್ಥಿಕತೆ ಶೇ. 10.3 ರಷ್ಟು ಸಂಕುಚಿತಗೊಳ್ಳುವ ನಿರೀಕ್ಷೆಯಿದೆ. ಚೀನಾ, ಭೂತಾನ್, ಪಾಕಿಸ್ತಾನ, ಶ್ರೀಲಂಕಾ, ಬಾಂಗ್ಲಾದೇಶ, ಮಯನ್ಮಾರ್, ನೇಪಾಳ ಮತ್ತು ಅಫ್ಘಾನಿಸ್ತಾನ ಸೇರಿದಂತೆ ಇತರೆ ದೇಶಗಳಿಗೆ ಹೋಲಿಸಿದರೆ ನಮ್ಮ ದೇಶದ ಆರ್ಥಿಕತೆ ಹೆಚ್ಚು ಸಂಕುಚಿತಗೊಳ್ಳಲಿದೆ.
ಇದನ್ನೂ ಓದಿ: ಮತಾಂತರಗೊಂಡು ಹೆಣವಾದ ಯುವತಿ! ನ್ಯಾಯಕ್ಕಾಗಿ ಸಿಎಂ ಯೋಗಿ ಮೊರೆ ಹೋಗಿ ಬೆಂಕಿಹಚ್ಚಿಕೊಂಡಳು…
ಈ ಬಗ್ಗೆ ಬರೆದುಕೊಂಡಿರುವ ರಾಹುಲ್, ಇದು ಬಿಜೆಪಿ ಸರ್ಕಾರ ಮತ್ತೊಂದು ಸಾಧನೆಯಾಗಿದೆ. ಭಾರತಕ್ಕಿಂತ ಪಾಕಿಸ್ತಾನ ಮತ್ತು ಅಘ್ಘಾನಿಸ್ತಾನವೇ ಕರೊನಾವನ್ನು ಚೆನ್ನಾಗಿ ನಿಭಾಯಿಸಿವೆ ಎಂದಿದ್ದಾರೆ.
Another solid achievement by the BJP government.
Even Pakistan and Afghanistan handled Covid better than India. pic.twitter.com/C2kILrvWUG
— Rahul Gandhi (@RahulGandhi) October 16, 2020
ಇನ್ನು ಭಾರತದ ಆರ್ಥಿಕತೆ ನಿಶ್ಚಲವೇನಲ್ಲ ಎಂದು ಇದೇ ಐಎಂಎಫ್ ಇತ್ತೀಚಿನ “ವರ್ಲ್ಡ್ ಎಕನಾಮಿಕ್ ಔಟ್ಲುಕ್” ವರದಿಯಲ್ಲಿ ಹೇಳಿದೆ. 2021ರ ವೇಳೆಗೆ ಶೇ. 8.8ರಷ್ಟು ಬೆಳವಣಿಗೆಯೊಂದಿಗೆ ಆರ್ಥಿಕತೆ ತನ್ನ ಅಭಿವೃದ್ಧಿ ಹಾದಿಗೆ ಮರಳಲಿದ್ದು, ಚೀನಾ ಯೋಜಿತ ಬೆಳವಣಿಗೆ ದರ 8.2 ರಷ್ಟನ್ನು ಹಿಂದಿಕ್ಕಲಿದೆ ಎಂದು ಐಎಂಎಫ್ ಹೇಳಿದೆ. (ಏಜೆನ್ಸೀಸ್)
ಎಫ್ಎಒ 75ನೇ ವಾರ್ಷಿಕೋತ್ಸವ ಸ್ಮರಣಾರ್ಥ ನಾಣ್ಯ ಬಿಡುಗಡೆ ಮಾಡಿದ್ರು ಪ್ರಧಾನಿ ಮೋದಿ