ನವದೆಹಲಿ : ‘ಜೈಕೋವಿ-ಡಿ’ ಎಂಬ ತನ್ನ ಕರೊನಾ ಲಸಿಕೆಗೆ ತುರ್ತು ಬಳಕೆ ಪರವಾನಗಿಗಾಗಿ ಜೈಡಸ್ ಕಾಡಿಲಾ ಔಷಧ ಕಂಪೆನಿ ಅರ್ಜಿ ಸಲ್ಲಿಸಿದೆ. ಈ ನಿಟ್ಟಿನಲ್ಲಿ ಈ ಪ್ಲಾಸ್ಮಿಡ್ ಡಿಎನ್ಎ ವ್ಯಾಕ್ಸಿನ್ನಿನ ಪ್ರಯೋಗಗಳ ಫಲಿತಾಂಶಗಳನ್ನು ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯ(ಡಿಸಿಜಿಐ) ಕಛೇರಿಗೆ ಸಲ್ಲಿಸಿದೆ ಎಂದು ಕಂಪೆನಿ ಸುದ್ದಿಗಾರರಿಗೆ ತಿಳಿಸಿದೆ.
ಜೈಕೋವಿ-ಡಿ ಲಸಿಕೆಗೆ 50ಕ್ಕೂ ಹೆಚ್ಚು ಕೇಂದ್ರಗಳಲ್ಲಿ ಅತಿದೊಡ್ಡ ಪ್ರಮಾಣದ ಕ್ಲಿನಿಕಲ್ ಟ್ರಯಲ್ಅನ್ನು ನಡೆಸಲಾಗಿದೆ. ಲಸಿಕೆಯನ್ನು 12 ರಿಂದ 18 ವರ್ಷ ವಯೋಮಾನದವರ ಮೇಲೂ ಪ್ರಯೋಗ ಮಾಡಲಾಗಿದ್ದು, ಈ ಗುಂಪಿನಲ್ಲಿ 1000 ಜನರು ಲಸಿಕೆ ಪಡೆದಿದ್ದಾರೆ. ಈ ವಯೋಮಾನದ ಅಭ್ಯರ್ಥಿಗಳಿಗೆ ಮತ್ತು ವಯಸ್ಕರಿಗೆ ಲಸಿಕೆಯು ಸುರಕ್ಷಿತ ಮತ್ತು ಪರಿಣಾಮಕಾರಿ ಎಂದು ತಿಳಿದುಬಂದಿದೆ ಎನ್ನಲಾಗಿದೆ.
ಇದನ್ನೂ ಓದಿ: ವರನಿಗೆ ಮದುವೆಯಾಗೋ ಅರ್ಜೆಂಟು: ಹಾರ ಬದಲಾಯಿಸುವಾಗ ಎಡವಟ್ಟು- ಮುಂದೇನಾಯ್ತು ನೋಡಿ…
ಈ ಲಸಿಕೆಗೆ ಪರವಾನಗಿ ಸಿಕ್ಕಲ್ಲಿ ಇದು 12 ರಿಂದ 18 ವರ್ಷದ ಗುಂಪಿನ ಜನರಿಗೆ ಭಾರತದಲ್ಲಿ ಲಭ್ಯವಾಗುವ ಮೊದಲ ಲಸಿಕೆಯಾಗಲಿದೆ. ಕೋವಿಶೀಲ್ಡ್ ಮತ್ತು ಕೋವಾಕ್ಸಿನ್ನ ನಂತರ ಅನುಮೋದನೆ ಗಳಿಸುವ ಮೂರನೇ ದೇಶೀಯ ಕರೊನಾ ಲಸಿಕೆಯಾಗಲಿದೆ. (ಏಜೆನ್ಸೀಸ್)
ಜೂಡೋ ಕ್ಲಾಸಲ್ಲಿ ಪೆಟ್ಟುತಿಂದು ಕೋಮಾಗೆ ಜಾರಿದ್ದ ಬಾಲಕನ ಸಾವು; ಶಿಕ್ಷಕನಿಂದ ನಡೆದಿತ್ತು ಘೋರ ಅನರ್ಥ!