ನವದೆಹಲಿ: ಇತ್ತೀಚೆಗೆ ಟ್ವಿಟರ್ ಸಂಸ್ಥೆ ಸಾವಿರಾರು ಉದ್ಯೋಗಿಗಳನ್ನು ವಜಾಗೊಳಿಸಿ ಭಾರಿ ಸುದ್ದಿಇಗೆ ಗ್ರಾಸವಾಗಿತ್ತು. ಸಂಸ್ಥೆ ಮಾಲೀಕ, ಎಲಾನ್ ಮಸ್ಕ್ ತಮ್ಮ ಅನೇಕ ವಿಚಿತ್ರ ನಿರ್ಧಾರಗಳಿಂದಾ ವಿಶ್ವಾದ್ಯಂತ ಟೀಕೆಗೆ ಗುರಿಯಾಗಿದ್ದರು. ಇದೀಗ ಇಷ್ಟೆಲ್ಲಾ ರಾದ್ಧಾಂತದ ನಂತರ ಟ್ವಿಟರ್ ನೌಕರರು ಸ್ವಂತ ಟಾಯ್ಲೆಟ್ ಪೇಪರ್ ತಂದು ಕಛೇರಿಯಲ್ಲಿ ಬಳಸುತ್ತಿದ್ದಾರೆ!
ಇದಕ್ಕೆ ಕಾರಣ ಕೂಡ ಇದೆ. ಹಣ ಉಳಿಸಲು ಇವರು ಇತ್ತೀಚೆಗೆ ತಮ್ಮ ಕಛೇರಿಯ ಹೌಸ್ಕೀಪಿಂಗ್ ಸಿಬ್ಬಂದಿ ಹಾಗೂ ಸ್ವಚ್ಛತಾಕರ್ಮಿಗಳನ್ನೂ ಕೆಲಸದಿಂದ ಕಿತ್ತು ಹಾಕಿದ್ದರು!
ಈ ಕ್ರಮಗಳ ಬಗ್ಗೆ ತಿಳಿದಿರುವ ಜನರು ಕ್ಯಾಲಿಫೋರ್ನಿಯಾ ಕಚೇರಿ ಈಗ ಅವ್ಯವಸ್ಥೆಯಲ್ಲಿದೆ ಎಂದು ಹೇಳುತ್ತಿದ್ದಾರೆ. ನಾಲ್ವರು ಹಾಲಿ ಮತ್ತು ಮಾಜಿ ಉದ್ಯೋಗಿಗಳ ಪ್ರಕಾರ ಹೆಚ್ಚು ಸೀಮಿತ ಸ್ಥಳಗಳಲ್ಲಿ ಜನರು ತುಂಬಿರುವುದರಿಂದ, ಕಛೇರಿ ವಾಸನೆ ಹೊಡೆಯುತ್ತಿದೆ. ಬಾತ್ರೂಮ್ಗಳಲ್ಲಿ ಕೊಳಕು ತುಂಬಿದ್ದು ಕೆಲವು ಕೆಲಸಗಾರರು ತಮ್ಮ ಸ್ವಂತ ಟಾಯ್ಲೆಟ್ ಪೇಪರ್‌ಗಳನ್ನು ಮನೆಯಿಂದ ತರಲು ಶುರುಮಾಡಿದ್ದಾರೆ.
ಈ ಪ್ರಕರಣ ನಿಜವೇ ಎಂದು ಟ್ವಿಟರ್‌ನಲ್ಲಿ ಪ್ರಶ್ನಿಸಿದ್ದಾಗ, ಎಲಾನ್ ಮಸ್ಕ್ ಅದನ್ನು ಖಚಿತಪಡಿಸಿದ್ದಾರೆ. ತಮ್ಮ ಟ್ವೀಟ್ನಲ್ಲಿ “BYOTP! LOL, ಅರ್ಧ ದಿನ ಈ ಪರಿಸ್ಥಿತಿ ನಿಜವಾಗಿತ್ತು’ ಎಂದಿದ್ದಾರೆ. (ಏಜೆನ್ಸೀಸ್)