ಟಿ-20 ವಿಶ್ವಕಪ್​: ತಂಡದಲ್ಲಿ ಇವರಿಗೆ ಸ್ಥಾನ ಕೊಡಿ, ಆತ ಬೇಡ! ಅಭಿಪ್ರಾಯ ಹೊರಹಾಕಿದ ಕ್ರಿಕೆಟ್ ಫ್ಯಾನ್ಸ್​

ನವದೆಹಲಿ: ಜೂನ್​ ತಿಂಗಳಿನಿಂದ ಪ್ರಾರಂಭವಾಗಲಿರುವ ಬಹುನಿರೀಕ್ಷಿತ ಟಿ-20 ವಿಶ್ವಕಪ್​ಗೆ ಈಗಾಗಲೇ ಟೀಂ ಇಂಡಿಯಾದ ಸಂಭವನೀಯ ಪಟ್ಟಿ ಹೊರಬಿದ್ದಿದೆ. ಆದರೆ, 15 ಆಟಗಾರರ ಸಂಪೂರ್ಣ ಅಧಿಕೃತ ಪಟ್ಟಿಗೆ ಕ್ಷಣಗಣನೆ ಶುರುವಾಗಿದೆ. ಯಾರನ್ನೆಲ್ಲಾ ಆಯ್ಕೆ ಮಾಡಿಕೊಳ್ಳಬೇಕು, ಯಾರಿಗೆ ಸ್ಥಾನ ಕೊಡಬೇಕು ಎಂಬುದರ ಕುರಿತು ಮುಂಬೈನಲ್ಲಿ ಬಿಸಿಸಿಐ ಚೀಫ್ ಸೆಲೆಕ್ಟರ್​ಗಳು ಚರ್ಚಿಸುತ್ತಿದ್ದಾರೆ. ಈ ಬಾರಿಯ ಐಪಿಎಲ್​ನಲ್ಲಿ ಉತ್ತಮ ಪ್ರದರ್ಶನ ಕೊಟ್ಟವರಿಗೆ ಮೊದಲ ಆದ್ಯತೆ ಸಿಕ್ಕಿದೆಯೇ? ಎಂಬುದು ಶೀಘ್ರವೇ ತಿಳಿಯಲಿದೆ.

ಇದನ್ನೂ ಓದಿ: ಪ್ರಜ್ವಲ್​​ ರೇವಣ್ಣ ಪೆನ್‌ಡ್ರೈವ್ ಕೇಸ್​ಗೆ ಬಿಗ್ ಟ್ವಿಸ್ಟ್: ಮಾಜಿ ಕಾರು ಚಾಲಕನಿಂದ ಸ್ಫೋಟಕ ಹೇಳಿಕೆ

ವರದಿಗಳ ಪ್ರಕಾರ, ಬಿಸಿಸಿಐನ ಮುಖ್ಯ ಆಯ್ಕೆಗಾರ, ಮಾಜಿ ಟೀಂ ಇಂಡಿಯಾ ಆಟಗಾರರಾದ ಅಜಿತ್ ಅಗರ್ಕರ್ ಮತ್ತು ಕೆಲವು ಬಿಸಿಸಿಐ ಅಧಿಕಾರಿಗಳು ದೀರ್ಘಕಾಲದ ಚರ್ಚೆ ನಡೆಸುತ್ತಿದ್ದು, ಶೀಘ್ರವೇ 15 ಆಟಗಾರರ ತಂಡವನ್ನು ಪ್ರಕಟಿಸಲು ಎದುರುನೋಡುತ್ತಿದೆ. ಟಾಪ್ ಆರ್ಡರ್​​ನಲ್ಲಿ ರೋಹಿತ್ ಶರ್ಮಾ, ಯಶಸ್ವಿ ಜೈಸ್ವಾಲ್​, ಸೂರ್ಯಕುಮಾರ್​ ಯಾದವ್, ವಿರಾಟ್ ಕೊಹ್ಲಿ ಇದ್ದರೆ. ಮಧ್ಯಮ ಕ್ರಮಾಂಕದಲ್ಲಿ ರಿಷಭ್ ಪಂತ್, ಹಾರ್ದಿಕ್ ಪಾಂಡ್ಯ ಮತ್ತು ರವೀಂದ್ರ ಜಡೇಜಾ ಇರಲಿದ್ದಾರೆ ಎಂದು ಹೇಳಲಾಗಿದೆ.

ಇದೆಲ್ಲದರ ಮಧ್ಯೆ ಐಪಿಎಲ್​ನಲ್ಲಿ ಭರ್ಜರಿ ಪ್ರದರ್ಶನ ನೀಡುತ್ತಿರುವ ಶಿವಂ ದುಬೆ, ರಿಂಕು ಸಿಂಗ್​, ಕೆ.ಎಲ್. ರಾಹುಲ್, ಯಜುವೇಂದ್ರ ಚಹಲ್, ಶುಭಮನ್ ಗಿಲ್​, ಕುಲ್​ದೀಪ್ ಯಾದವ್, ಸಂಜು ಸ್ಯಾಮ್​ಸನ್​ ಆಯ್ಕೆಗಾರರ ಗಮನದಲ್ಲಿದ್ದಾರೆ. ತಂಡದಲ್ಲಿ ಶುಭಮನ್​ ಗಿಲ್​ಗೆ ಅವಕಾಶ ಸಿಗುವುದು ಬಹುತೇಕ ಡೌಟ್​ ಇದ್ದು, ಎರಡನೇ ವಿಕೆಟ್ ಕೀಪರ್​ ಸ್ಥಾನಕ್ಕೆ ರಾಹುಲ್ ಮತ್ತು ಸಂಜು ಮಧ್ಯೆ ಟಫ್ ಫೈಟ್​ ಇದೆ.

ಇದನ್ನೂ ಓದಿ: ಈ ಓವರ್​ ಆ್ಯಕ್ಷನ್ ಬೇಡ ನಮ್ಮ ನಿರೀಕ್ಷೆಯೇ ಬೇರೆ! ಮಾಕ್ಸಿಗೆ ಆರ್​ಸಿಬಿ ಅಭಿಮಾನಿಗಳಿಂದ ಕ್ಲಾಸ್​

ವರದಿಗಳ ಪ್ರಕಾರ, ಸ್ಪಿನ್ ವಿಭಾಗದಲ್ಲಿ ಕುಲ್​ದೀಪ್ ಯಾದವ್ ಮೊದಲ ಚಾಯ್ಸ್​ ಆಗಿದ್ದರೆ, ಐಪಿಎಲ್​ನಲ್ಲಿ ಪ್ರಮುಖ ವಿಕೆಟ್​ ಟೇಕರ್​ ಆಗಿ ಮಿಂಚುತ್ತಿರುವ ಯಜುವೇಂದ್ರ ಚಹಲ್​ರನ್ನು ಆಯ್ಕೆ ಮಾಡಿಕೊಳ್ಳುವುದು ಅನುಮಾನ ಎಂದು ವರದಿ ಉಲ್ಲೇಖಿಸಿದೆ. ಇತ್ತೀಚೆಗೆ ನಡೆದ ಕ್ರಿಕೆಟ್ ಫ್ಯಾನ್ಸ್​ಗಳ ವೋಟಿಂಗ್​ ಪ್ರಕಾರ, ಈ ಬಾರಿಯ ಲೀಗ್​ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿರುವ ರಿಷಭ್ ಪಂತ್​ಗೆ ಅವಕಾಶ ಸಿಗಲಿ ಎಂದು ಒಂದಷ್ಟು ಜನ ಅಭಿಪ್ರಾಯಿಸಿದರೆ, ಹಾರ್ದಿಕ್ ಪಾಂಡ್ಯ ತಂಡದ ಭಾಗವಾಗಿರುವುದು ಬೇಡ ಎಂದು ಮತ್ತೊಂದಷ್ಟು ಅಭಿಮಾನಿಗಳು ತಿಳಿಸಿದ್ದಾರೆ,(ಏಜೆನ್ಸೀಸ್). 

https://www.vijayavani.net/hardik-pandya-blames-tilak-varma

https://www.vijayavani.net/this-guy-will-take-dhoni-place-in-team-india