ನವದೆಹಲಿ: ಇಂದಿನ ದಿನಗಳಲ್ಲಿ ಎಲ್ಲವೂ ವಿದ್ಯುತ್‌ನಿಂದಲೇ ನಡೆಯುವಂತಾಗಿದೆ. ಎಲೆಕ್ಟ್ರಿಕ್ ಕುಕ್ಕರ್, ಎಲೆಕ್ಟ್ರಿಕ್ ಸ್ಟೌ, ಎಲೆಕ್ಟ್ರಿಕ್ ಕೆಟಲ್ ನಂತರ ಈಗ ಎಲೆಕ್ಟ್ರಿಕ್ ಚಮಚವೂ ಮಾರುಕಟ್ಟೆಗೆ ಬಂದಿದೆ. ಈ ಚಮಚ ಹೇಗಿದೆ ಬೆಲೆ ಎಷ್ಟು ಎನ್ನುವ ಕುರಿತಾಗಿ ಸಂಪೂರ್ಣವಾದ ಮಾಹಿತಿ ಇಲ್ಲಿದೆ…
ಚಮಚವನ್ನು ಜಪಾನಿನ ಕಂಪನಿ ತಯಾರಿಸಿದೆ. ಈ ಕಂಪನಿಯ ಹೆಸರು ಕಿರಿನ್ ಹೋಲ್ಡಿಂಗ್ಸ್. ಈ ಚಮಚಕ್ಕೆ ಹೆಚ್ಚುವರಿ ಸೋಡಿಯಂ ಇಲ್ಲದೆ ಉಪ್ಪಿನ ರುಚಿಯನ್ನು ಉಳಿಸಿಕೊಳ್ಳುತ್ತದೆ. ಅಂತಾ ಒಂದು ಟೆಕ್ನಾಲಜಿ ಈ ಚಮಚದಲ್ಲಿದೆ ಎಂದು ಕಂಪನಿಯ ಸಂಶೋಧಕರು ಹೇಳುತ್ತಾರೆ. ಇದರಿಂದಾಗಿ ಆಹಾರವು ಹೆಚ್ಚು ಆರೋಗ್ಯಕರವಾಗಿರುತ್ತದೆ.
This Electric Salt Spoon can apparently enhance salty tastes, which researchers claim can help users cut down on sodium consumption and promote a healthier diet https://t.co/mTsv0DWbIZ pic.twitter.com/IH8Rxefrg3
— Reuters (@Reuters) May 21, 2024
ಕಿರಿನ್ ಕಂಪನಿ ಆನ್‌ಲೈನ್ ಮಾರುಕಟ್ಟೆಯಲ್ಲಿ ಈ ಚಮಚವನ್ನು ಮಾರಾಟ ಮಾಡಲು ಸಿದ್ಧವಾಗಿದೆ. 10500 ರೂಪಾಯಿಗಳಿಗೆ ಲಭ್ಯವಿರುತ್ತದೆ. ಚಮಚವು 60 ಗ್ರಾಂ ತೂಗುತ್ತದೆ. ಬ್ಯಾಟರಿಯಿಂದ ಚಾಲಿತವಾಗಿದೆ. ಮುಂದಿನ 5 ವರ್ಷಗಳಲ್ಲಿ 1 ಮಿಲಿಯನ್ ಗ್ರಾಹಕರಿಗೆ ತನ್ನ ಸ್ಪೂನ್‌ಗಳನ್ನು ಮಾರಾಟ ಮಾಡುವುದು ಕಂಪನಿಯ ಗುರಿಯಾಗಿದೆ. ಪ್ರಸ್ತುತ ಇದು ಜಪಾನ್‌ನಲ್ಲಿ ಮಾರಾಟವಾಗಲಿದ್ದು, ಮುಂದಿನ ವರ್ಷದ ವೇಳೆಗೆ ಇದು ವಿದೇಶದಲ್ಲಿ ಮಾರಾಟ ಮಾಡಲು ಪ್ರಾರಂಭಿಸುತ್ತದೆ. ಈ ಚಮಚವನ್ನು ಪ್ಲಾಸ್ಟಿಕ್ ಮತ್ತು ಲೋಹದಿಂದ ತಯಾರಿಸಲಾಗುತ್ತದೆ. ಇದು ಕಂಪನಿಯು ಮೀಜಿ ವಿಶ್ವವಿದ್ಯಾಲಯದ ಪ್ರೊಫೆಸರ್ ಹೋಮಿ ಮಿಯಾಶಿತಾ ಅವರ ಸಹಯೋಗದೊಂದಿಗೆ ರಚಿಸಿದೆ.
ಈ ಚಮಚವನ್ನು ತಯಾರಿಸುವ ಕಿರಿನ್ ಕಂಪನಿಯು ಜಪಾನ್‌ನ ಪ್ರತಿಯೊಬ್ಬ ವ್ಯಕ್ತಿಯು ಪ್ರತಿದಿನ ಸುಮಾರು 10 ಗ್ರಾಂ ಉಪ್ಪನ್ನು ತಿನ್ನುತ್ತಾನೆ ಎಂದು ಹೇಳುತ್ತದೆ, ಆದರೆ ವಿಶ್ವ ಆರೋಗ್ಯ ಸಂಸ್ಥೆಯು ಅರ್ಧದಷ್ಟು ಉಪ್ಪನ್ನು ತಿನ್ನಲು ಶಿಫಾರಸು ಮಾಡುತ್ತದೆ. ಹೆಚ್ಚು ಉಪ್ಪನ್ನು ಸೇವಿಸುವುದರಿಂದ ರಕ್ತದೊತ್ತಡ, ಪಾರ್ಶ್ವವಾಯು ಮತ್ತು ಇತರ ಕಾಯಿಲೆಗಳು ಹೆಚ್ಚಾಗುವ ಸಾಧ್ಯತೆಯಿದೆ. ಹೀಗಾಗಿ ಈ ಸ್ಪೂನ್ ಆಹಾರದಲ್ಲಿ ಉಪ್ಪು ಹೆಚ್ಚಿದ್ದರೆ ಕಡಿಮೆ ಮಾಡುವ ಹಾಗೂಕಡಿಮೆ ಇದ್ದರೆ ಹೆಚ್ಚು ಮಾಡುವ ಲಕ್ಷಣ ಹೊಂದಿದೆ ಎನ್ನಲಾಗಿದೆ.
ಈ ಚಮಚದೊಂದಿಗೆ ತಿನ್ನುವುದರಿಂದ ಅನೇಕ ಪ್ರಯೋಜನಗಳಿವೆ, ಮೊದಲನೆಯದು ನಿಮ್ಮ ಆರೋಗ್ಯಕ್ಕೆ ಅನುಗುಣವಾಗಿ ಉಪ್ಪನ್ನು ತಿನ್ನಲು ಸಾಧ್ಯವಾಗುತ್ತದೆ. ಈ ಚಮಚದೊಂದಿಗೆ ನೀವು ಹೆಚ್ಚು ಉಪ್ಪನ್ನು ತಿನ್ನಲು ಸಾಧ್ಯವಿಲ್ಲ. ಕಿರಿನ್ ಹೆಸರಿನ ಈ ಕಂಪನಿಯು ಇಲ್ಲಿಯವರೆಗೆ ಬಿಯರ್ ವ್ಯವಹಾರವನ್ನು ಮಾಡುತ್ತಿದ್ದರೂ, ಈ ಕಂಪನಿಯು ಈಗ ಆರೋಗ್ಯ ಉತ್ಪನ್ನಗಳ ತಯಾರಿಕೆಗೆ ಗಮನ ಹರಿಸಿದೆ.
ಮಕ್ಕಳೊಂದಿಗೆ ಮೋಜಿಗಾಗಿ ಬೀಚ್‌ಗೆ ಹೋದಳು, ತಿಳಿಯದೆ ಮಾಡಿದ ಕೆಲಸಕ್ಕೆ ರೂ. 73 ಲಕ್ಷ ದಂಡ ಕಟ್ಟಿದ ತಾಯಿ!