ಮುಂಬೈ: ಭಾರತ ಕ್ರಿಕೆಟ್ ತಂಡದ ಮಾಜಿ ವೇಗದ ಬೌಲರ್ ಜಹೀರ್ ಖಾನ್ಗೆ ಪದ್ಮಶ್ರೀ ಪ್ರಶಸ್ತಿ ಸಂದಿದೆ.
ತಮಗೆ ದೇಶದ ಉನ್ನತ ಗೌರವ ಸಿಕ್ಕಿದ್ದರ ಬಗ್ಗೆ ಟ್ವೀಟ್ ಮೂಲಕ ಅವರು ಕೃತಜ್ಞತೆ ಹೇಳಿದ್ದಾರೆ.
ನನಗೆ ಸಿಕ್ಕ ದೇಶದ ಅತ್ಯುನ್ನತ ನಾಗರಿಕ ಪ್ರಶಸ್ತಿಗಳಲ್ಲಿ ಒಂದಾದ ಪದ್ಮಶ್ರೀ ಪುರಸ್ಕಾರಕ್ಕೆ ವಿಧೇಯನಾಗಿದ್ದೇನೆ ಎಂದಿದ್ದಾರೆ.
ಈ ದೇಶಕ್ಕಾಗಿ ಕ್ರಿಕೆಟ್ ಆಡುವುದು ನನ್ನ ಕನಸಾಗಿತ್ತು. ಆ ಅವಕಾಶ ಸಿಕ್ಕಿದ್ದಕ್ಕೆ ಕೃತಜ್ಞನಾಗಿದ್ದೇನೆ. ಭಾರತದ ಜೆರ್ಸಿಯನ್ನು ಧರಿಸಿ ಆಟವಾಡುವುದೇ ನನ್ನ ಪಾಲಿಗೆ ದೊಡ್ಡ ಹೆಮ್ಮೆಯಾಗಿತ್ತು. ಅದೊಂದು ಗೌರವವಾಗಿತ್ತು. ನನ್ನ ತಂಡದ ಉಳಿದ ಆಟಗಾರರಂತೆ ನಾನೂ ಕೂಡ ನನ್ನ ಕೈಲಾದಷ್ಟು ಉತ್ತಮವಾಗಿ ಆಟವಾಡಿದ್ದೇನೆ ಎಂದು ಜಹೀರ್ ಖಾನ್ ಟ್ವೀಟ್ ಮಾಡಿದ್ದಾರೆ.
ಪ್ರತಿ ಗೆಲುವಿನ ಕ್ಷಣಗಳೂ ನನ್ನ ಮನಸಲ್ಲಿ ಅಚ್ಚೊತ್ತಿವೆ. ಅವೆಲ್ಲ ನನ್ನ ಪಾಲಿಗೆ ಸ್ಮರಣೀಯ ಸಂದರ್ಭಗಳು. ಪ್ರತಿಯೊಬ್ಬರಿಗೂ ಧನ್ಯವಾದಗಳು ಎಂದು ಹೇಳಿದ್ದಾರೆ.(ಏಜೆನ್ಸೀಸ್)
🙏 #PadmaAwards2020 @PadmaAwards pic.twitter.com/1obGo2ESuw
— zaheer khan (@ImZaheer) January 26, 2020