ನವದೆಹಲಿ: ದೇಶದಲ್ಲಿ 122 ವರ್ಷಗಳ ಬಳಿಕ ಅತ್ಯಧಿಕ ಮಾಸಿಕ ಸರಾಸರಿ ಉಷ್ಣಾಂಶ ಕಂಡುಬಂದಿದ್ದು, ಈ ಸಲದ ಮಾರ್ಚ್ ಭಯಂಕರ ತಾಪಮಾನದ ವಿದ್ಯಮಾನಕ್ಕೆ ಸಾಕ್ಷಿಯಾಗಿದೆ.
ಅಂದರೆ 1901ರ ಮಾರ್ಚ್ನಲ್ಲಿ ಮಾಸಿಕ ಸರಾಸರಿ ಉಷ್ಣಾಂಶ 33.1 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದ್ದು, ಅದಾಗಿ 122 ವರ್ಷಗಳ ಬಳಿಕ ಈ ಸಲ ಮತ್ತೆ ಅಷ್ಟೇ ಮಾಸಿಕ ಸರಾಸರಿ ಉಷ್ಣಾಂಶ ಕಂಡುಬಂದಿದೆ. ಇನ್ನು ಈ ಗರಿಷ್ಠ ತಾಪಮಾನ ಏಪ್ರಿಲ್ನ 10-15ರ ವರೆಗೂ ಮುಂದುವರಿಯಲಿದೆ. ಮಾತ್ರವಲ್ಲ, ಅಧಿಕ ತಾಪಮಾನದಿಂದ ವಾಯವ್ಯ ಭಾರತ ಅತಿಹೆಚ್ಚು ಬಾಧಿಸಲ್ಪಡಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.
ಅತಿಯಾದ ಒಣಹವೆ ಹಾಗೂ ಶಾಖದ ಅಲೆಗಳ ಪರಿಣಾಮವಾಗಿ ಕಾಳ್ಗಿಚ್ಚು ಉಂಟಾಗುವ ಸಾಧ್ಯತೆಗಳಿದ್ದು, ಆ ಬಗ್ಗೆ ಅರಣ್ಯ ಇಲಾಖೆಗೂ ಹವಾಮಾನ ಅಧಿಕಾರಿಗಳು ಮುನ್ನೆಚ್ಚರಿಕೆ ನೀಡಿದ್ದಾರೆ.
ಇನ್ನು ದೆಹಲಿಯಲ್ಲಿ ನಾಲ್ಕು ವರ್ಷಗಳ ಬಳಿಕ ಮಾರ್ಚ್ ಡ್ರೈ ಅನಿಸಿಕೊಂಡಿದೆ. ಅಂದರೆ ಕಳೆದ ನಾಲ್ಕು ವರ್ಷಗಳಿಂದ ದೆಹಲಿಯಲ್ಲಿ ಮಾರ್ಚ್ನಲ್ಲಿ ಮಳೆ ಆಗುತ್ತಿದ್ದು, ಈ ಸಲದ ಮಾರ್ಚ್ನಲ್ಲಿ ಒಮ್ಮೆಯೂ ಮಳೆಯಾಗದಿರುವುದು ವರದಿಯಾಗಿದೆ. ಅದರಲ್ಲೂ ಕಳೆದ 120 ವರ್ಷಗಳಲ್ಲಿ ಕೇವಲ 12 ಸಲ ಮಾತ್ರ ಇಂಥ ಡ್ರೈ ಮಾರ್ಚ್ ಕಂಡುಬಂದಿದೆ ಎಂದು ಹವಮಾನ ಇಲಾಖೆ ತಿಳಿಸಿದೆ.
122 ವರ್ಷಗಳಲ್ಲಿ ಯಾವತ್ತೂ ಇರಲಿಲ್ಲ ಇಷ್ಟೊಂದು ತಾಪಮಾನ!; ದಾಖಲೆಯ ಉಷ್ಣಾಂಶ ದಾಖಲು..
ಅಂಬಾನಿಯನ್ನು ಹಿಂದಿಕ್ಕಿದ ಅದಾನಿ; ಗೌತಮ್ ಈಗ ಏಷ್ಯಾದ ಅತಿ ಶ್ರೀಮಂತ..