ಬ್ಯಾಕ್​ಪ್ಯಾಕಲ್ಲಿ ವಿದೇಶಕ್ಕೆ ಹ್ಯಾಶಿಶ್​ ಆಯಿಲ್ ಸಾಗಣೆ ! ಇಬ್ಬರ ಬಂಧನ

ಬೆಂಗಳೂರು : ಅಂತರಾಷ್ಟ್ರೀಯ ಮಾದಕ ವಸ್ತು ಸರಬರಾಜು ಜಾಲವೊಂದನ್ನು ಬೆಂಗಳೂರು ವಲಯದ ಎನ್.ಸಿ.ಬಿ. ಅಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ಮಾದಕ ಪದಾರ್ಥವಾದ ಹ್ಯಾಶಿಶ್​ ಆಯಿಲ್​ಅನ್ನು ಪರದೇಶಗಳಿಗೆ ಸಾಗಿಸುವ ಕೃತ್ಯದಲ್ಲಿ ತೊಡಗಿದ್ದ ಈರ್ವರನ್ನು ಬಂಧಿಸಿದ್ದಾರೆ.

ಜೂನ್ 4 ರಂದು ಕತಾರ್​ಗೆ ಕಳಿಸಲಾಗುತ್ತಿದ್ದ ಮಾದಕ ವಸ್ತುಗಳನ್ನು ಕಾರ್ಯಾಚರಣೆ ನಡೆಸಿ ಎನ್.ಸಿ.ಬಿ. ಪತ್ತೆ ಹಚ್ಚಿತ್ತು. 13 ಬ್ಯಾಕ್ ಪ್ಯಾಕ್​ಗಳಲ್ಲಿ 1.2 ಕೆ.ಜಿ ಹ್ಯಾಶಿಶ್ ಆಯಿಲ್ಅನ್ನು ವಶಪಡಿಸಿಕೊಂಡಿತ್ತು. ತನಿಖೆ ಮುಂದುವರೆಸಿದ ಎನ್​ಸಿಬಿ ಅಧಿಕಾರಿಗಳು, ಇಬ್ಬರು ಆರೋಪಿಗಳನ್ನು ಬಂಧಿಸಿದರು. ಕತಾರ್, ಮಾಲ್ಡೀವ್ಸ್, ಶ್ರೀಲಂಕಾಗೆ ಮಾದಕ ವಸ್ತುಗಳ ಸರಬರಾಜು ಮಾಡುತ್ತಿದ್ದ ಆರ್.ಖಾನ್ ಹಾಗೂ ಎಸ್.ಹುಸೈನ್ ಬಂಧಿತರು.

ಇದನ್ನೂ ಓದಿ: ದೇಶವನ್ನುದ್ದೇಶಿಸಿ ಇಂದು ಪ್ರಧಾನಿ ಮೋದಿ ಭಾಷಣ: ಜನತೆಯಲ್ಲಿ ತೀವ್ರ ಕುತೂಹಲ

ಆರೋಪಿಗಳ ಬಳಿಯಿಂದ 2.6 ಕೆಜಿ ಹ್ಯಾಶಿಶ್ ಆಯಿಲ್ ಜಪ್ತಿಪಡಿಸಿಕೊಂಡಿದ್ದು, ಎನ್.ಡಿ.ಪಿ.ಎಸ್. ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಈ ಮಾದಕ ಪದಾರ್ಥವನ್ನು ಕಾಸರಗೋಡಿನಿಂದ ಕತಾರ್​​ಗೆ ಸರಬರಾಜು ಮಾಡುತ್ತಿದ್ದರು ಎನ್ನಲಾಗಿದೆ. ಈ ಜಾಲದ ಕಿಂಗ್​​ಪಿನ್​ಗಳನ್ನು 2019ರಲ್ಲಿ‌ ಎನ್​ಸಿಬಿ ಅಧಿಕಾರಿಗಳು ಬಂಧಿಸಿದ್ದರು.

https://www.vijayavani.net/soligas-hesitant-to-take-corona-test-or-vaccine/

https://www.vijayavani.net/aiims-delhi-preps-for-covaxin-trials-on-kids/

https://www.vijayavani.net/legal-action-against-amazon-minister-limbavali/