ಮುಂಬೈ: ರಕ್ಷಣಾ ದೈತ್ಯ ಕಂಪನಿ ಹಾಗೂ ಮಿನಿರತ್ನ ಸ್ಥಾನಮಾನವನ್ನು ಹೊಂದಿರುವ ಭಾರತ್ ಡೈನಾಮಿಕ್ಸ್ ತನ್ನ ಹೂಡಿಕೆದಾರರಿಗೆ ಡಬಲ್ ಬಹುಮಾನಗಳನ್ನು ಘೋಷಿಸಿದೆ. ಈ ಸರ್ಕಾರಿ ಕಂಪನಿಯು (ಪಿಎಸ್ಯು) ಪ್ರತಿ ಷೇರಿಗೆ ರೂ 8.85 ರಷ್ಟು ಭಾರಿ ಲಾಭಾಂಶವನ್ನು ನೀಡಲಿದೆ. ಅಲ್ಲದೆ, ಶೀಘ್ರದಲ್ಲೇ ಸ್ಟಾಕ್ ಸ್ಪ್ಲಿಟ್ ಮಾಡಲಿದೆ.
ಭಾರತ್ ಡೈನಾಮಿಕ್ಸ್ ಷೇರಿನ ಬೆಲೆಯು ರೂ. 1,685.65 ಕ್ಕೆ ಈಗ ಮುಟ್ಟಿದೆ. ರೂ 30,894.80 ಕೋಟಿಗಳ ಮಾರುಕಟ್ಟೆ ಮೌಲ್ಯದೊಂದಿಗೆ 1.5% ರಷ್ಟು ಏರಿಕೆಯಾಗಿದೆ. ವರ್ಷದ ಆರಂಭದಿಂದ ಇದುವರೆಗೆ ಈ ಸ್ಟಾಕ್ ಬೆಲೆ 2.4% ರಷ್ಟು ಇಳಿಕೆಯಾಗಿದೆ. ಆದರೆ, ಕಳೆದ 6 ತಿಂಗಳಲ್ಲಿ ಶೇ. 70ರಷ್ಟು ಲಾಭ ಗಳಿಸಿದೆ. ಒಂದು ವರ್ಷದಲ್ಲಿ, 86% ರಷ್ಟು ಏರಿಕೆ ಕಂಡಿದೆ.
ಕಂಪನಿಯು 2023-24 ರ ಆರ್ಥಿಕ ವರ್ಷಕ್ಕೆ ರೂ 10 ಮುಖಬೆಲೆಯ ಪ್ರತಿ ಷೇರಿಗೆ ರೂ 8.85 ರ ಮಧ್ಯಂತರ ಲಾಭಾಂಶವನ್ನು ಘೋಷಿಸಿದೆ. ಇದಕ್ಕಾಗಿಯೇ, ಮಧ್ಯಂತರ ಡಿವಿಡೆಂಡ್ಗಳ ಪಾವತಿಗೆ ಅರ್ಹ ಷೇರುದಾರರನ್ನು ನಿರ್ಧರಿಸಲು ಏಪ್ರಿಲ್ 2 ಅನ್ನು ದಾಖಲೆ ದಿನಾಂಕವಾಗಿ ನಿಗದಿಪಡಿಸಿದೆ. ಮಧ್ಯಂತರ ಲಾಭಾಂಶದ ಪಾವತಿಯು 18 ಏಪ್ರಿಲ್ 2024 ರ ಒಳಗಾಗಿ ಪೂರ್ಣಗೊಳ್ಳುತ್ತದೆ. ಇದು ಈ ಹಣಕಾಸು ವರ್ಷದ ಮೊದಲ ಮಧ್ಯಂತರ ಲಾಭಾಂಶವಾಗಿದೆ.
1:2 ರ ಸ್ಟಾಕ್ ಸ್ಪ್ಲಿಟ್ ಅನುಪಾತವನ್ನು ಕಂಪನಿಯು ಘೋಷಿಸಿದೆ. ಅಂದರೆ ಅಸ್ತಿತ್ವದಲ್ಲಿರುವ 1 ಷೇರನ್ನು ಎರಡು ಹೊಸ ಷೇರುಗಳಾಗಿ ವಿಭಜಿಸಲಿದೆ. ಮುಖಬೆಲೆಯನ್ನು ಪ್ರತಿ ಷೇರಿಗೆ 10 ರಿಂದ 5 ರೂ.ಗೆ ಕಡಿತಗೊಳಿಸಲಾಗುವುದು. ಸ್ಟಾಕ್ ವಿಭಜನೆಯ ಹಿಂದಿನ ಕಾರಣವೆಂದರೆ ಬಂಡವಾಳ ಪುನರ್ರಚನೆಯ ಮೇಲಿನ ಮಾರ್ಗಸೂಚಿಗಳನ್ನು ಅನುಸರಿಸುವುದು; ಹಾಗೂ ಸಣ್ಣ ಹೂಡಿಕೆದಾರರ ವ್ಯಾಪಕ ಭಾಗವಹಿಸುವಿಕೆಯನ್ನು ಉತ್ತೇಜಿಸುವುದು; ಮತ್ತು ಷೇರು ಮಾರುಕಟ್ಟೆಯಲ್ಲಿ ಕಂಪನಿಯ ಈಕ್ವಿಟಿ ಷೇರುಗಳ ದ್ರವ್ಯತೆ ಹೆಚ್ಚಿಸುವುದ. ಇದು ಭಾರತ್ ಡೈನಾಮಿಕ್ಸ್ನ ಮೊದಲ ಷೇರು ವಿಭಜನೆಯಾಗಲಿದೆ.
ಷೇರುದಾರರ ಅನುಮೋದನೆಯ ದಿನಾಂಕದಿಂದ ಸುಮಾರು 2-3 ತಿಂಗಳುಗಳಲ್ಲಿ ಷೇರು ವಿಭಜನೆಯನ್ನು ಪೂರ್ಣಗೊಳಿಸಲು ಕಂಪನಿ ಉದ್ದೇಶಿಸಿದೆ.
ಟಾರ್ಗೆಟ್ ಪ್ರೈಸ್:
“ಕ್ಷಿಪಣಿಗಳು, ಟಾರ್ಪಿಡೊಗಳು ಮತ್ತು ಕೌಂಟರ್ಮೀಷರ್ ವಿತರಣಾ ವ್ಯವಸ್ಥೆಗಳಂತಹ ಸ್ವದೇಶಿ ರಕ್ಷಣಾ ವೇದಿಕೆಗಳಿಗೆ ಹೆಚ್ಚುತ್ತಿರುವ ಬಂಡವಾಳದ ವೆಚ್ಚದಿಂದ ಲಾಭ ಪಡೆಯಲು ಈ ಕಂಪನಿ ಸಜ್ಜಾಗಿದೆ ಎಂದು ನಾವು ನಂಬುತ್ತೇವೆ. ಪ್ರತಿ ಷೇರಿಗೆ ರೂ 2010 ಗುರಿ ಬೆಲೆಯೊಂದಿಗೆ ಖರೀದಿಸಲು ನಾವು ಶಿಫಾರಸು ಮಾಡುತ್ತೇವೆ. ಇದು ಪ್ರಸ್ತುತ ಮಾರುಕಟ್ಟೆ ಬೆಲೆಗೆ ಹೋಲಿಸಿದರೆ ಭಾರತ್ ಡೈನಾಮಿಕ್ಸ್ನಲ್ಲಿ 19.4% ಕ್ಕಿಂತ ಹೆಚ್ಚಳ ಸಾಧ್ಯತೆ ಸೂಚಿಸುತ್ತದೆ ಎಂದು ICICI ಡೈರೆಕ್ಟ್ ಬ್ರೋಕರೇಜ್ ಸಂಸ್ಥೆ ಹೇಳಿದೆ.
ಮಗಳ ಗಾಯಕ್ಕೆ ಭಾರತೀಯ ವೈದ್ಯರಿಂದಲೇ ಚಿಕಿತ್ಸೆ: ಈ ನೈಜ ಘಟನೆ ಆನಂದ ಮಹೀಂದ್ರಾಗೆ ದೊಡ್ಡ ಪಾಠ ಕಲಿಸಿದ್ದು ಹೇಗೆ?
ಬಹಳ ಗಲೀಜು ಇದೆ…: ಅಯೋಧ್ಯೆ ರೈಲು ನಿಲ್ದಾಣದ ವಿಡಿಯೋ ವೈರಲ್, ಗುತ್ತಿಗೆದಾರನಿಗೆ ದಂಡ