ಅಯೋಧ್ಯೆ: ರಾಮ ಮಂದಿರ ಉದ್ಘಾಟನೆಯ ಹಿನ್ನೆಲೆಯಲ್ಲಿ ನವೀಕರಣಗೋಂಡಿದ್ದ ಅಯೋಧ್ಯೆ ರೈಲು ನಿಲ್ದಾಣದ ಸ್ಥಿತಿ ಹದಗೆಟ್ಟಿರುವುದನ್ನು ತೋರಿಸುವ ವಿಡಿಯೋ ವೈರಲ್ ಆಗಿದೆ.
“reality5473” ಹೆಸರಿನ ಎಕ್ಸ್ ಸೋಷಿಯಲ್ ಮೀಡಿಯಾದ ಬಳಕೆದಾರರು ಡಿಸೆಂಬರ್ 30, 2023 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಉದ್ಘಾಟಿಸಿರುವ ಅಯೋಧ್ಯಾ ಧಾಮ್ ಜಂಕ್ಷನ್ ರೈಲು ನಿಲ್ದಾಣವನ್ನು ಪ್ರದರ್ಶಿಸುವ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ.
ಆನ್‌ಲೈನ್‌ನಲ್ಲಿ ಪ್ರಸಾರವಾಗಿರುವ ವೀಡಿಯೊಗಳು ಅಯೋಧ್ಯಾ ಧಾಮ್ ರೈಲು ನಿಲ್ದಾಣದ ದುಃಸ್ಥಿತಿಯನ್ನು ಪ್ರದರ್ಶಿಸುತ್ತವೆ. ಕಸದ ಮಹಡಿಗಳು, ಕೊಳಕು ಗೋಡೆಗಳು ಮತ್ತು ತುಂಬಿ ಹರಿಯುವ ತೊಟ್ಟಿಗಳನ್ನು ಇವು ತೋರಿಸುತ್ತವೆ. ಡಿಸೆಂಬರ್ 30, 2023 ರಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಅಯೋಧ್ಯೆ ರೈಲು ನಿಲ್ದಾಣವನ್ನು ಉದ್ಘಾಟಿಸಿದ್ದರು. ನಿಲ್ದಾಣದ ಸ್ವಚ್ಛತೆಯ ಗುಣಮಟ್ಟವು ಕೇವಲ ಎರಡು ತಿಂಗಳ ಅವಧಿಯಲ್ಲಿ ಅಪಾರ ಪ್ರಮಾಣದಲ್ಲಿ ಕುಸಿದಿದೆ.
“ಬಹುತ್ ಗಂದಗಿ ಹೈ… (ಬಹಳ ಗಲೀಜು ಇದೆ). ಎಕ್ದಮ್ ಅಜೀಬ್ ಸಾ ಬದ್ಬೂ ಕರ್ ರಹಾ ಹೈ (ಒಂದು ರೀತಿ ವಿಚಿತ್ರ ಕೊಳಕು ವಾಸನೆ ಬರುತ್ತಿದೆ)” ಎಂದು ಎಕ್ಸ್ ಬಳಕೆದಾರರು ಕಾಯುವ ಕೋಣೆಯ ಸಂಪೂರ್ಣ ನೋಟವನ್ನು ತೋರಿಸುತ್ತಿರುವಾಗ ಬರೆದಿದ್ದಾರೆ.
PART 2 pic.twitter.com/9AY4hGYHoK
— reality piller (@reality5473) March 21, 2024
ಹಲವಾರು ಪ್ರಮುಖ ಸಾಮಾಜಿಕ ಮಾಧ್ಯಮ ಖಾತೆಗಳು ಈ ವೀಡಿಯೊಗಳನ್ನು ಮರುಪೋಸ್ಟ್ ಮಾಡಿದ್ದರಿಂದ ಇದು ಸಾಕಷ್ಟು ವೈರಲ್ ಆಗಿದೆ. ಈ ಮರುಪೋಸ್ಟ್‌ಗಳ ಪೈಕಿ ಒಂದು ಅಂದಾಜು 30 ಲಕ್ಷ ವೀಕ್ಷಣೆಗಳನ್ನು ಕಂಡಿದೆ. ಇನ್ನೊಂದು ಉತ್ತರ ರೈಲ್ವೆ ಲಖನೌ ವಿಭಾಗದ ಅಧಿಕಾರಿಗಳ ಗಮನವನ್ನು ಸೆಳೆದಿದೆ. ಇದರಿಂದಾಗಿ ನಿಲ್ದಾಣದ ನೈರ್ಮಲ್ಯ ಗುತ್ತಿಗೆದಾರರಿಗೆ ದಂಡ ವಿಧಿಸಲಾಗಿದೆ.
“ಇಂದು, ವರದಿಯಾದ ಅಕ್ರಮಗಳಿಗಾಗಿ ಅಯೋಧ್ಯಾ ಧಾಮ್ ನಿಲ್ದಾಣದಲ್ಲಿ ನೈರ್ಮಲ್ಯ ಗುತ್ತಿಗೆದಾರನಿಗೆ ರೂ. 50,000 ದಂಡವನ್ನು ವಿಧಿಸಲಾಗಿದೆ. ಹೆಚ್ಚುವರಿಯಾಗಿ, 18:00 ಗಂಟೆಗೆ ತೆಗೆದ ಕ್ಲೀನ್ ಸ್ಟೇಷನ್‌ನ ಕೆಲವು ಚಿತ್ರಗಳು ಇಲ್ಲಿವೆ” ಎಂದು ಲಖನೌ ಡಿವಿಜನ್ ರೈಲ್ವೆ ಮ್ಯಾನೇಜರ್ ಅವರ ಅಧಿಕೃತ ಎಕ್ಸ್ ಹ್ಯಾಂಡಲ್ನಲ್ಲಿ ಶುಕ್ರವಾರ ಬರೆಯಲಾಗಿದೆ.
Today, a fine of INR 50,000 has been imposed on the sanitation contractor at Ayodhya Dham station for reported irregularities. Additionally, here are some images of the clean station taken at 18:00 hrs. pic.twitter.com/Uir0xjpCeN
— DRM Lucknow NR (@drm_lko) March 22, 2024
ರಾಮ ಮಂದಿರ ಉದ್ಘಾಟನೆಯ ಹಿನ್ನೆಲೆಯಲ್ಲಿ ಭಾರತೀಯ ರೈಲ್ವೇ ಅಯೋಧ್ಯೆಯ ರೈಲು ನಿಲ್ದಾಣವನ್ನು “ಅಯೋಧ್ಯಾ ಜಂಕ್ಷನ್” ನಿಂದ “ಅಯೋಧ್ಯಾ ಧಾಮ” ಎಂದು ಮರುನಾಮಕರಣ ಮಾಡಿದೆ. ಡಿಸೆಂಬರ್ 30, 2023 ರಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ನಿಲ್ದಾಣದ ಹೊಸ ಕಟ್ಟಡವನ್ನು ಅನಾವರಣಗೊಳಿಸುವ ಈ ಬದಲಾವಣೆ ಮಾಡಲಾಗಿದೆ.
ಅದಾನಿ ಸಮೂಹದಿಂದ 2% ಷೇರು ಮಾರಾಟ: ಸಿಮೆಂಟ್ ಕಂಪನಿ ಸಂಘಿ ಇಂಡಸ್ಟ್ರೀಸ್‌ನಲ್ಲಿ ಮಹತ್ವದ ಬೆಳವಣಿಗೆ
5 ರೂಪಾಯಿಯ ಪೆನ್ನಿ ಸ್ಟಾಕ್ಗೆ ಡಿಮ್ಯಾಂಡು: ಒಂದೇ ವಾರದಲ್ಲಿ 25% ಏರಿಕೆ
500ರಿಂದ 1 ರೂಪಾಯಿಗೆ ಕುಸಿದಿದ್ದ ರಿಲಯನ್ಸ್ ಕಂಪನಿ ಷೇರು: ಈಗ 7 ದಿನಗಳಲ್ಲಿ ಬೆಲೆ 30% ಹೆಚ್ಚಳವಾಗಿದ್ದೇಕೆ?