ವಾಷಿಂಗ್ಟನ್: ಮುಂಬರುವ ಅಧ್ಯಕ್ಷೀಯ ಚುನಾವಣೆಗು ಮುನ್ನ ಅಮೆರಿಕದಲ್ಲಿ ಪ್ರಾಥಮಿಕ ಚುನಾವಣಾ ಪ್ರಕ್ರಿಯೆಗಳು ಆರಂಭವಾಗಿದ್ದು, ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಹಾಗೂ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗೆಲುವಿನ ನಾಗಾಲಾಟ ಮುಂದುವರಿಸಿದ್ದಾರೆ.
ರಿಪಬ್ಲಿಕನ್ ಪಕ್ಷದಿಂದ ಅಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ನ್ಯೂ ಹ್ಯಾಂಪ್ಶೈರ್ ಕ್ಷೇತ್ರದ ಪ್ರಾಥಮಿಕ ಚುನಾವಣೆಯಲ್ಲಿ ಟ್ರಂಪ್ ಗೆಲುವು ದಾಖಲಿಸಿದ್ದಾರೆ. ಕೆಲ ದಿನಗಳ ಹಿಂದಷ್ಟೇ ಅಯೋವಾ ಕ್ಷೇತ್ರದಲ್ಲಿ ಟ್ರಂಪ್ ಗೆಲುವು ದಾಖಲಿಸಿದ್ದರು. ಇನ್ನೊಂದೆಡೆ ಅಮೆರಿಕದ ಹಾಲಿ ಅಧ್ಯಕ್ಷ ಜೋ ಬೈಡೆನ್ ಸಹ ಡೆಮಾಕ್ರೆಟಿಕ್ ಪಕ್ಷದಿಂದ ಗೆಲುವು ದಾಖಲಿಸಿದ್ದಾರೆ. ಗಮನಾರ್ಹ ಸಂಗತಿ ಏನೆಂದರೆ, ಬೈಡೆನ್ ಅವರು ಯಾವುದೇ ಪ್ರಚಾರ ಮಾಡದೆಯೂ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ್ದಾರೆ.
ಅಯೋವಾ ಕ್ಷೇತ್ರದಲ್ಲಿ ಟ್ರಂಪ್ ಗೆಲುವು ಸಾಧಿಸುತ್ತಿದ್ದಂತೆ ಭಾರತೀಯ ಮೂಲದ ವಿವೇಕ್ ರಾಮಸ್ವಾಮಿ ಸ್ಪರ್ಧೆಯಿಂದ ಹಿಂದೆ ಸರಿದು ಟ್ರಂಪ್ಗೆ ಬೆಂಬಲ ನೀಡುವುದಾಗಿ ಘೋಷಣೆ ಮಾಡಿದರು. ಇದೀಗ ನ್ಯೂ ಹ್ಯಾಂಪ್ಶೈರ್ ಕ್ಷೇತ್ರದಲ್ಲಿ ನಿಕ್ಕಿ ಹ್ಯಾಲಿ ತೀವ್ರ ಹಿನ್ನಡೆ ಅನುಭವಿಸಿದ್ದು, ಟ್ರಂಪ್ ಭರ್ಜರಿ ಜಯ ದಾಖಲಿಸುವ ಮೂಲಕ ರಿಪಬ್ಲಿಕನ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿಯಾಗುವಲ್ಲಿ ಮುಂಚೂಣಿಯಲ್ಲಿದ್ದಾರೆ.
ಪ್ರಾಥಮಿಕ ಚುನಾವಣೆಯಲ್ಲಿ ಟ್ರಂಪ್ ಅವರಿಗೆ ಇದು ಎರಡನೇ ಗೆಲುವಾಗಿದ್ದು, ಇದೇ ವರ್ಷ ನವೆಂಬರ್ನಲ್ಲಿ ನಡೆಯಲಿರುವ ಅಧ್ಯಕ್ಷೀಯ ಚುನಾವಣೆಯಲ್ಲಿ ಟ್ರಂಪ್ ಮತ್ತೊಮ್ಮೆ ಬೈಡೆನ್ ಎದುರು ಮುಖಾಮುಖಿಯಾಗಲಿದೆ ಎಂದು ಹೇಳಲಾಗುತ್ತಿದೆ. ದಕ್ಷಿಣ ಕೆರೊಲಿನಾದ ಮಾಜಿ ಗವರ್ನರ್ ನಿಕ್ಕಿ ಹಾಲಿ ನ್ಯೂ ಹ್ಯಾಂಪ್ಶೈರ್ನಲ್ಲಿ ಎರಡನೇ ಸ್ಥಾನಕ್ಕೆ ಕುಸಿದರು. ಹ್ಯಾಲಿ ಅವರ 46.6 ಶೇಕಡವಾರು ಮತಗಳಿಗೆ ಹೋಲಿಕೆ ಮಾಡಿದರೆ, ಟ್ರಂಪ್ 52.3 ರಷ್ಟು ಮತಗಳೊಂದಿಗೆ 14ರಷ್ಟು ಹೆಚ್ಚುವರಿ ಮತಗಳನ್ನು ತಮ್ಮ ಬುಟ್ಟಿಗೆ ಹಾಕಿಕೊಂಡಿದ್ದಾರೆ. (ಏಜೆನ್ಸೀಸ್)
ಸಾನಿಯಾ ಪಡೆದ ಜೀವನಾಂಶವೆಷ್ಟು? ಭಾರತೀಯ ಮಹಿಳೆಯ ತಾಕತ್ತು ಅಂದ್ರೆ ಇದು! ಮಲಿಕ್ಗೆ ಮುಖಭಂಗ
ಶ್ರೀದೇವಿಯ ಆ ಫೋಟೋ ನೋಡಿ ಗಳಗಳನೆ ಅತ್ತ ಸೆನ್ಸೇಷನಲ್ ಡೈರೆಕ್ಟರ್; ಅಂತದ್ದೇನಿದೆ ಎಂದ್ರು ನೆಟ್ಟಿಗರು…